9/23/2019
Today from Hiiraan Online:  _
Wararka Maanta- Isniin, Sept 23, 2013
Madaxweynaha Dowladda Somalia oo Magaalada Columbus, Ohio kulan kula yeeshay Jaaliyadda Soomaaliyeed ee Mareykanka (SAWIRRO)



Isniin, September 23, 2013 (HOL) — Madaxweynaha Soomaaliya, Xasan Sheekh Maxamuud ayaa xalay kulan kula yeeshay magaalada Columbus, Ohio qaar ka mid ah jaaliyadda Soomaaliyeed ee dalkaas ku nool, inkastoo ay jireen dad badan oo ka yimid gobollo fog-fog oo ay u suuro geli wayday inay la kulmaan madaxweynaha Soomaaliya.

Madaxweyne Xasan Shiikh ayaa ka hadlay isbedelladii dalka ka dhacay halkii sano ee ay dowladdiisu xilka haysay, isagoo xusay in arrimaha ay xoogga saareen ay ka mid yihiin: ammaanka, dib u habeynta garsoorka, dhaqaalaha iyo dib u dhiska ciidamada qalabka sida.

“Waxaa dhici jirtay markii dowlad dhisan uu waqtigeedu dhammaado inay codsato in loogu daro waqti dheeraad ah si ay howsha u harsan xilligaas ugu dhameystirto, balse innaga waxaa naga go’an inaan marka la gaaro 2016-ka ay dalka doorasho ka dhacdo oo ciddii doorashadaas kusoo baxda ay dalka hoggaamiso,” ayuu madaxweynuhu ku yiri khudbaddiisa.

Intii ay khudbadda madaxweynuhu socotay ayaa waxaa dibadda goobta uu ka dhacayay kulanka ku dibadbaxay dad kasoo horjeeda siyaasadda uu ku shaqeynayo madaxweynaha Soomaaliya Xasan Sheekh Maxamuud.

Madaxweynaha iyo wafdigiis ayaa shalay oo Axad ahayd gaaray magaalada Columbus, Ohio iyadoo gobolkan uu qayb ka yahay goobaha uu qorsheystay madaxweynuhu inuu booqdo inta uu ku sugan yahay dalka Mareykanka.

Sidoo kale, madaxweynaha Soomaaliya wuxuu ka tacsiyeeyay dhibaatadii ka dhacday magaalada Nairobi iyo dadkii ku dhintay dhismaha ganacsiga ee Westgate, halkaasoo kooxihii weeraray oo ka tirsan Al-shabaab ay maalintii saddexaad gacanta ku hayaan.

Waxyaabaha xusidda mudan ayaa waxaa ka mid ah in Soomaali fara badan oo ka yimid magaalada Seattle ee gobolka Washington oo ku yaalla galbeedka Mareykanka aadna uga fog gobolka Ohio ay fursad u heli waayeen inay madaxweynaha la kulmaan, maadaama uu buuxsamay hoolkii kulanka lagu qabtay oo ahaa mid aad u yar.

Halkaan ka daawo sawiro kale


Bannaanka xarunta uu kulanku ka dhacayay ayaa waxaa ku sugnaa dad aad uga badan kuwii gudaha ku jiray, kuwaasoo doonayay inay la kulamaan madaxweynaha Soomaaliya, iyadoo hoolka shirka lagu qabtay uu ahaa mid qaadi kara saddex meelood hal meel dadkii doonayay inay kulanka ka qayb galaan.

Madaxweynaha Soomaaliya, ayaa lagu wadaa in maanta oo Isniin ah uu ka jeediyo khudbad Jaamacadda Ohio, isagoo markaas kaddib u dhoofi doona magaalada New York ee dalka Mareykanka, halkaasoo uu kaga qayb gelayo shirka guud ee Qaramada Midoobay.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
9/23/2013 1:55 PM EST
Saacado kadib markii ay gudiga sare ee amniga qaranka ee Kenya ay shaaciyeen inay la wareegeen xarunta ganacsiga ee Westgate ayaa muuqaallada halkaasi ka imaanaya ay muujinayaan in dagaalkii uusan wali dhammaanin.

9/23/2013 11:12 AM EST
Isniin, September 23, 2013 (HOL) — Wasaaradda ganacsiga iyo warshadaha Soomaaliya ayaa warsaxaafadeed ay soo saartay maanta ku sheegay in lala macaamili karo Rugta Ganacsiga Soomaaliyeed lala macaamili karo.

9/23/2013 8:25 AM EST
Isniin, September 23, 2013 (HOL) — Magaalada Baydhabo ayaa waxaa xalay lagu dilay askari ka tirsan ciidamada dowladda Soomaaliya, kaasoo markii la dilay lagu riday ceel ku yaalla xaafadda isha ee magaalada Baydhabo.

9/23/2013 8:16 AM EST
Isniin, September 23, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) iyo wafdigii uu hoggaaminayay oo xalay gaaray magaalada Geneve ee dalka Switzerland, halkaasoo uu berri ka furmayo shirka golaha xuquuqul insaanka Qaramada Midoobay.

9/23/2013 8:00 AM EST
Isniin, September 23, 2013 (HOL) —Al-shabaab ayaa soo bandhigtay qaar ka mid ah magacyada xoogaggii weeraray xarunta ganacsiga WESTGATE ee magaalada Nairobi ee xarunta dalka.

9/23/2013 7:50 AM EST
Xarunta Ganacsiga ee Westgate ayaa gubanaysa kadib markii halkaas ay ka dhaceen wax ku dhow toboneeyo qarax oo is xigxiga sida ay ku soo warramayaan dadka agdhow deegaankaas.

9/23/2013 6:56 AM EST
Isniin, September 23, 2013 (HOL) — iskahorimaad u dhexeeya ciidamada Kenya iyo ciidammo ajnabi ah oo caawinaya iyo xoogagga gacanta ku haya dhismaha ganacsi ee WESTGATE ayaa goor-dhow halkaa ka qarxay, iyadoo qaraxyo waaweyn laga maqlayo gudaha xaruntaas.

9/23/2013 6:29 AM EST
Isniin, Sebtember 23, 2013 (HOL)- Ciidamada badda ee Puntland ayaa howgal ay dhowrkii beri ee ugu dambeeyey ka wadeen magaalada Boosaaso, waxay kusoo qab-qabteen qaar kamida dadka tahriibta ka shaqeeya.

9/23/2013 4:42 AM EST
Isniin, Sebtember 23, 2013 (HOL) War-saxaafadeed kasoo baxay madaxtooyada Puntland, ayaa si xooggan loogu cambaareeyey weerarkii ay dadka badni ku dhinteen ee ka dhacay suuqa Westgate, ee magaalada Nairobi ee xarunta dalka Kenya.

9/23/2013 3:50 AM EST
Isniin, September 23, 2013 (HOL) — Afhayeenka Al-shabaab, Sheekh Cali Maxamuud Raage (Sheekh Cali Dheere) oo la hadlayay warbaahinta afka Al-shabaab ku hadasha ayaa ka digay in ciidamada Kenya iyo kuwa ajnabiga ah inay xoog ku muquuniyaan xoogaggooda ku jira xarunta ganacsiga Westgate ee magaalada Nairobi.

9/23/2013 3:33 AM EST
Isniin, September 23, 2013 (HOL) — Ciidamada Kenya iyo kuwo ka socda dalka Israa’iil ayaa waxaa la sheegay inay isku diyaarinayaan sidii ay weerar ugu qaadi lahaayeen dhismaha ganacsiga ee Westgate, halkaasoo maalintii saddexaad ay haystaan kooxo hubeysan oo ka tisran Al-shabaab.

9/23/2013 3:18 AM EST
Isniin, Sebtember 23, 2013 (HOL)- Doon ganacsi oo u rarneyd ganacsato reer Puntland ah, kuna soo jeeddey dekedda magaalada Boosaaso ee xarunta gobolka Bari, ayaa ku degtey biyaha u dhexeeya dalalka Imaaraadka Carabta iyo Cummaan.

9/23/2013 3:11 AM EST
Isniin, September 23, 2013(HOL) :- Bambaanooyin nooca gacanta laga tuuro ayaa xalay saqdii dhexe lagu weeraray guri uu daganaa taliyaha saldhigga dhexe ee degmada Kismaayo Max’ed Cabdi Buulle Sugoow.