3/28/2024
Today from Hiiraan Online:  _
Wararka Maanta- Isniin, Sept 23, 2013
Dhawaqa Rasaasta oo wali la maqlayo iyo ciidamada Kenya oo shaaciyay in ay la wareegeen Xarunta ganacsiga ee Westgate

Isniin, September 23, 2013 (HOL) - Xarunta Ganacsiga ee Westgate  ayaa gubanaysa kadib markii halkaas ay ka dhaceen wax ku dhow toboneeyo qarax oo is xig-xiga sida ay ku soo warramayaan dad ka agdhow deegaankaas.

Uuro ayaa ka baxaysa dhismaha, waxaana ciidamada Kenya ay goor dhow shaaciyeen in tiro dad ah oo afduub loo haystay ay kasoo badbaadiyeen goobtaas, ayna dileen labo kamid ah kooxihii weerarka qaaday.

Xoghayaha arrimaha gudaha ee Kenya Joseph Ole Lenku ayaa shaaciyay inay xarunta gacan ku haynteeda la wareegeen walow wali xabbado laga maqlayo goobtaas.

Dawlada Kenya ayaa sheegtay inay ogaatay cida ay yihiin raggii weerarka soo qaaday isla markaana ay baacsan doonto iyadoo ka gaabsatay in saxaafada ay u faahfaahiso halka ay ka yimaadeen.

Joseph Ole Lenku xogyaha arrimaha gudaha ee Kenya waxaa uu ka codsaday dadweynaha inay feejignaadaan inta si toos ah hawlgalku u soo gabagaboobayo.

Axmed C/samad, Hiiraan Online
[email protected]
Nairobi , Kenya












Click here
9/23/2013 1:55 PM EST
Saacado kadib markii ay gudiga sare ee amniga qaranka ee Kenya ay shaaciyeen inay la wareegeen xarunta ganacsiga ee Westgate ayaa muuqaallada halkaasi ka imaanaya ay muujinayaan in dagaalkii uusan wali dhammaanin.

9/23/2013 11:12 AM EST
Isniin, September 23, 2013 (HOL) — Wasaaradda ganacsiga iyo warshadaha Soomaaliya ayaa warsaxaafadeed ay soo saartay maanta ku sheegay in lala macaamili karo Rugta Ganacsiga Soomaaliyeed lala macaamili karo.

9/23/2013 8:25 AM EST
Isniin, September 23, 2013 (HOL) — Magaalada Baydhabo ayaa waxaa xalay lagu dilay askari ka tirsan ciidamada dowladda Soomaaliya, kaasoo markii la dilay lagu riday ceel ku yaalla xaafadda isha ee magaalada Baydhabo.

9/23/2013 8:16 AM EST
Isniin, September 23, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) iyo wafdigii uu hoggaaminayay oo xalay gaaray magaalada Geneve ee dalka Switzerland, halkaasoo uu berri ka furmayo shirka golaha xuquuqul insaanka Qaramada Midoobay.

9/23/2013 8:00 AM EST
Isniin, September 23, 2013 (HOL) —Al-shabaab ayaa soo bandhigtay qaar ka mid ah magacyada xoogaggii weeraray xarunta ganacsiga WESTGATE ee magaalada Nairobi ee xarunta dalka.

9/23/2013 6:56 AM EST
Isniin, September 23, 2013 (HOL) — iskahorimaad u dhexeeya ciidamada Kenya iyo ciidammo ajnabi ah oo caawinaya iyo xoogagga gacanta ku haya dhismaha ganacsi ee WESTGATE ayaa goor-dhow halkaa ka qarxay, iyadoo qaraxyo waaweyn laga maqlayo gudaha xaruntaas.

9/23/2013 6:29 AM EST
Isniin, Sebtember 23, 2013 (HOL)- Ciidamada badda ee Puntland ayaa howgal ay dhowrkii beri ee ugu dambeeyey ka wadeen magaalada Boosaaso, waxay kusoo qab-qabteen qaar kamida dadka tahriibta ka shaqeeya.

9/23/2013 4:42 AM EST
Isniin, Sebtember 23, 2013 (HOL) War-saxaafadeed kasoo baxay madaxtooyada Puntland, ayaa si xooggan loogu cambaareeyey weerarkii ay dadka badni ku dhinteen ee ka dhacay suuqa Westgate, ee magaalada Nairobi ee xarunta dalka Kenya.

9/23/2013 3:50 AM EST
Isniin, September 23, 2013 (HOL) — Afhayeenka Al-shabaab, Sheekh Cali Maxamuud Raage (Sheekh Cali Dheere) oo la hadlayay warbaahinta afka Al-shabaab ku hadasha ayaa ka digay in ciidamada Kenya iyo kuwa ajnabiga ah inay xoog ku muquuniyaan xoogaggooda ku jira xarunta ganacsiga Westgate ee magaalada Nairobi.

9/23/2013 3:33 AM EST
Isniin, September 23, 2013 (HOL) — Ciidamada Kenya iyo kuwo ka socda dalka Israa’iil ayaa waxaa la sheegay inay isku diyaarinayaan sidii ay weerar ugu qaadi lahaayeen dhismaha ganacsiga ee Westgate, halkaasoo maalintii saddexaad ay haystaan kooxo hubeysan oo ka tisran Al-shabaab.

9/23/2013 3:18 AM EST
Isniin, Sebtember 23, 2013 (HOL)- Doon ganacsi oo u rarneyd ganacsato reer Puntland ah, kuna soo jeeddey dekedda magaalada Boosaaso ee xarunta gobolka Bari, ayaa ku degtey biyaha u dhexeeya dalalka Imaaraadka Carabta iyo Cummaan.

9/23/2013 3:18 AM EST
Isniin, September 23, 2013 (HOL) — Madaxweynaha Somalia, Xasan Sheekh Maxamuud ayaa xalay kulan kula yeeshay magaalada Columbus, Ohio qaar ka mid ah jaaliyadda Soomaaliyeed ee dalkaas ku nool, inkastoo ay jireen dad badan oo ka yimid gobollo fog-fog oo ay u suuro-geli wayday inay la kulmaan madaxweynaha Soomaaliya.

9/23/2013 3:11 AM EST
Isniin, September 23, 2013(HOL) :- Bambaanooyin nooca gacanta laga tuuro ayaa xalay saqdii dhexe lagu weeraray guri uu daganaa taliyaha saldhigga dhexe ee degmada Kismaayo Max’ed Cabdi Buulle Sugoow.