7/23/2019
Today from Hiiraan Online:  _
Wararka Maanta- Isniin, Apr 8 , 2013
Madaxweyne Siilaanyo oo sheegay in laba Mowqif oo kala Fog ay kala Taagan yihiin Somaliland iyo Soomaaliya (SAWIRRO)



Isniin, Abriil 08, 2013 (HOL) — Madaxweynaha Somaliland, Axmed Maxamed Maxamuud (Siillaanyo) oo maanta u ambabaxay dalka Turkiga oo uu ka furmayo shir lagu wada-hadalsiinayo Somaliland iyo Soomaaliya ayaa sheegay inay soomaaliya ku qancinayaan sidii ay u aqoonsan lahaayeen madax banaanidda Somaliland, inkastoo ay laba mawqif oo kala durugsan la kala taagan yahay, haseyeeshee albaabadda wada hadalka aanay xidheyn ee ay soo dhoweynayaan in la wada hadlo.

Sidaas wuxuu ka sheegay mar uu maanta ka dhoofayey madaarka magaaladda Hargeysa oo uu warbaahinta kula hadlay qolka nasashadda ee madaarka, waxaanu sheegay in shirar kale oo Soomaaliya loo qabanayey ay diideen inay ka qaybgalaan ka dib markii ay dantoodda ka waayeen, balse uu shirkan u arkay mid dan ugu jirto Somaliland, taas oo uu caalamka usoo bandhigayo qadiyadda madax banaanidda Somaliland.

“Shirar kale ayaynu ka qaybgalnay, kuwo  aynu ka gaws-qaniinayna way jiraan, sababtoo ah way inoo cuntimi waayeen oo waxay u muuqanaysaa in aynaan u sinayn oo wada hadal buuxda ku lahayn”ayuu yidhi madaxweynuhu isagoo ka hadlaya shirkii ay biyo diideen iyo kuwii ay ka qaybgaleen, waxaanu intaas ku daray “ Turkiga ayaanu maanta tagaynaa oo wada hadalkii ayaa inoo furmaya, Dan iyo maslaxad ayaa inoogu jira, waxaan inoo rajaynaa in qadiyadeena aynu dunida gaadhsiino oo shirarka caalamka tagno oo qadiyadeena oo la maqlaa waxa ku jira danta Somaliland, cida doonaysa in qadiyadeenna caalamka gaadhsiisaa waa innaga.”

Mar uu ka hadlayey waxa laga hadlayo waxa  uu yidhi “shirkaasi waa mid Somaliland iyo soomaaliya la wada hadalsiinayo, qodobada laga hadlayaana way iska cad yihiin oo Soomaaliya waxay doonayaan in la isku noqdo, Somaliland waxay doonaysaa madaxbanaanideedda in ay dunida aqoonsato, halka weeyi halka la iskaga hor imanayaa, laakiin xidhi mayno albaabada ee inagoo qadiyadeena sheegayna ayeynu dunida tusaynaa oo waynu garnaqsanaynaa”ayuu yidhi isagoo tilmaamaya inuu wada hadalku adkaanayo oo laba mawqif la kala taagan yahay.

Madaxweynaha waxa  uu sheegay inay safarkiisana ku wehelinayaa madaxda xisbiyadda Qaranka, shirgudoonka golaha Wakiiladda iyo Guurtidda iyo xubno wasiiro ah, kuwaas ka qaybgalli doonna shirka.

Sidoo kale, madaxweynuhu wuxuu ku hakan doonaa Itoobiya, isla markana waxa la sheegay inay madaxweynaha ka sii horeyn doonaan guddi farsamo oo sii diyaarinaya qaabka loo wada hadlayo

Si kastaba ha ahaatee, shirkan wada hadalka labadda dhinaca waxa qabanqaabinaya dawladda Turkiga, haseyeeshee waxay xukuumaddu sheegtay inay Turkigu kaliya fududaynayso in la wada hadlo balse waxa laga hadlayo iyo ajandaha wada hadalkaba ay soomaalidu u madax banaan yihiin.








Barkhad-Ladiif M. Cumar, Hiiraan Online
[email protected]
Hargeysa, Somaliland










Click here
4/8/2013 3:03 PM EST
Isniin, Abriil 08, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) oo wafdi uu hoggaaminayo ay ku sugan yihiin dalka Norway ayaa maanta kulammo kala duwan kula qaatay magaalada Oslo ee xarunta dalkaas mas’uuliyiin ka tirsan dowladda Norway.

4/8/2013 2:24 PM EST
Isniin, Abriil 08, 2013 (HOL) — Ra’iisul wasaaraha Soomaaliya, Cabdi Faarax Shir-doon (Saacid) oo safar shaqo ku jooga dalka Itoobiya ayaa kulan waqti dheer qaatay la yeeshay maanta ra’iisul wasaaraha Itoobiya, Hailamariam Desalegn.

4/8/2013 2:05 PM EST
Isniin, Abriil 08, 2013 (HOL) — Magaalada Baydhabo ee gobolka Bay ayaa waxaa maanta ka dhacday dhacdo aad u fool xun oo ay sameeyeen labo ka tirsan askarta ciidamada dowladda Somalia kaddib markii ay ku murmeen lacag gaaraysa 4,000 oo shillin Soomaali ah.

4/8/2013 10:30 AM EST
Isniin, 08 April, 2013(HOL) :-Maamulka KMG ee magaalada Kismaayo ayaa sheegay in laga bilaabo maanta aan la arki karin askari hub ku dhexwata magaalada, waxayna arintani ka danbeeysay kadib markii maalmihii u danbeeyay ay soo baxayeen kooxo hubeysan oo dhac u geysta dadka rayidka ah.

4/8/2013 9:30 AM EST
Isniin, Abriil 08, 2013 (HOL) — Wafdiga ka socda dowladda federaalka Soomaaliya ee maalintii shalay gaaray magaalada Baladweyne ayaa kulamo gargaar ah la yeellanaya mas’uuliyiinta maamulka gobollka Hiiraan iyo qeybaha kala duwan ee bulshada, xilli maanta la fillayay in xilka lagu wareejiyo mas’’uuliyiinta cusub ee maamulka gobollka Hiiraan.

4/8/2013 9:07 AM EST
Isniin, Abriil 08, 2013 (HOL) — Madaxweynaha Somaliand Mudane Axmed Maxamed Maxamuud Siillaanyo, ayaa maanta soo saaray wareegtu uu ku magaaabay guddi heer qaran oo qabanqaabisa xuska 18 May oo ah maalintii ay Somaliland ku dhowaaqday inay ka madax banaantahay soomaaliya inteedda kale 18. May, 1991.

4/8/2013 8:58 AM EST
Isniin, Abriil 08, 2013 (HOL) — Golaha wasiirada xukuumada Soomaaliya ayaa maanta yeeshay kulan deg-deg ah oo uu shir-gudoominayay ku simaha ra’iisul wasaaraha ahna wasiirka garsoorka, cadaalada iyo arrimaha diinta, C/llaahi Abyan Nuur, iyadoo kulanka looga hadlay digniintii Britain ay kasoo saartay amaanka Muqdisho, iyagoo sheegay inaysan khatari ka jirin xarunta Soomaaliya ee Muqdisho.

4/8/2013 8:20 AM EST
Isniin, Abriil 08, 2013 (HOL) — Agaasimihii hay’adda nabad-sugidda Qaranka, Axmed Macallin Fiqi ayaa ka digay weerarro argagixiso oo ka dhaca magaalada Muqdisho, isagoo hadalkan kusoo beegay iyadoo dowaldda Ingiriisku ay maalmo ka hor soo saartay digniin ku saasan in Muqdisho ay ka dhici karaan weerarro argagaxiso.

4/8/2013 8:05 AM EST
Isniin, Abriil 08, 2013 (HOL) — Madaxweynaha Soomaaliya, Xasan Sheekh Maxamuud ayaa maanta tababar ugu soo xiray xerada Xalane ee duleedka Muqdisho boqolaal ka tirsan ciidamada dowladda Soomaaliya oo bilooyin halkaas tababar ku qaadanayay.

4/8/2013 7:27 AM EST
Isniin, Abriil 08, 2013 (HOL) — Soomaaliya ayaa ka qaybgalaysa markii ugu horreysay tababarka da’yarta dublamaasiyiinta adduunka oo ka furmay magaalada Ankara ee xarunta dalka Turkiga.

4/8/2013 7:18 AM EST
Isniin, Abriil 08, 2013 (HOL) — Xarakada Al-shabaab ayaa bartamaha degmada Buulo-burte ee gobolka Hiiraan ku toogtay gabar dhalinyaro ah oo lagu eedeeyay inay ahayd jaajuusad u shaqeysa dowladda federaalka ayna qabteen iyadoo falal shirqool ah gacanta kula jirta.

4/8/2013 1:29 AM EST
Isniin, Abriil 08, 2013 (HOL) — Waxaa dib u dhac uu ku yimid shir looga hadli lahaa arrimaha Soomaaliya, kaasoo ay soo qabqaabisay IGAD, iyadoo dib u dhacan uu ku yimid codsi ka yimid dalka Kenya oo sheegtay inay ku jiraan xilli kala guur ah.