3/28/2024
Today from Hiiraan Online:  _
Wararka Maanta- Sabti, Apr 27, 2013
UHURU KENYATTA: “Danta aan ka leenahay Soomaaliya waa inaan dib ugu soo celino ammaan iyo deggenaasho”`

Sabti, Abriil 27, 2013 (HOL) — Madaxweynaha dalka Kenya, Uhuru Kenyatta ayaa sheegay in danta ay Kenya ka leedahay Soomaaliya ay tahay sidii ay ugu soo celin lahayd ammaan iyo deggenaasho kaddib in ka badan 20-sano oo colaado ay ka jireen dalka ay dariska yihiin.

Kenyatta wuxuu sheegay in nabadda Soomaaliya aysan dani ugu jirin Somali oo keliya, balse ay dani ugu jirto gobolka oo dhan. Wuxuuna hadalkan sheegay kaddib markii uu Khamiistii lasoo dhaafay kulan la yeeshay guddoomiyaha guddiga Midowga Afrika, Dr. Nkosazana Dlamini-Zuma la yeeshay Khamiistii lasoo dhaafay.

Sidoo kale, Kenyatta wuxuu sheegay in ciidamada Kenya ee ku sugan gudaha Soomaaliya ay ku shaqeeyaan magaca Midowga Afrika ee AMISOM, dantoodana ay tahay inay dowladda Soomaaliya ka caawiyaan dib u soo celinta nabaddii iyo kala dambeyntii Soomaaliya.

“Waxaan xaqiijinayaa in Kenya ay u taagan tahay diyaarna u tahay inay ka caawiso shacabka Soomaaliyeed iyo dowladdooda sidii ay nabad dalkooda uga dhalin lahaayeen, beesha caalamka waxaan ugu baaqayaa inay taageero siiyaan dadaalka uu gobolku wado,” ayuu yiri Kenyatta.

Maxweynaha Kenya wuxuu hadalkiisa ku sheegay in dowlddiisu ay si buuxda u taageersan tahay qorshah IGAD ee horumarinta Soomaaliya. Isagoo xusay in deggenaasho kusoo celinta dalka bariga Afrika ku yaalla ay dani weyn ugu jirto dalalka gobolka ku yaalla oo dhan.

“Ciidamada Kenya waxay sii wadi doonaan howsha ay qaybta ka yihiin ee AMISOM, waxayna qaybtooda ka qaadanayaan howsha socota ee nabad ku soo celinta Soomaaliya,” ayuu si fudud u yiri. Isagoo hadalkiisa raaciyay: “Qorshaha nabadeed ee Somalia waa mid uu dejiyay ururka Midowga Afrika, Kenyana waxay sii wadaysaa ballanqaadkeedii ahaa inay qaybteeda ka qaadan doono howshan.”

Dhanka kale, guddoomiyaha Midowga Afirka oo booqasho ku tagtay Kenya iyo madaxweynaha dalkaas ayaa ka dooday xoojinta iyo horumarinta ganacsiga guud ee Qaaradda Afrika.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
4/27/2013 1:16 PM EST
Sabti, Abriil 27, 2013 (HOL) — Madaxweynaha Soomaaliya, Xasan Sheekh Maxamuud ayaa maanta safar kooban oo shaqo ku tagay magaalada Mombasa ee dalka Kenya; halkaasoo uu kula kulmay Madaxweynaha Kenya, Uhuru Kenyatta.

4/27/2013 12:50 PM EST
Sabti, Abriil 27, 2013 (HOL) — Dowladda Britain ayaa sheegtay inay Somalia siinayso lacag gaaraysa 80-milyan oo gini oo u dhiganta 120-milyan oo dollarka Mareykanka ah, si xal loogu helo deggenaasho la‘aanta muddada labaatanka sano ah ka jirtay.

4/27/2013 12:42 PM EST
Sabti, Abriil 27, 2013 (HOL)-- Iyadoo ay muddo koobani ka harsan tahay xilliga la shaaciyey in doorashada goleyaasha deegaanku ay ka qabsoomi doonto –markii ugu horeysey- deegaannada Puntland, ayaa waxaa sii kordheysa tirada urur-siyaasadeedyada qaadacay ka qayb-galka doorashada.

4/27/2013 12:39 PM EST
Sabti, Abriil 27, 2013 (HOL) — Kaddib markii Al-shabaab ay habeen ka hor ku dishay Muqdisho, ku-xigeenkii garyaqaanka guud ee dalka ayaa farriin ay kooxdan soo saartay waxay ku sheegtay inay mid-mid u ugaarsan doonto oo ay dili doonto dhammaan shaqaalaha maxkamadaha dalka.

4/27/2013 8:05 AM EST
Sabti, Abriil 27, 2013 (HOL) — Guddoonka baarlamaanka Soomaaliya ayaa diiday mooshin laga keenay heshiiskii dhexmaray dowladda Soomaaliya iyo maamulka Somaliland, iyagoo sheegay in mooshinkaas uu ka horimaanayo dastuurka dalka, sidaa daraadeedna aan laga doodayn.

4/27/2013 1:17 AM EST
Sabti, Abriil 27, 2013 (HOL) — Madaxweynaha Soomaaliya iyo wafdi uu hoggaaminayo ayaa saakay u amabaxay magaalada Mombassa ee dalka Kenya, halkaasoo la sheegay inuu kula kulmi doono madaxweynaha dalka Kenya, Uhuru Kenyatta.

4/27/2013 12:59 AM EST
Sabti, Abriil 27, 2013 (HOL) — Iyadoo dowladda Britain ay dib Muqdsiho uga furtay safaaraddeedii kaddib 22-sano oo ay xirnayd ayaa madaxweynaha Soomaaliya wuxuu ku tilmaamay furitaanka safaaraddan tallaabo dhiirigelin u ah in Soomaaliya ay ka baxday colaadihii muddada dheer ay kusoo jirtay ayna u diyaarsan tahay dib u soo celinta Qarannadimii iyo kala dambeyntii.

4/27/2013 12:56 AM EST
Sabti, Abriil 27, 2013 (HOL) — Madaxweyne ku xigeenka dalka Kenya, William Rutu ayaa ka dalbaday maxkamadda caalamiga ah ee dambiyada dagaalka ICC inay dib u dhigto dacwaddiisa oo billaaban lahayd bisha soo socota illaa dhamaadka sannadkan.