3/28/2024
Today from Hiiraan Online:  _
Wararka Maanta- Axad, Sept 29, 2013
Sarkaal horay uga tirsanaa Ciidamada Gaarka ah ee Kenya oo la sheegay in uu Hoggaaminayay Weerarkii Westgate Mall

Axad, September 29, 2013 (HOL) — Telefishinka Channel 4 ayaa sheegay in la ogaaday in weerarkii xarunta ganacsiga ee Westgate Mall uu hoggaamiye ka ahaa nin u dhashay dalka Kenya oo horay uga tirsanaa ciidamada gaarka ah ee dalkaas.

Ninkan oo lagu macaabo Cumar ayaa la sheegay inuu ahaa masiixi balse uu diinta Islaamka qaatay sannado dambe, isagoo tababar ku qaatay saldhig ay Al-shabaab ku leedahay deegaanka Raas-kambooni ee gobolka Jubbada Hoose.

Cumar ayaa la sheegay inuu sannadkii 2005 safar ku yimid Soomaaliya oo uu ku biiray Al-sbabaab, isagoo dib ugu laabtay Kenya, kaddib muddo badan oo uu tababare u ahaa xoogagga Al-shabaab ee Soomaaliya.

Ilo wareedyo ayaa sheegay in isaga iyo ruux kale oo Somali ah ay hormuud  u ahaayeen weerarkii Westgate Mall kaasoo ay ku dhinteen in ka badan 76 qof oo ay ku jiraan ciidamada Kenya iyo shank a mid ah kooxihii weerarka geystay.

Ninka Soomaaliga ah ayaa la sheegay in lagu magacaabo Khadab uuna ka mid ahaa dadka ganacsiga ku haystay xaafadda Islii ee magaalada Nairobi halkaasoo ay daggan yihiin Soomaalida ku nool xarunta dalka Kenya.

Khadab ayaa la sheegay in lagu xiray Soomaaliya ayna jirdil u geysteen ciidammo ka tirsan sirdoonka Mareykanka ee CIA-da oo Muqdihso ku leh saldhig ay baaritaannada ku sameeyaan.

Wararka ayaa sheegaya in markii la xirayay Khadaab uu ka yimid deegaan ay maamusho Al-shabaab, inkastoo markii dambe la iska sii daayay, isagoo u wareegay magaalada Nairobi ee xarunta dalka Kenya.

Dowladda Kenya weli kama aysan hadlin warkan ku saabsan in weerarkii Westgate Mall uu hoggaaminayay nin u dhashay dalka Kenya oo ka mid ahaa Xarakada Al-shabaab, inkastoo ay horay u soo baxeen warar lagu sheegay inay weerarkaas hoggaaminaysay haweeney u dhalatay Britain.

Afhayeen u hadlay Al-shabaab ayaa horay u sheegay in weerarkaas ay iyagu abaabuleen ayna fuliyeen dagaalyahanno ka tirsan xoogaggooda oo horay loogu diyaariyay magaalada Nairobi ee xarunta dalka Kenya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
9/29/2013 12:37 PM EST
Axad, September 29, 2013 (HOL) —Madaxweynaha Somaliland, Axmed Max'ed Max'uud Siillaanyo ayaa ka qaybgalay qalinjabinta dufcaddii tobnaad ee jaamacadda Hargeysa, kuwaasoo dhamaa 744 arday oo ka qalinjabiyey in ka badan toban kuuliyadood.

9/29/2013 12:34 PM EST
Axad, September 29, 2013 (HOL) — Hay’adda World Vision oo ka mid ahayd hay’adihii ay Al-shabaab horay uga eriday gobollada Koonfurta Soomaaliya ayaa waxay maanta dib uga furatay xafiiskeedii magaalada Baydhabo ee gobolka Bay, halkaasoo ay labadii sano ee ugu dambeysay ka talinaysay dowladda Soomaaliya.

9/29/2013 10:22 AM EST
Axad, Sunday, September 29, 2013 (HOL) - Wakiilka xoghayaha guud ee Qaramada Midoobay u qaabilsan arrimaha Soomaaliya Nicholas Kay ayaa shalay kullan ballaaran la qaatay jaaliyadda Soomaaliyeed ee ku nool magaaladda Minneapolis ee gobolka Minnesota.

9/29/2013 9:16 AM EST
Axad, September 29, 2013 (HOL) —Khamiista lasoo dhaafay waxaa laga furay magaalada Baydhabo ee gobolka bay jaamacaddii afaraad oo loogu magic-daray Jaamacadda Ganaane, iyadoo noqonaysa tii labaad oo inta lagu jiro sannadkan laga furo degmadaas. Haddaba waxaa inoo suurogashay in aan wareysi la yeelanno Gudoomiyaha jaamacaddan, Dr. Sheekh Aadan Sh. Saciid, wargeysigiinna wuxuu u dhacay sidan:

9/29/2013 8:04 AM EST
Axad, Sebtember 29, 2013 (HOL) — Dagaal muddo kooban socdey oo dhex maray ciidamada ammaanka Puntland iyo Al-shabaab, ayaa xalay ka dhacay deegaanno hoos taga tuulada Gal-Gala oo koonfur-galbeed magaalada Boosaaso kaga beegan.

9/29/2013 7:57 AM EST
Axad, September 29, 2013 (HOL) — Xubno ka socda wasaarrada arrimaha gudaha iyo ammiga Qaranka iyo xildhibaanno ka tirsan barlamaanka Soomaaliya oo uu horkacayo agaasimaha guud wasaarrada arrimaha gudaha Cali Abtidoon Xallane ayaa maanta gaaray magaalada Beledweyne ee xarunta gobolka Hiiraan, halkaa oo ay ku soo dhaweeyeen mas'uuliyiinta maamulka heer gobol iyo degmo.

9/29/2013 7:45 AM EST
Axad, September 29, 2013 (HOL) — Madaxweynaha Somalia, Xasan Sheekh Maxamuud oo saakay dib ugu soo laabtay Muqdisho ayaa sheegay in kooxda Al-shabaab ay doonayaan inay dhibaatooyin ka geystaan Muqdisho isagoo ku baaqay in la iska ilaaliyo, isagoo sidoo kale wuxuu ka hadlay safarro uu dalal kala duwan kusoo maray.

9/29/2013 7:23 AM EST
Axad, September 29, 2013 (HOL) — Ciidamada dowladda Soomaaliy ayaa howlgal ay xalay ka sameeyeen Muqdisho waxay kusoo qabqabteen toddoba qof oo ay ku jirto haweenay iyo mas’uul ka tirsan maamulka gobolka Banaadir, kuwaasoo la sheegay in guryahooda laga helay waxyaabaha qarxa oo ay ku jiraan hoobiyeyaal iyo miinooyin.

9/29/2013 2:55 AM EST
Axad, September 29, 2013 (HOL) — Waddooyinka muhiimka ah ee Muqdisho ayaa xiran saakay, iyadoo lagu arkayo ciidammo fara badan oo kuwa dowladda Soomaaliya ka tirswan, kuwaasoo u diidaya inay maraan gaadiidka kala duwan.