2/22/2019
Today from Hiiraan Online:  _
Wararka Maanta- Isniin, Apr 15, 2013
Warar Dheeraad ah oo kasoo Baxaya Khasaarihii ka Dhashay Weerarradii kala duwanaa shalay ka dhacay Muqdisho



Isniin, Abriil 15, 2013 (HOL) — Warar dheeraad ah ayaa kasoo baxay khasaarihii ka dhashay weeraradii shalay ka dhacay Muqdisho, waxaana wararkii ugu dambeeyay ay sheegayaan in 33-qof oo isugu jira kooxihii weerarka qaaday, ciidamada dowladda, shaqaale iyo dad shacab ah ay ku dhinteen weerarradaas.

Sidoo kale, waxaa weerarradaas oo ay mas’uuliyadooda sheetatay Al-shabaab ku dhaawacmay in ka badan 50-qof kuwaasoo la geeyay xarumaha caafimaadka ee Muqdisho, halkaasoo dadkii dhaawaca qaarkood ay ku geeriyoodeen.

Isbitaalka Madiina ee Muqdisho ayaa la dhigay inta badan dhaawacyadii ka dhashay weerarradaas oo ahaa laba, waxaana ku dhintay isbitaalka saddex qof oo dhaawacyadoodu ay halis ahaayeen.

Dhimashada ugu badan ayaa waxay ka dhacday xarunta maxkamadda gobolka Banaadir oo ay weerarro toos ah iyo kuwo qaraxyo ay ku qaadeen xoogag taabacsanaa Al-shabaab oo dowladdu ay tiradooda ku sheegtay sagaal qof, inkastoo Al-shabaab ay sheegtay inay ahaayeen shan ruux oo keliya.

Xarunta maxkamadda sare ayaa waxaa ku dhintay 27-qof, kuwaasoo 22-qof o ka mid ah ay goobta ka qaadeen gaadiidka gurmadka deg-degga ah, iyadoo isla goobtaas laga qaaday in ka badan 40-qof oo dhaawacyo kala duwan qabay, kuwaasoo saddex ka mid ah ay ku dhinteen isbitaalka Madiina.

Sidoo kale, afar qof oo labo ka mid ah ay ahaayeen Turki ayaa ku dhintay weerar kale oo Ismiidaamin ahaa oo ka dhacay jidka isku xira garoonka diyaaradaha ee Muqdisho iyo Isgoyska KM-4, kaasoo mas’uuliyadooda ay sheegatay Al-shabaab.

Weerarradii shalay oo ahaa kuwii ugu horreeyay noocooda oo ka dhaca Muqdisho ayaa waxay sababeen in magaalada Muqdisho ay kala xiranto, iyadoo dowladduna ay ku dhawaaqday inay billlaabayso dagaal ay ku baadi-goobayso xubnaha Al-shabaab ka tirsan ee ku sugan Muqdisho.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
4/15/2013 2:55 PM EST
Isniin, Abriil 15, 2013 (HOL) — Madaxweynaha Puntland, Cabdiramxaan Sheekh Maxamed Faroole ayaa maanta xariga ka jaray dhismaha cusub ee madaxtooyada Puntland oo laga dhisay duleedka magaalada Garoowe ee xarunta Punland, kaasoo noqonaya madaxtooyadii ugu horreysay ee laga dhiso Garoowe.

4/15/2013 10:36 AM EST
Isniin, Abriil 15, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo xubno ka tirsan golaha wasiirrada xukuumadda iyo taliyayaasha ciidamada ayaa maanta booqday maxkamadda gobolka oo uu ka dhacay shalay u weerarkii ugu xumaa ee soo mara Muqdisho. Isagoo sheegay inay ku dhinteen 29-qof ayna ku dhaawacmeen 58-qof oo kale.

4/15/2013 8:48 AM EST
Isniin, Abriil 15, 2013 (HOL) — Mas’uuliyiinta dawladda hoose ee degmada Laascaanood ayaa shaaca ka qaaday inay billaabayaan olole biyaha fadhiista badhtamaha magaalada lagaga hagaajinayo labada maalmood ee soo socda.

4/15/2013 8:17 AM EST
Isniin, Abriil 15, 2013 (HOL) — Xukuumadda Britain ayaa cambaareysay weerarradii ismiidaamin ah ee Axaddii shalay ahayd ka dhacay magaalada Muqdisho oo salfaday nolosha in ka badan 33 qof, iyadoo sheegtay inay horay uga digtay weerarradan.

4/15/2013 7:45 AM EST
Isniin, Abriil 15, 2013 (HOL) — Maamulka Puntland ayaa canbaareeyey weerarkii khasaaraha badan dhaliyey ee shalay lagu qaaday xarunta maxkamadda gobolka Banaadir ee magaalada Muqdisho.

4/15/2013 7:31 AM EST
Isniin, Abriil 15, 2013 (HOL) — GolahagGuurtidda Somaliland, ayaa maanta muddo laba sanno ah ku kordhiyey golaha Wakiiladda Somaliland kaddib markii ay muddo dhaaftay, isla markaana ay ka dhamaatay muddo ay hore ugu kordhiyeen.

4/15/2013 7:13 AM EST
Isniin, Abriil 15, 2013 (HOL) —Guddiga kumeel gaarka ah ee doorashooyinka Puntland ayaa maanta shaaciyey wakhtiga ay qabsoomi doonta doorashada goleyaasha deegaanka ee Puntland.

4/15/2013 6:49 AM EST
Isniin, Abriil 15, 2013 (HOL) — Waxaa dib loo furay labo buundo oo ku yaal jidka soo gala magaalada Boosaaso ee xarunta gobolka Bari kaddib markii dayactir xooggan lagu sameeyey.

4/15/2013 6:45 AM EST
Isniin, Abriil 15, 2013 (HOL) — Miinooyin kuwa lidka taangiyada ah, oo muddo 30-sano ka badan ku xabaalnaa miyiga degmada Gal-dogob ee gobolka Mudug ayaa lagu guuleystey in la saaro. Qorshaha miinooyinkan lagu saaray oo ah mid todobaadyadii ugu danbeeyey lagu howlanaa, waxaa iska kaashaday maamulka iyo waxgaradka Goldogob.

4/15/2013 2:28 AM EST
Isniin, Abriil 15, 2013 (HOL) — Madaxweynaha Soomaaliya, Xasan Sheekh Maxmauud ayaa ku dhawaaqay dagaal cusub oo ka dhan ah Xarakada Al-shabaab, kaddib kulan deg-deg ah oo xalay ay guddiga ammaanka Qaranka ku yeesheen xarunta madaxtooyada Soomaaliya.

4/15/2013 2:26 AM EST
Isniin, Abriil 15, 2013 (HOL) — Ra’iisul wasaarihii hore Al-Soomaaliya, Prpf. Cali Maxamed Geeddi oo ka hadlay dagaalkii shalay ka dhacay Muqdisho ayaa sheegay inuu ku yimid habacsanaan dhinaca ammaanka iyo dowladda oo aan qaadan digniinihii ka imaanaya caalamka.

4/15/2013 2:25 AM EST
Isniin, Abriil 15, 2013 (HOL) — Afhayeenka Al-shabaab Sheekh Cali Maxamuud Raage (Sheekh Cali Dheere) ayaa sheegay in weerarkii lagu dilay samafalayaasha Turkiga ah ee ka dhacay Muqdisho ay iyagu ka dambeeyeen uuna farriin u yahay shisheeyaha ku sugan dalka Soomaailya.