3/29/2024
Today from Hiiraan Online:  _
Wararka Maanta- Khamiis, Apr 25, 2013
Xukuumadda Itoobiya oo shaacisay inuusan jirin Qorshe degdeg ah oo ay kula baxayso ciidamadeeda ku sugan Soomaaliya

Khamiis, Abriil 25, 2013 (HOL) — Xukuumadda Itoobiya ayaa ka laabatay go’aan ay ku sheegtay inay kula baxayso ciidamadeeda ku sugan Somalia, waxaana Itoobiya ay sheegtay inay ciidamadeedu kusii sugnaanayaan Soomaaliya muddo aanay cayimin.

War kasoo baxay wasaaradda arrimaha dibadda Itoobiya ayaa lagu sheegay in ciidamadooda ay sii joogayaan Soomaaliya, oo aysan jirin qorshe deg-deg ah oo ay ku doonayaan inay uga saaraan ciidamadooda goobaha ay Somalia kaga sugan yihiin.

Ra’iisul wasaaraha Itoobiya, Minister Hailemariam Desalegn oo talaadadii lasoo dhaafay la hadlayay xildhibaannada baarlamaanka Itoobiya ayaa u sheegay in ciidamada AMISOM iyo kuwa dowladda Soomaaliya aysan ilaalin ballamadii ay qaadeen ee ahaa inay ku bedelayaan ciidamada Itoobiya.

Ciidamada Itoobiya oo ku sugan gobollada Bay, Bakool, Gedo iyo Hiiraan oo ku yaalla koonfurta iyo bartamaha Soomaaliya ayaa waxay soo galeen laba sano ka hor, iyagoo dagaal adag la galay xoogaggii Xarakada Al-shabaab oo ay ka saareen deegaanno badan oo ay ku sugnaayeen.

Hailemariam wuxuu sheegay inay guuldarreysteen qorshayaashii ay AMISOM kula wareegay deegaannada ay ciidamada Itoobiya ku sugnaayeen, taasoo dhalisay in ciidamada Itoobiya ay bishii hore isaga baxaan degmada Xudur oo ay dib u qabsatay Al-shabaab.

“Ra’iisul wasaaraha Itoobiya wuxuu yiri waxaan ka walwalsannahay inaan ka saarno ciidamadeenna gudaha Soomaaliya. Balse ma oran waan la baxaynaa ciidamadeenna,” ayuu lagu yiri warsaxaafadeedka kasoo baxay wasaaradda arrimahadda dibada ee Itoobiya.

Afhayeenka wasaaradda arrimaha dibadda ee Itoobiya, Dina Mufti ayaa u sheegay warbaahinta inuusan jirin qorshe ay doonayaan inay ciidamadooda uga saaraan Soomaaliya.

“Hailamariam wuxuu yiri ciidamada Itoobiya waxay u wareegayaan goobo kale oo cusub halkaasoo u baahan in xasillooni lagu soo rogo. Balse maba uusan dhicin waan ka baxaynaa Soomaaliya,” ayuu yiri Mufti.

Wakaaladda wararka Reuters ee dalka Ingiriiska ayaa qortay Talaadadii in ra’iisul wasaaraha Itoobiya uu ku dhawaaqay inuu sida ugu dhaqsiyaha badan ay ciidamadooda uga saarayaan Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
4/25/2013 9:56 AM EST
Khamiis, Abriil 25, 2013 (HOL) — Wasiirka wasaaradda maaliyadda iyo qorshaynta dowladda Soomaaliya, Maxamuud Xasan Sulaymaan iyo wafti uu hoggaaminayo ayaa saaka dalka dib ugu soo laabtay kaddib markii uu kasoo qayb-galeen shirkii hay’adda lacagta adduunka ee IMF-ta oo Washington lagu qabtay.

4/25/2013 9:46 AM EST
Khamiis, Abriil 25, 2013 (HOL) — Magaalada Baydhabo waxaa lagu lagu dilay ganacsate la yiraahdo Xasan Suuley kaasoo si weyn looga yaqaanay gobolka Bay. Ganacsadahan ayaa la sheegay inuu dilay nin la yiraahdo Maxamed Bush-Bush oo ka tirsanaa kooxda Al-shabaab, isagana waxaa qabtay ciidamada booliiska iyagoo ku dilay isla goobta uu dilka ku geystay.

4/25/2013 9:28 AM EST
Khamiis, Abriil 25, 2013 (HOL) — Guddoomiyaha wargeyska madaxa banaan ee Hubaal, ayaa sheegay in laba nin oo baastoolado ku hubaysani xalay soo weerareen wargeyskoodda, isla markaana dhibaatooyin soo gaadhsiiyey gudoomiyaha wargeyska.

4/25/2013 9:05 AM EST
Khamiis, Abriil 25, 2013 (HOL) — Madaxweyne ku xigeenka Somaliland Md: Cabdiraxmaan Cabdilaahi Ismaaciil Saylici, ayaa maanta tacsi u diray alla ha u naxariistee fanaankii weynaa ee Cismaan Maxamed Cabdikariim (Cismaan Gacanlow) oo maanta lagu aasay magaaladda Burco ee gobolka Togdheer.

4/25/2013 8:24 AM EST
Khamiis, Abriil 25, 2013 (HOL) — Beesha Shan-bare oo ka mid ah beelaha gobollada Jubbooyinka ayaa si aad ah uga soo horjeestay shirka Kismaayo ka socda ee lagu sameynayo maamulka Jubaland, iyagoo ku taliyay inay dowladdu faragelin ku sameyso shirkaas oo ay sheegeen inay wataan dad gaar ah.

4/25/2013 7:59 AM EST
Khamiis, Abriil 25, 2013 (HOL) — Guddoomiyaha Xisbiga UCID Eng:Faysal Cali Waraabe ayaa dawladda Soomaaliya ku taageeray go’aankay ka istaagtay maamul u samaysta jubooyinka, isla markaana beelaha wada dega jubooyinka usoo jeediyey inay iska ilaaliyaan wixii khalkhal ku keenaya maadaama oo jubooyinku tahay meel la wadda dego.

4/25/2013 7:46 AM EST
Khamiis, Abriil 25, 2013 (HOL) — Xiisado ayaa ka taagan maanta magaalada Kismaayo ee xarunta gobolka Jubbada Hoose, kaddib markii uu halkaas xalay gaaray Col. Barre Aadan Shire (Hiiraale) oo ahaan jiray guddoomiyihii maamulkii dooxada Jubba oo halkaas horay uga talin jiray.

4/25/2013 7:45 AM EST
Khamiis, Abriil 25, 2013 (HOL) — Ra’iisal wasaaraha Soomaaliya, Cabdi Faarax Shirdoon “Saacid” ayaa maanta magaalda Muqdisho ku qaabilay xoghayaha arrimaha dibadda ee Britain, William Hague iyagoo kawada hadlay horumarka cusub ee Soomaaliya iyo doorka muhiimka ah ee dawladda UK ku leedahay arrimaha Soomaaliya.

4/25/2013 7:37 AM EST
Khamiis, Abriil 25, 2013 (HOL) — Saraakiisha ciidamada nabad-galyada maamulka gobollka Hiiraan ayaa sheegay in ay ka hortageen ama fashiliyeen qorshayaal dhowr ah oo sida ay sheegeen Al-shabaab ay ku doonayeen in ay qaraxyo uga fuliyaan gudaha magaalada Baladewyne.