12/14/2019
Today from Hiiraan Online:  _
Wararka Maanta- Isniin, Apr 15, 2013
Wasiirka Arrimaha Gudaha Puntland oo Xarigga ka Jaray Buundooyin Dayactir lagu sameeyay oo ku dhow Boosaaso [SAWIRRO]



Isniin, Abriil 15, 2013 (HOL) — Waxaa dib loo furay labo buundo oo ku yaal jidka soo gala magaalada Boosaaso ee xarunta gobolka Bari kaddib markii dayactir xooggan lagu sameeyey.

Buundooyinkan oo qayb ka ah 5 buundo oo ay waxyeelo kasoo gaartey roobabkii Deyrta oo meelo badan ka jaray wadada laamiga ah ee isku xirta gobollada Puntland, ayaa waxaa munaasabaddii lagu furayey kasoo qayb galay mas’uuliyiin badan oo ka tirsan dowladda Puntland.

Waxaana kamid ahaa wasiirka maaliyadda Faarax Cali Shire, wasiirka arimaha gudaha Cabdilaahi Axmed Jaamac, gudoomiyaha gobolka Bari Cabdisamed Maxamed Gallan iyo duqa degmada Boosaaso Xasan Cabdalle Xasan.

Wasiirka arimaha gudaha iyo dowladaha hoose ee Puntland Cabdilaahi Axmed Jaamac (Ilka-jiir) oo isagu si rasmi ah xarigga uga jaray ayaa sheegay in saddexda buundo ee haray iyagana sida ugu dhaqsaha badan loo dayactiri doono.

Wasiirku wuxuu dhinaca kale u mahad celiyey Injineerada cidamada badda ee Puntland, oo iyagu gacan weyn ka geystey dhismaha buundooyinkan oo aan wax dayactir ah helin tan iyo xiligii la dhisay sanadkii 1988.

Ugu dambeyntii, wuxuu mudane Ilka-jiir xusay in ay lagama maarmaan tahay in sida ugu dhaqsaha badan loo hagaajiyo magaalada Boosaaso gala, maadaama ay tahay magaalo halbowle u ah dhaqaalaha iyo ganacsiga Puntland.

Mas’uuliyiinta ugu sareeya Maamulka gobolka Bari iyo kan degmada Boosaaso oo iyaguna madasha ka hadlay, ayaa hanbalyo u diray dowladda dhexe kuna booriyey in ay sida ugu dhaqsaha badan u dhameystirto dayactirka goobaha kale ee ay wadadu ka go’an tahay.

Hay’adda wadooyinka Puntland ee magaceeda loosoo gaabiyo PHA, waxay sanadkan 2013 dayactir ka sameysey in ka badan 10 goobood oo ka tirsan jidka isku xira magaalooyinka Boosaaso iyo Gaalkacayo.




Maxamed Salaad Xaaji Dirir, Hiiraan Online
[email protected]
Puntland, Soomaaliya










Click here
4/15/2013 2:55 PM EST
Isniin, Abriil 15, 2013 (HOL) — Madaxweynaha Puntland, Cabdiramxaan Sheekh Maxamed Faroole ayaa maanta xariga ka jaray dhismaha cusub ee madaxtooyada Puntland oo laga dhisay duleedka magaalada Garoowe ee xarunta Punland, kaasoo noqonaya madaxtooyadii ugu horreysay ee laga dhiso Garoowe.

4/15/2013 10:36 AM EST
Isniin, Abriil 15, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo xubno ka tirsan golaha wasiirrada xukuumadda iyo taliyayaasha ciidamada ayaa maanta booqday maxkamadda gobolka oo uu ka dhacay shalay u weerarkii ugu xumaa ee soo mara Muqdisho. Isagoo sheegay inay ku dhinteen 29-qof ayna ku dhaawacmeen 58-qof oo kale.

4/15/2013 8:48 AM EST
Isniin, Abriil 15, 2013 (HOL) — Mas’uuliyiinta dawladda hoose ee degmada Laascaanood ayaa shaaca ka qaaday inay billaabayaan olole biyaha fadhiista badhtamaha magaalada lagaga hagaajinayo labada maalmood ee soo socda.

4/15/2013 8:17 AM EST
Isniin, Abriil 15, 2013 (HOL) — Xukuumadda Britain ayaa cambaareysay weerarradii ismiidaamin ah ee Axaddii shalay ahayd ka dhacay magaalada Muqdisho oo salfaday nolosha in ka badan 33 qof, iyadoo sheegtay inay horay uga digtay weerarradan.

4/15/2013 7:45 AM EST
Isniin, Abriil 15, 2013 (HOL) — Maamulka Puntland ayaa canbaareeyey weerarkii khasaaraha badan dhaliyey ee shalay lagu qaaday xarunta maxkamadda gobolka Banaadir ee magaalada Muqdisho.

4/15/2013 7:31 AM EST
Isniin, Abriil 15, 2013 (HOL) — GolahagGuurtidda Somaliland, ayaa maanta muddo laba sanno ah ku kordhiyey golaha Wakiiladda Somaliland kaddib markii ay muddo dhaaftay, isla markaana ay ka dhamaatay muddo ay hore ugu kordhiyeen.

4/15/2013 7:13 AM EST
Isniin, Abriil 15, 2013 (HOL) —Guddiga kumeel gaarka ah ee doorashooyinka Puntland ayaa maanta shaaciyey wakhtiga ay qabsoomi doonta doorashada goleyaasha deegaanka ee Puntland.

4/15/2013 6:45 AM EST
Isniin, Abriil 15, 2013 (HOL) — Miinooyin kuwa lidka taangiyada ah, oo muddo 30-sano ka badan ku xabaalnaa miyiga degmada Gal-dogob ee gobolka Mudug ayaa lagu guuleystey in la saaro. Qorshaha miinooyinkan lagu saaray oo ah mid todobaadyadii ugu danbeeyey lagu howlanaa, waxaa iska kaashaday maamulka iyo waxgaradka Goldogob.

4/15/2013 2:28 AM EST
Isniin, Abriil 15, 2013 (HOL) — Madaxweynaha Soomaaliya, Xasan Sheekh Maxmauud ayaa ku dhawaaqay dagaal cusub oo ka dhan ah Xarakada Al-shabaab, kaddib kulan deg-deg ah oo xalay ay guddiga ammaanka Qaranka ku yeesheen xarunta madaxtooyada Soomaaliya.

4/15/2013 2:26 AM EST
Isniin, Abriil 15, 2013 (HOL) — Ra’iisul wasaarihii hore Al-Soomaaliya, Prpf. Cali Maxamed Geeddi oo ka hadlay dagaalkii shalay ka dhacay Muqdisho ayaa sheegay inuu ku yimid habacsanaan dhinaca ammaanka iyo dowladda oo aan qaadan digniinihii ka imaanaya caalamka.

4/15/2013 2:25 AM EST
Isniin, Abriil 15, 2013 (HOL) — Afhayeenka Al-shabaab Sheekh Cali Maxamuud Raage (Sheekh Cali Dheere) ayaa sheegay in weerarkii lagu dilay samafalayaasha Turkiga ah ee ka dhacay Muqdisho ay iyagu ka dambeeyeen uuna farriin u yahay shisheeyaha ku sugan dalka Soomaailya.

4/15/2013 2:22 AM EST
Isniin, Abriil 15, 2013 (HOL) — Warar dheeraad ah ayaa kasoo baxay khasaarihii ka dhashay weeraradii shalay ka dhacay Muqdisho, waxaana wararkii ugu dambeeyay ay sheegayaan in 33-qof oo isugu jira kooxihii weerarka qaaday, ciidamada dowladda, shaqaale iyo dad shacab ah ay ku dhinteen weerarradaas.