10/14/2019
Today from Hiiraan Online:  _
Wararka Maanta- Jimco, Apr 26, 2013
Danjiraha Somalia u jooga Qaramada Midoobay oo sheegay in Soomaaliya ay noqotay arrinta ugu weyn ee laga hadlo


Jimco, Abriil 26, 2013 (HOL) — Danjiraha Soomaaliya u jooga Qaramada Midoobay, Cilmi Axmed Ducaale ayaa sheegay in Soomaaliya ay tahay arrinta ugu weyn ee looga hadlo shirarka Qaramada Midoobay, isagoo xusay in siyaasad ahaan iyo ammaan ahaan ay u muuqato Soomaaliya mid ay dhibaato ka jirto.

Cilmi Ducaale ayaa sheegay in inkastoo dalku uu ku tallaabsaday horumarro muhiim ah, haddana aan la dhici karin waa dal ay ka dhamaadeen colaadihii muddada dheer uu kusoo jiray.

Xoghayaha arrimaha dibadda ee Britain, William Hague oo Muqdisho u tagay sidii uu u furi lahaa safaaraddii Britain ee Soomaaliya kaddib 22-sano oo ay xirnayd ayaa sheegay in dalka uu u muuqdo mid kasoo kabanaya dhibaatadii uu ka dhacday colaadihii sokeeye, haddana ay weli ka jiraan loolanno adag.

Soomaaliy ayaa waxaa sannadkii hore ka dhashay dowlad rasmi ah kaddib 22 sano oo dalku uu ku jiray colaado ayna ka talinayeen dowlado KMG ah oo lagu soo dhisay dalka dibaddiisa. Balse Al-shabaab ayaa sheegatay inay ka dambeysay weerar toddobaad ka hor lagu qaaday xarunta ay ku shaqeeyana maxkamadaha dalka.

“Inkastoo horumarro muhiim ah laga gaaray dhibaatooyinkii dalka ka jiray, haddana ma muuqato in laga baxay colaadihii muddada soo jiray,” ayuu ku yiri war ay soo xigteen warkaaladaha wararka caalamka oo danjire Ducaale uu ka sheegay xarunta Qaramada Midoobay ee New York.

Ku xigeenka xoghayaha guud Qaramada Midoobay ee arrimaha siyaasadda, Jeffrey Feltman ayaa sheegay in Qaramada Midoobay ka caawinayso Somalia sidii ay horumar uga sameyn lahayd dhinaca siyaasadda marka la gaaro sannadka 2016-ka.

“Howgalkan cusub waa mid ay Qaramada Midoobay ka billaabayso Somalia, waana mid lagu cusboonaysiinayo go’aankii golaha ammaanka ee Somalia looga taageerayay dhinaca nabad-dhalinta,” ayuu Jeffrey Feltman u sheegay goolaha ammaanka ee Qaramada Midoobay.

Dowladda Soomaaliya ayaa waxay tan iyo markii la dhisay dadaal weyn ugu jirtay sidii ay kusoo celin lahayd ammaanka dalka, waxaana madaxdu ay ku sheegeen ballanqaadyo ay sameeyeen in sugidda ammaanka uu kaalinta hore kaga jiro howlahooda.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
4/26/2013 4:28 PM EST
Maxamed Cabdi Xuseen oo ay maalmo ka hor ayaa dhallinyaro ku dileen duleedka magaalada London ayaa manta la aasay. Waxaa warbixintaa London nooga soo diray Ibraahim Baafo.

4/26/2013 2:41 PM EST
Jimco, Abriil 26, 2013 (HOL) — Mayarka dagmada Saylac, Xuseen Iidle Barkhadle ayaa ka warbixiyay xaaladda degmada Saylac, isagoo sheegay in xaaladdu ay tahay mid aad u wanaagsan, isagoo sheegay in markii uu xilka ka wareegay uu isku dayay inuu xaaladda intaas kasii wanaajiyo.

4/26/2013 2:12 PM EST
Jimco, Abriil 26, 2013 (HOL) — Booliiska dalka Uganda ayaa shaaciyay maanta oo Jimco ah inay heleen warbixinno sheegaya in Al-shabaabta Soomaaliya oo xiriir la leh urur-weynaha Al-Qaacida ay qorsheynayaan weerarro ay ka geysteen dalka Uganda.

4/26/2013 1:18 PM EST
Jimco, Abriil 26, 2013 (HOL) — Prof. Axmed Ismaaciil Samatar ayaa sheegay inuu iska casily xilkii xildhibaannimo ee baarlamaanka Soomaaliya, isagoo ku sheegay wareysi uu siiyay VOA-da inuu warqaddiisii iscasilaadda u gudbiyay guddoomiyaha baarlamaanka Somalia.

4/26/2013 12:55 PM EST
Jimco, Abriil 26, 2013 (HOL) — Abuu-Mansuur Al-Amriiki oo loo yaqaanka Cumar Xamaami oo ka mid ah dagaalyahannada Ajnabiga ah eek a barbar dagaalama Al-shabaab ayaa bartiisa Twitter-ka ku sheegay inuu si dirqi ah uga baxsaday isku-day di loo lagu qaarijin lahaa.

4/26/2013 11:24 AM EST
Jimce, Abriil 26, 2013 (HOL)- Abwaan C/laahi Macalin Axmed ”Dhoodaan” oo kamid ahaa sugaanyahanada Soomaaliyeed kuwooda ugu caansan ayaa ku geeriyoodey magaalada Herer ee dalka Itoobiya.

4/26/2013 5:01 AM EST
Jimco, Abriil 26, 2013 (HOL) — Ciidamada dowladda Soomaaliya iyo kuwa Al-shabaab ayaa ku dagaalamay deegaanno ka tisran gobollada Bakoool iyo Bay, dagaalladaas oo dhaliyay khasaare isugu jirta mid nafeed iyo mid maaliyadeed.

4/26/2013 4:51 AM EST
Jimco, Abriil 26, 2013 (HOL) — Kooxo bastooladley ah ayaa xalay fiidkii ku dilay degmada Yaaqshiid ee gobolka Banaadir ku-xigeenkii garyaqaanka guud ee dalka, Avv. Axmed Sheekh Nuur Maalin, iyadoo kooxihii dilkaas ka dambeeya la qabtay.

4/26/2013 4:38 AM EST
Jimco, Abriil 26, 2013 (HOL) — Gudoomiyaha Dalladda Naafadda ee Somaliland Mukhtaar Cismaan Muxumed, ayaa sheegay inay carqalad ku hayso dhismayaasha wasaaradaha iyo hay’adaha oo aan loogu tallogalin sidii ay dadka naafadda ahi hawlahooga uga soo qabsan lahaayeen, isla markaana ka codsaday inay dadka naafada ah ugu tallogalaan meelihii ay u soo mari lahaayeen.