3/28/2024
Today from Hiiraan Online:  _
Wararka Maanta- Talaado, Apr 9 , 2013
Guddoomiyaha Baarlamaanka oo la Kulmay Wasiirka Arrimaha Dibadda Dalka Norway, soona booqday Baarlamaanka Dalkaas (SAWIRRO)


Talaado, Abriil 09, 2013 (HOL) — Guddoomiyaha baarlamaanka Somalia, Prof. Maxamed Sheekh Cismaan (Jawaari) iyo wafdiga uu hoggaaminayo ee socdaalka ku jooga dalka Norway ayaa kulan la qaatay wasiirka arrimaha dibadda Norway, iyagoo dhanka kalena booqday dhismaha baarlamaanka dalkaas.

Kulankan dhexmaray Jawaari iyo iyo wasiirka arrimaha dibadda Norway ayaa ka dhacay xarunta wasaaradda arrimaha dibadda Norway halkaasoo markii ay tageen wafdiga ay kusoo dhaweeyeen mas’uuliyiinta wasaaraddaas oo uu hoggaaminayey wasiirka arrimaha dibadda, Espen Barth Eide.

Soo dhaweyn kaddib kulan dheer oo saacado qaatay ayay yeesheen labada mas’uul kaasoo ay kaga isbedellada ka jira Soomaaliya iyo sida ay dowladda Norway u sii wadi lahayd taageerada ay siiso dowladda Soomaaliya iyo shacabkeeda.

Prof. Jawaari iyo Espen Barth Eide oo kulanka kaddib si wadajir ah ula hadlay saxaafadda ayaa sheegay in xukuumadda Norway ay aad ugu faraxsan tahay isla markaana ay taageerayso isbedelka ka jira Somalia, waxaana uu wasiirku ballan-qaaday inay sii wadi doonaan taageerada ay siiyaan Soomaaliya.

Guddoomiyaha baarlamaanka Soomaaliya, Maxamed Sheekh Cismaan oo isaguna shirkaasi jaraa’id ka hadlay ayaa ugu horreyn dowladda Norway uga mahad-celiyey soo dhaweynta heerka sare ah ee ay u sameeyeen wafdiga uu hoggaaminayay iyo sida ay u taageereen shacbiga Soomaaliyeed intii uu dalku ka jiray bur-burka iyo sida ay hadda u garab taagan yihiin dowladda Soomaaliya; wuxuuna ku tilmaamay kulankii maanta inuu ahaa mid muhiim ah.

Dhinaca kale, wasiirka arrimaha dibadda Norway ayaa xalay casho sharaf u sameeyey wafdiga guddoomiyaha baarlamaanka; iyadoo sidoo kalena uu guddoomiyaha iyo wafdigiisa ay maanta tageen xarunta baarlamaanka dalkaas; waxaana wafdiga guddoomiyaha uu caawa la kulmi doonaa jaalliyadda Soomaaliyeed ee Norway ku nool.








Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
4/9/2013 3:01 PM EST
(Daawo) Qaar Ka Tirsan Xildhibaanada Golaha Deegaanka Berbera ,Cuqaal Odayaal Waxgarad Iyo Dadwaynaha Geella-Kor Ee Gobolka Saaxil Oo Baaq U Diray Xukuumada Joojiyay-na Koox Macdan Si Tuuga Ah U Guranaayay

4/9/2013 1:03 PM EST
Talaado, Abriil 09, 2013 (HOL) — Madaxweynaha Kenya, Uhuru Kenyata oo ka hadalyay xafladda dhaarintiisa ayaa sheegay inay rabaan in mustaqbalka dhow ay arkaan Soomaaliya oo nabad ah, isagoo sheegy in nabadda Kenya iyo tan Bariga Afrika ay ku xiran tahay deggenaasho ka dhasha Soomaaliya.

4/9/2013 1:01 PM EST
Talaado, Abriil 09, 2013 (HOL) — Xukuumadda Soomaaliya ayaa markii ugu horreysay weydiisatay dowladda Liibiya in xabsiyada dalkeeda ay kasii dayso maxaabiista Soomaalida ah ee ku xir-xiran, kaddib kulan dhexmaray wasiir ku xigeenka wasaaradda arrimaha dibadda Soomaaliya, Jamaal Maxamed Barroow iyo danjiraha Liibiya u fadhiya Soomaaliya, Daahir Siciid Cabdijaliil.

4/9/2013 9:45 AM EST
Talaado, Abriil 09, 2013 (HOL) — Munaasabad siweyn loo soo agaasimaya oo ay goob joog ka ahaayeen wafdi ka socday dowladda Soomaaliya oo labadii cisho ee la soo dhaafay ku sugnaa magaalada Baladweyne, mas’uuliyiinta hore ee maamulka gobollka Hiiraan, maamulka cusub ee loo soo magacaabay gobollka, saraakiisha ciidamada dowladda, saraakiisha ciidamada Jabuuti ee howlgalka midowgga Africa AMISOM, waxgarad, odayaal dhaqameed iyo marti-sharaf kale, ayaa maanta lagu qabtay magaalada Baladweyne ee xarunta gobollka Hiiraan.

4/9/2013 7:07 AM EST
Xaflad ay kasoo qayb-galeen in ka badan 11 madaxweyne oo ka socda qaarada Afrika ayaa lagu caleema saaray madaxweynaha cusub ee Kenya Uhuru Kenyatta iyo ku xigeenkiisa William Ruto.

4/9/2013 1:41 AM EST
Talaado, Abriil 09, 2013 (HOL) — Madaxweynaha dalka Mareykanka, Barack Obama ayaa sheegay Isnintii shalay inuu go’aansaday inuu saanad ciidan uu siiyo dowladda Soomaaliya si loo xoojiyo ciidamada Soomaaliya, isagoo sheegay in tani ay xoojinayso xiriirka u dhexeeya Mareykanka iyo dalka ku yaalla geeska Afrika.

4/9/2013 1:10 AM EST
Talaado, Abriil 09, 2013 (HOL) — Waxaa xalay fiidkii magaalada Gaalkacayo ee xarunta gobolka Mudug lagu toogtey sarkaal ka tirsanaa wasaaradda amniga ee Puntland.Sarlkaalka la diley oo lagu magacaabi jirey Col. Axmed Maxamed Axmed ''Dhega-wayne'' , wuxuu ahaa isuduwaha xafiiska wasaaradda ee gobolka Mudug.

4/9/2013 1:08 AM EST
Talaado, Abriil 09, 2013 (HOL) —Kenya ayaa waxaa maanta loo dhaarinayaa madaxweynihii afaraad ee dalkaas soo mara, kaasoo ah wiil uu dhalay madaxweynihii ugu horreeyay iyo aabbihii xorriyadda dalkaas, iyadoo lagu wado in caleemo-saarkiisa ay ka qaybgalaan madax afrikaan ah oo uu ka mid yahay madaxweynaha Soomaaliya, Xasan Sheekh Maxamuud

4/9/2013 1:06 AM EST
Talaado, Abriil 09, 2013 (HOL) — Iyadoo ay todobaadyadii u danbeeyey ciidamada booliska ee Puntland ku raad joogeen koox dabley ah oo bishii lasoo dhaafay ee Maarso dabayaaqadeedii dhacay xawaaladda KAAH xarunteeda magaalada Boosaasoo, islamarkaana diley labo kamid ahaa shaqaalaheeda, ayaa shalay magaalada Gaalkacayo lagu qabtay nin kooxdaas ka tirsanaa.