3/29/2024
Today from Hiiraan Online:  _
Wararka Maanta- Sabti, Apr 13, 2013
Hay’adda Lacagta Adduunka ee [IMF] oo u Ogolaatay Soomaaliya in ay kusoo laabato Xubinnimadii Hay'adda Muddo dheer kaddib


Sabti, Abriil 13, 2013 (HOL) — Hay’adda lacagta Adduunka ee [IMF] ayaa u aqoonatay Soomaaliya xubin ka mid ah kaddib sannado badan oo ay ka maqnayd, balse ha’yaddu waxay sheegtay inaysan Soomaaliya siinayn wax dhaqaale ah tan iyo inta ay ka bixinayso damo fara badan oo lagu leeyahay.

Guddoomiyaha bankiga dhexe ee Soomaaliya, Cabdisalaam Cumar Hadliye oo la hadlayay warbaahinta isagoo ku sugan Nairobi ayaa sheegay in tallaabadan ay tahay mid muhiimad weyn ugu fadhida Soomaaliya.

“Tallaabadan waxay fududeynaysaa in  Soomaaliya ay si sharci ah lacago kusoo daabacan karto, inay ka qaybgasho shirarka IMF-ta oo midkiisa ugu horreeya uu ka dhacayo Washington iyo in daymaha lagu leeyahay laga cafiyo,” ayuu yiri C/salaam Hadliye.

Soomaaliya ayaa muddo 22-sano ka maqnayd ka mid ahaanshaha hay’adda IMF-ta oo dunida u qaabilsan bixinta daymaha iyo sameynta lacagaha, balse Soomaaliya ayaa lagu leeyahay dayn gaaraysa 352-milyan oo doollarka Mareykanka, taasoo laga doonayo inay iska bixiso.

“Qorshahan waa mid soo billowday markii madaxweynaha Soomaaliya uu ku tagay socdaal Washington, iminka ayuuna soo dhamaaday, runtiina waa guul ay gaartay dowladd Soomaaliya,” ayuu yiri Hadliye oo la hadlayay VOA-da.

Sidoo kale, Hadliye wuxuu sheegay in tani ay ka caawinayso Soomaaliya sidii loo hortegi lahaa isbedellada aan salka lahayn ee shillinka Soomaaliga iyo in aan lacago been abuur ah lagu soo sameyn meelo dunida ka mid ah caalamka.

Tan iyo markii ay burburtay dowladdii dhexe ee Soomaaliya 1991-kii waxaa lacagaha Soomaaliga lagu soo sameyn jiray dalal dunida ka mid ah, iyagoo aan soo marin hay’adda IMF-ta, taasoo keentay in sicirka sarifka uu noqdo mid maalinba heer jooga.

Dowladda Soomaaliya ayaa waxay muddooyinkii ugu dambeysay wadday sidii ay u hagaajin lahayd habkeeda dhaqaale, waxaana socda dadaallo lagu doonayo in dhaqaalaha dalka uu noqdo mid fadhiya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
4/13/2013 8:19 PM EST
Waxaa manta kulan ay soo qabanqaabisay dowladda Turkiga dhex-maray madaxweynayaasha Somalia iyo Somaliland magaalada Ankara

4/13/2013 1:06 PM EST
Sabti, Abriil 13, 2013 (HOL) — Madaxweynaha Soomaaliya, Xasan Sheekh Maxamuud oo wareysi siiyay idaacadda VOA-da markii lasoo gabgabeeyay shirkii uu la yeeshay madaxweynaha Somaliland ayaa sheegay in isaga iyo madaxweynaha Somaliland aysan shirka aysan uga hadlin oo keliya siyaasad, balse ay uga hadleen waxyaabo ay dani ugu jirto shacabka Soomaaliyeed.

4/13/2013 12:34 PM EST
Sabti, Abriil 13, 2013 (HOL) — Madaxweynaha Soomaaliya, Xasan Sheekh Maxamuud iyo madaxweynaha Somaliland, Axmed Maxamed Maxamuud (Siilaanyo) ayaa caawa heshiis iskaashi ku kala saxiixday magaalada Ankara ee xarunta dalka Turkiga, kaddib wadahadallo saacado qaatay oo ay maanta ku yeesheen halkaas.

4/13/2013 10:59 AM EST
Sabti, Abriil 13, 2013 (HOL) — Waxaa maanta ka dhacay degmada Ufuroow ee gobolka Bay dagaal socdey dhowr saacadood ah kaasoo u dhexeeyay ciidamada dowladda Soomaaliya oo garabsanaya kuwa Itoobiya iyo Al-shabaab, iyadoo degmadan ay dhawaanahan ahayd mid dagaalkeeda uu soo noq noqanayey oo kolba qolo ay qabsanaysay.

4/13/2013 9:43 AM EST
Sabti, Abriil 13, 2013 (HOL) — Saddex cunug oo walaalo ah ayaa 24-kii saac ee lasoo dhaafay cudur aan la garaneyn ugu geeriyoodey degmada Eyl ee gobolka Nugaal. Carruurtan oo muddo saacado ah kala danbeeyay waxay midka u weyn da'diisu ahayd shan sano.

4/13/2013 8:29 AM EST
Sabti, Abriil 13, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) ayaa maanta la kulmay madaxweynaha Burundi, Pierre Nkurunziza waxayna kawada hadleen arrimaha iskaashiga labada dal, gaar ahaana amniga, dhaqaalaha iyo horumarka.

4/13/2013 7:43 AM EST
Sabti, Abriil 13, 2013 (HOL) — Kulan ay dhexdhexaadiye ka tahay dowladda Turkiga oo u dhexeeya madaxweynaha Soomaaliya, Xasan Sheekh Max’uud iyo madaxweynaha Somailland, Axmed Maxamed Siilaanyo ayaa ka furmay magaalada Ankara ee xarunta dalka Turkiga.

4/13/2013 7:27 AM EST
Sabti, Abriil 13, 2013 (HOL) — Guddoomiyaha maamulka gobolka Hiiraan Cabdi Faarax Laqanyo, saraakiisha ciidamada maamulka gobollka Hiiraan, saraakiisha ciidamada Jabuuti ee howlgalka midowgga Africa AMISOM iyo mas’uuliyiin kale ayaa ka qeyb-gallay tababar loo soo xirray boqolaal askari oo ka mid ah ciidamada xoogga dalka kuwaasoo mudo sadax bilood ah tababar uga socday magaalada Baladweyne.

4/13/2013 1:01 AM EST
Sabti, Abriil 13, 2013 (HOL) — Shirkii madaxweynayaasha Soomaaliya iyo Somaliland ayaa maanta ka furmaya magaalada Ankara ee xarunta dalka Turkiga, iyadoo Somaliland ay sheegtay inaysan gor-gortan ka galayn madax-bannaanideeda.

4/13/2013 12:59 AM EST
Sabti, Abriil 13, 2013 (HOL) — Xukuumadda Jabtuui ay sii daysay 14 ka mid ah xubnaha mucaaradka ah ee ka tirsan xisbiga USN, kuwaasoo la xiray markii lala xiriiriyay inay ku lug lahaayeen dibadbaxyo loogas oo horjeedo xukuumadda oo bishii hore ka dhacay dalka Jabuuti.