8/17/2019
Today from Hiiraan Online:  _
Wararka Maanta- Jimco, Apr 26, 2013
Dagaallo ka kala dhacay Deegaanno ka Tirsan Bay iyo Bakool iyo Khasaare ka soo gaaray Xarun ay lahayd Shirkadda Hormuud


Jimco, Abriil 26, 2013 (HOL) — Ciidamada dowladda Soomaaliya iyo kuwa Al-shabaab ayaa ku dagaalamay deegaanno ka tisran gobollada Bakoool iyo Bay, dagaalladaas oo dhaliyay khasaare isugu jirta mid nafeed iyo mid maaliyadeed.

Dagaalka ayaa qarxay markii ciidamada dowladda ay weerareen deegaan lagu magacaabo Hagarka iyadoo dagaalkaas ay ku dhinteen laba qof oo ka tirsan dhinacyadii dagaalamay, hal qofna uu ku dhaawacmay. Ciidamada dowladda ayaa la wraeegay deegaankaas iyagoo saacado kaddib si iskood ah uga baxay.

Sidoo kale, deegaanka Kulan-jareer oo u dhexeeya Waajid iyo Xudur una jirta labada degmo min 45-km ayaa ciidammo ka dowladda waxay ku weerareen xoogag ka tirsan Al-shabaab oo deegaankaas ku sugnaa, iyadoo labada dhinac ay isaga dileen shan qof.

Wararka ayaa sheegaya in rasaastii ay dhinacyadu is-weydaarsadeen ay ku dhacday taawar ay lahayd shirkadda isgaasriinta HORMUUD iyadoo haatan aysan wax isgaarsiin ah ka jirin gobolka Bakool oo dhan, marka laga reebo degmooyinka Waadjir iyo Rabdhuurre oo ka tirsan gobolkaas.

Dhanka kale, toddobaadkii lasoo dhaafay ayaa waxaa dhibaato ay ku dhacday taawar ay lahady shirkadda HORMUUD oo ku yaalla deegaanka Garas-Weyne halkaasoo ay ku dagaalameen ciidamada dowladda iyo kuwa Al-shabaab.

Shirkada HORMUUD ayaa waxaa soo food-saaray khasaaro iyadoo lagu hayo bartilmaameedyo xarumaha ay ku leeyihiin gobolka Bakool oo ka mid ah gooblllada ay dagaallada ugu badan ku dhexmaraan ciidamada dowladda iyo xoogagga Al-shabaab.

Mas’uuliyiinta shirkadda HORMUUD ee deegaanada Garas-weyne iyo Kulan-jareer ayaa ku dhintay dagaallo deegaannadaas lagu qaaday, iyadoo tani ay ka dhigtay khasaaraha soo gaaraya shirkadda Hormuud mid maaliyadeed iyo mid nafeed.

Hiiraan Online, Baydhabo










Click here
4/26/2013 4:28 PM EST
Maxamed Cabdi Xuseen oo ay maalmo ka hor ayaa dhallinyaro ku dileen duleedka magaalada London ayaa manta la aasay. Waxaa warbixintaa London nooga soo diray Ibraahim Baafo.

4/26/2013 2:41 PM EST
Jimco, Abriil 26, 2013 (HOL) — Mayarka dagmada Saylac, Xuseen Iidle Barkhadle ayaa ka warbixiyay xaaladda degmada Saylac, isagoo sheegay in xaaladdu ay tahay mid aad u wanaagsan, isagoo sheegay in markii uu xilka ka wareegay uu isku dayay inuu xaaladda intaas kasii wanaajiyo.

4/26/2013 2:12 PM EST
Jimco, Abriil 26, 2013 (HOL) — Booliiska dalka Uganda ayaa shaaciyay maanta oo Jimco ah inay heleen warbixinno sheegaya in Al-shabaabta Soomaaliya oo xiriir la leh urur-weynaha Al-Qaacida ay qorsheynayaan weerarro ay ka geysteen dalka Uganda.

4/26/2013 1:39 PM EST
Jimco, Abriil 26, 2013 (HOL) — Danjiraha Soomaaliya u jooga Qaramada Midoobay, Cilmi Axmed Ducaale ayaa sheegay in Soomaaliya ay tahay arrinta ugu weyn ee looga hadlo shirarka Qaramada Midoobay, isagoo xusay in siyaasad ahaan iyo ammaan ahaan ay u muuqato Soomaaliya mid ay dhibaato ka jirto.

4/26/2013 1:18 PM EST
Jimco, Abriil 26, 2013 (HOL) — Prof. Axmed Ismaaciil Samatar ayaa sheegay inuu iska casily xilkii xildhibaannimo ee baarlamaanka Soomaaliya, isagoo ku sheegay wareysi uu siiyay VOA-da inuu warqaddiisii iscasilaadda u gudbiyay guddoomiyaha baarlamaanka Somalia.

4/26/2013 12:55 PM EST
Jimco, Abriil 26, 2013 (HOL) — Abuu-Mansuur Al-Amriiki oo loo yaqaanka Cumar Xamaami oo ka mid ah dagaalyahannada Ajnabiga ah eek a barbar dagaalama Al-shabaab ayaa bartiisa Twitter-ka ku sheegay inuu si dirqi ah uga baxsaday isku-day di loo lagu qaarijin lahaa.

4/26/2013 11:24 AM EST
Jimce, Abriil 26, 2013 (HOL)- Abwaan C/laahi Macalin Axmed ”Dhoodaan” oo kamid ahaa sugaanyahanada Soomaaliyeed kuwooda ugu caansan ayaa ku geeriyoodey magaalada Herer ee dalka Itoobiya.

4/26/2013 4:51 AM EST
Jimco, Abriil 26, 2013 (HOL) — Kooxo bastooladley ah ayaa xalay fiidkii ku dilay degmada Yaaqshiid ee gobolka Banaadir ku-xigeenkii garyaqaanka guud ee dalka, Avv. Axmed Sheekh Nuur Maalin, iyadoo kooxihii dilkaas ka dambeeya la qabtay.

4/26/2013 4:38 AM EST
Jimco, Abriil 26, 2013 (HOL) — Gudoomiyaha Dalladda Naafadda ee Somaliland Mukhtaar Cismaan Muxumed, ayaa sheegay inay carqalad ku hayso dhismayaasha wasaaradaha iyo hay’adaha oo aan loogu tallogalin sidii ay dadka naafadda ahi hawlahooga uga soo qabsan lahaayeen, isla markaana ka codsaday inay dadka naafada ah ugu tallogalaan meelihii ay u soo mari lahaayeen.