3/29/2024
Today from Hiiraan Online:  _
Wararka Maanta- Axad, Apr 14, 2013
Shirweynaha Arrimaha Shaqada iyo Bulshada Ururka Midowga Afrika oo Addis Ababa lagu soo Gaba-gabeeyay (SAWIRRO)


Axad, Abriil 14, 2013 (HOL) — Magaalada Addis Ababa ee xartunta dalka Itoobiya ayaa waxaa lagu soo gabagabeeyay shirka arrimaha bulshada iyo shaqaalaha ee ururka Midowga Afrika. Shirkan oo looga hadlayay arrimaha shaqada, bulshada iyo shaqaalaha Afrika.

Dalalka xubnaha ka ah Midowga Afrika ayaa shirkan ka qayb-qaadanayay waxaana gaar ahaan lagu casuumay dowladaha, ururrada shaqaalaha iyo ururrada loo shaqeeyayasha.

Soomaaliya ayaa markii ugu horreysay ka qayb-gashay shirkaas oo ah kii sagaalaad. Xiriirka ururrada shaqaalaha Soomaaliyeed ee FESTU ayaa ka mid ahaa ururradii shirkaas lagu casuumay; maadaama shirkan uu yahay mid saddex geesood ah.

Wafdi ka socday FESTU oo uu horkacayay xoghayaha guud ee FESTU, Cumar Faaruuq Cusmaan ayaa ka jeediyay shirka khudbad ku saabsanayd xaaladda ay ku shaqeeyaan shaqaalaha Soomaaliyeed, sida loo dicaafi karo; iyagoo la siinayo shaqooyin tayo leh oo ku fulin noloshooda iyo iyadoo la dhawrayo xuquuqdooda shaqo.

Sidoo kale, shirkan ayaa looga hadlay sidii loo kobcin lahaa dhaqaalaha qaarada Afrika iyadoo la isu furayo suuqyada shaqo iyo isku socodka dadka Qaarada Afrika ku nool.

FESTU waxay warbixinteeda ku sheegtay in shaqaalaha Soomaaliyeed aysan haysan xuquuqaadka aas-aasiga ah ee shaqada, loona geysto dilal iyagoo ku jira raadsiga nolol maalmeedkooda, iyadoo koboca dhaqaalaha ay dhibaato ku tahay xannibaada isku socodka maadaama muwaadiniinta Soomaaliyeed lagu soo rogo dal-ku-gal (Visa) adag.

Ergooyinka ka qayb-galayay fadhigan oo isugu jiray mas’uuliyiin ka socday dowladaha xubnaha ka ah ururka Midowga Afrika iyo wakiillada shaqaalaha iyo loo shaqeeyayaasha ayaa waxay xuseen inay tahay wax loo riyaaqo in Soomaaliya gaar ahaan ururkii shaqaalaha lagu casuumay shirka ayna ka qayb-galayaan markii ugu horreysay.

Fadhigan oo ka dhacay xarunta Midowga Afrika ayaa ururradii ka qaybgalay waxaa ka mid ahaa ururweyna shaqaalaha Afrika ee loo yaqaano ITUC Afrika oo uu horkacayay ururrada shaqaalaha Afrika ee ka socday dalalka kala duwan ee Afrika. Ururrka shaqada Adduunka ILO ayaa sidoo kale kasoo qayb-galay kulanka.

Kulankan ayaa waxaa dalka Liibiya loogu doortay inuu noqdo shir-guddoonka golaha shaqada iyo bulshada ee Midowga Afrika. FESTU ayaa si toos ah u buuxisay kaalintii shaqaalaha Soomaaliyeed ee golaha shaqada iyo arrimaha bulshada ee Midowga Afrika. 

Shaqaalaha Soomaaliyeed ayaa waxaa matali jiray ururka shaqaalaha dalka Kenya oo sheegay inay ku faraxsan yihiin in ururkii ay laahaayeen shaqaalaha Soomaaliyeed uu soo buuxiyo kaalintooda.




Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
4/14/2013 4:22 PM EST
Axad, Abriil 14, 2013— Bandhig si heer sare ah loo soo agaasimay ayaa waxaa uu ka dhacay Magaalada Magalada Salalah ee Waddanka Cummaan . Bandhiggan ayaa waxaa ka qeybgalayay Dhammaan jaaliyadaha ku nool waddankaan Cumaan , waxaana lagusoo bandhigayay Cuntooyinka Waddan walba uu ku faano.

4/14/2013 3:56 PM EST
Axad, Abriil 14, 2013 (HOL) — Xarakada Al-shabaab oo dagaal hubeysan kula jirta dowladda Soomaaliya ayaa sheegatay mas’uuliyadda weerarro kala duwan oo maanta lagu qaaday xarunta maxkamadda gobolka Banaadir oo ku taalla degmada Xamarweyne.

4/14/2013 12:36 PM EST
Axad, Abriil 14, 2013 (HOL) — Madaxweynaha Soomaaliya, Xasan Sheekh Maxamuud iyo guddoomiyaha baarlamaanka, Maxamed Sheekh Cimsaan (Jawaari) iyo ra’iisul wasaare Cabdi Faarax Shirdoon (Saacid) ayaa cambaareeyay weerar maanta lagu qaaday dhismaha maxkamadda gobolka Banaadir, kaasoo ay ku dhinteen dad aad u badan.

4/14/2013 11:19 AM EST
Axad, Abriil 14, 2013 (HOL) — Afar cunug ayaa maanta ku sumoobay miyiga degmada Balli-Busle ee gobolka Sanaag, kadib markii ay cabeen biyo sumeysan. Labo kamid ah caruurtaas ayaa isla goobta ku geeriyoodey halka labada kalena ay xaaladoodu xilligan aad u liidato.

4/14/2013 11:13 AM EST
Axad, Abriil 14, 2013 (HOL) — Inta la ogyahay 20-qof oo isugu jira kooxihii weeraray maxkamada gobolka Banaadir, ciidamada dowladda Soomaaliya, mas’uuliyiin ka tirsan maxkamada iyo dad shacab ah ayaa ku dhintay weerar ay kooxo hubeysan ku qaadeen maanta dhimasha maxkamada gobolka Banaadir ee Muqdisho.

4/14/2013 9:33 AM EST
Axad, Abriil 14, 2013 (HOL) — Qarax ay ku dhinteen labo ruux oo u dhashay dalka Turkiga, haweeney Soomaali ah iyo qofkii weerarka fuliya ayaa ka dhacay waddada isku xirta garoonka diyaaradaha ee Muqdisho iyo isgoyska KM4 ee magaalada Muqdisho.

4/14/2013 9:05 AM EST
Axad, April 14, 2013(HOL)—Xildhibaano ka tirsan Baarlamaanka Federaalka Soomaaliya oo todobaad ku sugnaa dalka Sweden ayaa waxay fursad u heleen in ay arkaan sida uu u shaqeeyo baarlamaanka dalka Sweden, iyagoo sidoo kale la kulmay qaar ka mid ah Soomaalida ku nool dalka Sweden.

4/14/2013 8:55 AM EST
Axad, Abriil 14, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo oo maalmihii ugu dambeeyay booqashooyin ku marayey dalalka ay ciidamadu ka joogaan Soomaaliya ayaa dib ugu soo laabtay maanta Muqdisho, isagoo ka warbixiyay safarkiisa.

4/14/2013 8:41 AM EST
Axad, Abriil 14, 2013 (HOL) — Maxkamadda gobolka Hargeysa, ayaa maanta xukuntay Jaamac Cilmi Jiir oo ah muwaadin maqaalo taxane ah oo ku dhaliili jiray xukuumadda madaxweyne Siillaanyo ku qoray

4/14/2013 7:07 AM EST
Axad, Abriil 14, 2013 (HOL) — Golaha Deegaanka magaaladda Hargeysa, ayaa Saaka doortay gudoomiyihii golaha deegaanka Hargeysa oo noqon dooona maayarka magaaladda.

4/14/2013 7:03 AM EST
Axad, Abriil 14, 2013 (HOL) — In ka badan 10-qof ayaa ku dhintay tiro intaas ka badanna way ku dhaawacmeen weerarro isugu jiray toos iyo ismiidaamin oo maanta lagu qaaday xarunta maamulka gobolka Banaadir, halkaasoo ay ka socotay dacwad lagu qaaday dad eedeysanayaal ah.

4/14/2013 6:26 AM EST
Axad, 14 April, 2013 (HOl) :- Ciidamo gadoodsan oo ka tirsan kuwa dowladda Soomaaliya ayaa maanta jidgooyooyin dhigtay inta badan wadooyinka waaweyn ee magaalada Kismaayo, iyadoona uu gabi ahaanba manta xiranyahay dhaqdhaqaaqii ganacsi ee ka jiray magaalada.

4/14/2013 1:44 AM EST
Axad, Abriil 14, 2013 (HOL) — Madaxweynaha Soomaaliya, Xasan Sheekh Maxamuud iyo wafdigii kala qaybgalay shirkii Turkiga oo isugu jiray wasiirro iyo xildhibaanno ka tirsan dowladda ayaa dib ugu soo laabtay saakay magaalada Muqdisho ee xarunta Soomaaliya.

4/14/2013 1:38 AM EST
Axad, Abriil 14, 2013 (HOL) — Madaxweynaha Somaliland, Axmed Maxamed Maxamuud (Siilaanyo) ayaa sheegay in heshiiskii ay isaga iyo madaxweyne Xasan Sheekh Maxamuud kala la saxiixday uu nuxukiisu ahaa sidii ay labada dal uga wadashaqeyn lahaayeen danahooda.