5/22/2019
Today from Hiiraan Online:  _
Wararka Maanta- Axad, Apr 14, 2013
Xildhibaanno ka tirsan Baarlamaanka Federaalka Soomaaliya oo Booqasho ku tagay Baarlamaanka Sweden (SAWIRRO)



Axad, April 14, 2013(HOL)—Xildhibaano ka tirsan Baarlamaanka Federaalka  Soomaaliya  oo todobaad ku sugnaa dalka Sweden ayaa waxay fursad u heleen in ay arkaan sida uu u shaqeeyo baarlamaanka dalka Sweden, iyagoo sidoo kale la kulmay qaar ka mid ah Soomaalida ku nool dalka Sweden.

 

Xildhibaannada oo kala ah Maxamed Xasan Amiin, Cumar Cali Nuur iyo Maxamed Cumar Maxamuud ayaa markoodii hore Sweden ku tegay casuumaad ay ka heleen Xisbiga Socialdemokarter oo shirweyne ku lahaa caasimadda labaad ee dalka Sweden ee Gothenburg. Xildhibaannadan ayaa waxay ka tirsan yihiin Ururka SSUP oo xubin ka ah Xisbiga Socialdemokarter.

 

Intii uu shirweynaha socday ayay xildhibaannadu la kulmeen Guddoomiyaha Xisbiga Socialdemokarter Mr. Stefen Löfen oo doorashada soo socota ee dalka Sweden u tartami doona Ra’iisal Wasaarenimada Dalka Sweden. Stefen . Sidoo kale waxay la kulmeen Gudoomiyaha Ururada Shaqaalaha ee Sweden (LO) Carl Peter iyo xubno ka socday Ururka Olof Palm Center.

 


Xubno ka tirsan Baarlamaanka Sweden ay fursad u heleen in ay la kulmaan, kuwaasi oo kala ahaa Carina Hägg, Lars Johansson, Arhe Hamednaca, Fredrig Olovsson, Patrik Björck iyo Jenny Olsson oo ka tirsan Wasaaradda Arrimaha dibadda qeybta Afrika. Sidoo kalena waxay la kulmeen mas’uuliyiin ka socday ururka Swedsom oo ah mid ay ku  bahoobeen dad Soomaali iyo Swedish isugu jira.

 

Mas’uuliyiintii ay la kulmeen ayaa waxay si weyn u soo dhaweeyeen isbedelka ka dhacay Soomaaliya iyo in Soomaaliya ay haatan leedahay dowlad aan KMG ahayn, iyagoo sidoo kalena ballanqaaday in ay diyaar u yihiin in ay intii karaankooda ah ka geystaan sidii uu dalka Soomaaliya dib cagahiisa isugu taagi lahaa.

 

Sidoo kalena intii ay Sweden joogeen waxay Magaalada Katrineholm kula kulmeen Guddoomiyaha degmadaas Göran Dalström oo ku soo dhaweeyay degmada. Göran Dalström iyo Xildhibaannad ayaa isweydaarsaday xog ku saabsan labada dal, gaar ahaan nidaamka uu ku shaqeeyo dalka Sweden iyo qaabka ay dooneyso in ay ku shaqeyso dowladda Soomaaliya. Sidoo kalena waxay la hadleen Soomaalida ku nool gobolka Södermanland, kuwaasi oo ay uga xog warrameen xaaladda dalka Soomaaliya.

 


Xildhibaannadan oo ku laabtay dalka Soomaaliya ayaa intii aysan bixin waxay u mahadceliyeen intii ku soo dhaweysay dalka Sweden, gaar ahaan Carina Hägg oo iyadu ka dambeysay in ay yimaadaan dalka Sweden iyo Yaasiin Maaxi Maxamuud oo ah Guddoomiyaha Ururka SSUP. Carina Hägg iyo Yaasiin Maaxi ayaa booqasho ku tegay dalka Soomaaliya, gaar ahaan magaalada Muqdisho, iyadoo booqashadooduna ay ahayd mid ay ugu kuurgelayeen isbedelka ka dhacay dalka Soomaaliya.







 

Salaad Iidow Xasan (Xiis), Hiiraan Online

[email protected]

 










Click here
4/14/2013 4:22 PM EST
Axad, Abriil 14, 2013— Bandhig si heer sare ah loo soo agaasimay ayaa waxaa uu ka dhacay Magaalada Magalada Salalah ee Waddanka Cummaan . Bandhiggan ayaa waxaa ka qeybgalayay Dhammaan jaaliyadaha ku nool waddankaan Cumaan , waxaana lagusoo bandhigayay Cuntooyinka Waddan walba uu ku faano.

4/14/2013 3:56 PM EST
Axad, Abriil 14, 2013 (HOL) — Xarakada Al-shabaab oo dagaal hubeysan kula jirta dowladda Soomaaliya ayaa sheegatay mas’uuliyadda weerarro kala duwan oo maanta lagu qaaday xarunta maxkamadda gobolka Banaadir oo ku taalla degmada Xamarweyne.

4/14/2013 12:36 PM EST
Axad, Abriil 14, 2013 (HOL) — Madaxweynaha Soomaaliya, Xasan Sheekh Maxamuud iyo guddoomiyaha baarlamaanka, Maxamed Sheekh Cimsaan (Jawaari) iyo ra’iisul wasaare Cabdi Faarax Shirdoon (Saacid) ayaa cambaareeyay weerar maanta lagu qaaday dhismaha maxkamadda gobolka Banaadir, kaasoo ay ku dhinteen dad aad u badan.

4/14/2013 11:19 AM EST
Axad, Abriil 14, 2013 (HOL) — Afar cunug ayaa maanta ku sumoobay miyiga degmada Balli-Busle ee gobolka Sanaag, kadib markii ay cabeen biyo sumeysan. Labo kamid ah caruurtaas ayaa isla goobta ku geeriyoodey halka labada kalena ay xaaladoodu xilligan aad u liidato.

4/14/2013 11:13 AM EST
Axad, Abriil 14, 2013 (HOL) — Inta la ogyahay 20-qof oo isugu jira kooxihii weeraray maxkamada gobolka Banaadir, ciidamada dowladda Soomaaliya, mas’uuliyiin ka tirsan maxkamada iyo dad shacab ah ayaa ku dhintay weerar ay kooxo hubeysan ku qaadeen maanta dhimasha maxkamada gobolka Banaadir ee Muqdisho.

4/14/2013 9:33 AM EST
Axad, Abriil 14, 2013 (HOL) — Qarax ay ku dhinteen labo ruux oo u dhashay dalka Turkiga, haweeney Soomaali ah iyo qofkii weerarka fuliya ayaa ka dhacay waddada isku xirta garoonka diyaaradaha ee Muqdisho iyo isgoyska KM4 ee magaalada Muqdisho.

4/14/2013 8:55 AM EST
Axad, Abriil 14, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo oo maalmihii ugu dambeeyay booqashooyin ku marayey dalalka ay ciidamadu ka joogaan Soomaaliya ayaa dib ugu soo laabtay maanta Muqdisho, isagoo ka warbixiyay safarkiisa.

4/14/2013 8:41 AM EST
Axad, Abriil 14, 2013 (HOL) — Maxkamadda gobolka Hargeysa, ayaa maanta xukuntay Jaamac Cilmi Jiir oo ah muwaadin maqaalo taxane ah oo ku dhaliili jiray xukuumadda madaxweyne Siillaanyo ku qoray

4/14/2013 7:07 AM EST
Axad, Abriil 14, 2013 (HOL) — Golaha Deegaanka magaaladda Hargeysa, ayaa Saaka doortay gudoomiyihii golaha deegaanka Hargeysa oo noqon dooona maayarka magaaladda.

4/14/2013 7:03 AM EST
Axad, Abriil 14, 2013 (HOL) — In ka badan 10-qof ayaa ku dhintay tiro intaas ka badanna way ku dhaawacmeen weerarro isugu jiray toos iyo ismiidaamin oo maanta lagu qaaday xarunta maamulka gobolka Banaadir, halkaasoo ay ka socotay dacwad lagu qaaday dad eedeysanayaal ah.

4/14/2013 6:26 AM EST
Axad, 14 April, 2013 (HOl) :- Ciidamo gadoodsan oo ka tirsan kuwa dowladda Soomaaliya ayaa maanta jidgooyooyin dhigtay inta badan wadooyinka waaweyn ee magaalada Kismaayo, iyadoona uu gabi ahaanba manta xiranyahay dhaqdhaqaaqii ganacsi ee ka jiray magaalada.

4/14/2013 2:14 AM EST
Axad, Abriil 14, 2013 (HOL) — Magaalada Addis Ababa ee xartunta dalka Itoobiya ayaa waxaa lagu soo gabagabeeyay shirka arrimaha bulshada iyo shaqaalaha ee ururka Midowga Afrika. Shirkan oo looga hadlayay arrimaha shaqada, bulshada iyo shaqaalaha Afrika.

4/14/2013 1:44 AM EST
Axad, Abriil 14, 2013 (HOL) — Madaxweynaha Soomaaliya, Xasan Sheekh Maxamuud iyo wafdigii kala qaybgalay shirkii Turkiga oo isugu jiray wasiirro iyo xildhibaanno ka tirsan dowladda ayaa dib ugu soo laabtay saakay magaalada Muqdisho ee xarunta Soomaaliya.

4/14/2013 1:38 AM EST
Axad, Abriil 14, 2013 (HOL) — Madaxweynaha Somaliland, Axmed Maxamed Maxamuud (Siilaanyo) ayaa sheegay in heshiiskii ay isaga iyo madaxweyne Xasan Sheekh Maxamuud kala la saxiixday uu nuxukiisu ahaa sidii ay labada dal uga wadashaqeyn lahaayeen danahooda.