3/29/2024
Today from Hiiraan Online:  _
Wararka Maanta- Isniin, Sept 23, 2013
Madaxweynaha Puntland oo dowladda iyo shacabka Kenya uga tacsiyeeyey weerarkii suuqa Westgate ee Nairobi

Isniin, Sebtember 23, 2013 (HOL)
War-saxaafadeed kasoo baxay madaxtooyada Puntland, ayaa si xooggan loogu cambaareeyey weerarkii ay dadka badni ku dhinteen ee ka dhacay suuqa Westgate, ee magaalada Nairobi ee xarunta dalka Kenya.

War-saxaafadeedka ayaa lagu sheegay in madaxweynaha Puntland uu warqad tacsi ah u diray madaxweynaha Kenya Uhuru Kenyatta, warqaddaas oo uu ku caddeeyey sida ay dowladda iyo shacabka Puntland uga xun yihiin falkaas oo lagu tilmaamay mid argagixiso.

"Madaxweynaha Puntland waxa uu warqad tacsi ah u direy Uhurru Kenyatta, isagoo la wadaagay dareenka shacabka Kenya ,mawqifka la-dagaalanka argagixisada iyo weliba dadaalka Kenya ugu jirto xasilinta Soomaaliya" qoraalka kasoo baxay madaxtooyda Puntland ayaa sidaas lagu yiri.

Dhinaca kale, Puntland ayaa sheegtay in weerarkaasi uu yahay mid laga dheehan karo khatarta argagixisada gobolka geeska Afrika  "weerarkan waxa uu muujinayaa khatarta argagixisada mandaqadda Geeska Afrika oo aan aqoonsanayn soohdin iyo dal toonna"

Weerarka ka dhacay suuqa Westgate oo ay ku dhinteen 69 qof, wuxuu noqonayaa kii ugu khasaarhaa badnaa ee Nairobi ka dhaca, wixii ka dambeeyey qaraxii safaaradda Maraykanka ee sanadkii 1998, kaasoo ay ku dhinteen in ka badan 200 oo qof.

Suuqa Westgate oo la dhisay sanadkii 2007, islamarkaana ay maalin kasta kumannaan qof u dukaameysi tegi jireen, waxaa maalintii saddexaad ku jira kooxdii weerarka fulisey oo ay halkaas ugu afduuban yihiin la-haystayaal aan ilaa iyo hadda tiradooda si rasmi ah loo ogeyn.

Ururka Al-shabaab oo mas'uuliyadda weerarkaas sheegtay, ayaa ku hanjabay in dhamaan dadkaas la leyn doono haddii ciidamada Kenya aysan ka bixin goobaha ay Soomaalilya kaga sugan yihiin.

Maxamed Salaad Xaaji Dirir, Hiiraan Online
[email protected]
Boosaaso, Puntland













Click here
9/23/2013 1:55 PM EST
Saacado kadib markii ay gudiga sare ee amniga qaranka ee Kenya ay shaaciyeen inay la wareegeen xarunta ganacsiga ee Westgate ayaa muuqaallada halkaasi ka imaanaya ay muujinayaan in dagaalkii uusan wali dhammaanin.

9/23/2013 11:12 AM EST
Isniin, September 23, 2013 (HOL) — Wasaaradda ganacsiga iyo warshadaha Soomaaliya ayaa warsaxaafadeed ay soo saartay maanta ku sheegay in lala macaamili karo Rugta Ganacsiga Soomaaliyeed lala macaamili karo.

9/23/2013 8:25 AM EST
Isniin, September 23, 2013 (HOL) — Magaalada Baydhabo ayaa waxaa xalay lagu dilay askari ka tirsan ciidamada dowladda Soomaaliya, kaasoo markii la dilay lagu riday ceel ku yaalla xaafadda isha ee magaalada Baydhabo.

9/23/2013 8:16 AM EST
Isniin, September 23, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) iyo wafdigii uu hoggaaminayay oo xalay gaaray magaalada Geneve ee dalka Switzerland, halkaasoo uu berri ka furmayo shirka golaha xuquuqul insaanka Qaramada Midoobay.

9/23/2013 8:00 AM EST
Isniin, September 23, 2013 (HOL) —Al-shabaab ayaa soo bandhigtay qaar ka mid ah magacyada xoogaggii weeraray xarunta ganacsiga WESTGATE ee magaalada Nairobi ee xarunta dalka.

9/23/2013 7:50 AM EST
Xarunta Ganacsiga ee Westgate ayaa gubanaysa kadib markii halkaas ay ka dhaceen wax ku dhow toboneeyo qarax oo is xigxiga sida ay ku soo warramayaan dadka agdhow deegaankaas.

9/23/2013 6:56 AM EST
Isniin, September 23, 2013 (HOL) — iskahorimaad u dhexeeya ciidamada Kenya iyo ciidammo ajnabi ah oo caawinaya iyo xoogagga gacanta ku haya dhismaha ganacsi ee WESTGATE ayaa goor-dhow halkaa ka qarxay, iyadoo qaraxyo waaweyn laga maqlayo gudaha xaruntaas.

9/23/2013 6:29 AM EST
Isniin, Sebtember 23, 2013 (HOL)- Ciidamada badda ee Puntland ayaa howgal ay dhowrkii beri ee ugu dambeeyey ka wadeen magaalada Boosaaso, waxay kusoo qab-qabteen qaar kamida dadka tahriibta ka shaqeeya.

9/23/2013 3:50 AM EST
Isniin, September 23, 2013 (HOL) — Afhayeenka Al-shabaab, Sheekh Cali Maxamuud Raage (Sheekh Cali Dheere) oo la hadlayay warbaahinta afka Al-shabaab ku hadasha ayaa ka digay in ciidamada Kenya iyo kuwa ajnabiga ah inay xoog ku muquuniyaan xoogaggooda ku jira xarunta ganacsiga Westgate ee magaalada Nairobi.

9/23/2013 3:33 AM EST
Isniin, September 23, 2013 (HOL) — Ciidamada Kenya iyo kuwo ka socda dalka Israa’iil ayaa waxaa la sheegay inay isku diyaarinayaan sidii ay weerar ugu qaadi lahaayeen dhismaha ganacsiga ee Westgate, halkaasoo maalintii saddexaad ay haystaan kooxo hubeysan oo ka tisran Al-shabaab.

9/23/2013 3:18 AM EST
Isniin, Sebtember 23, 2013 (HOL)- Doon ganacsi oo u rarneyd ganacsato reer Puntland ah, kuna soo jeeddey dekedda magaalada Boosaaso ee xarunta gobolka Bari, ayaa ku degtey biyaha u dhexeeya dalalka Imaaraadka Carabta iyo Cummaan.

9/23/2013 3:18 AM EST
Isniin, September 23, 2013 (HOL) — Madaxweynaha Somalia, Xasan Sheekh Maxamuud ayaa xalay kulan kula yeeshay magaalada Columbus, Ohio qaar ka mid ah jaaliyadda Soomaaliyeed ee dalkaas ku nool, inkastoo ay jireen dad badan oo ka yimid gobollo fog-fog oo ay u suuro-geli wayday inay la kulmaan madaxweynaha Soomaaliya.

9/23/2013 3:11 AM EST
Isniin, September 23, 2013(HOL) :- Bambaanooyin nooca gacanta laga tuuro ayaa xalay saqdii dhexe lagu weeraray guri uu daganaa taliyaha saldhigga dhexe ee degmada Kismaayo Max’ed Cabdi Buulle Sugoow.