3/28/2024
Today from Hiiraan Online:  _
Wararka Maanta- Axad, Sept 22, 2013
Guddoomiyaha Maxkamadda iyo Xeer ilaaliyaha Degmada Baydhabo oo loo Taxaabay xabsiga kaddib markii lasoo eedeeyay

Axad, September 22, 2013 (HOL) — Guddoomiyaha maxkamadda iyo xeer ilaaliyaha degmada Baydhabo ayaa maanta xabsiga la dhigay, kaddib markii lagu eedeeyay inay xabsiga kasii daayeen nin gacan-ku-dhiigle ahaa oo lagu xukumay dil toogasho.

Mas’uuliyiintaan waxaa lagu eedeeyay inay ehelada gacan ku dhiiglaha ay sii daayeen ay ka qaateen lacago laaluush ah, arrintaas oo ay ka dacwoodeen qoyskii ninka laga dilay.

Inkastoo aan la ogeyn cidda bixisay amarka lagu soo xiray labadan mas’uul, ayaa haddana waxaa la sheegay in la bixiyay amar labadan mas’uul lagu soo xirayo, kuwaasoo lagu kala magacaabo: guddomiyaha maxkamada, Sheekh Maxamed Gaab iyo xeer-ilaaliyaha degmada Baydhabo Aamed Yare.

Xabsiga dhexe ee magaalada Baydhabo ayaa waxaa ku xiran dad badan oo ku eedeysan gacan-ku-dhiiglenimo kuwaasoo laayay dad shacab ah oo aan waxba galabsan, iyadoo qaarkood ay ka mid yihiin ciidamada dowladda.

Maamulka waqtigiisu dhammaaday ayaa waxay shaqadiisa beryahan dambe noqatay inay ku kacaan howlo musuq-maasuq ah. Iyadoo aysan jirin cid kula xisaabtamaysa musuqmaasuqaas.

Hiiraan Online, Baydhabo













Click here
9/22/2013 1:41 PM EST
Axad, September 22, 2013 (HOL) — Wasiirada arrimaha dibadda ee Soomaaliya, Fowsiyo Yuusuf Xaaji Aadan ayaa sheegtay in ciidamada Kenya aysan ka bixi doonin gudaha Soomaaliya, ayna qayb ka yihiin howlgalka Midowga Afrika ee AMISOM.

9/22/2013 1:29 PM EST
Axad, September 22, 2013 (HOL) — Kooxo hubeysan oo watay gaari Toyota ah ayaa maqrinimadii caawa ku toogtay xaafadda Buulo-xuubey ee degmada Wadajir xildibaan, Xuseen C/salaam Maxamed xilli uu ku socday gurigiisa.

9/22/2013 12:53 PM EST
Axad, September 22, 2013 (HOL) — Al-shabaab ayaa bog cusub ka furatay shabakadda Twitter-ka, kaddib markii xalay laga xiray bartii ay horay ugu lahaayeen shabakaddaas, taasoo ay ku sheegteen weerarkii lagu qaaday rugta ganacsiga WESTGATE ee magaalada Nairobi.

9/22/2013 12:26 PM EST
Axad, September 22, 2013 (HOL) — Maamulka Isbitaalka Indhaha Al-Nuur oo ka mid ah isbitaalada indhaha ayaa faahfaahin ka bixiyay waxqabadkii isbitaalka mudadii uu jiray, iyadoo maanta ay ku beeganayd sanadguuradii 11-aad ee kasoo wareegtay markii la aasaasay isbitaalka.

9/22/2013 9:31 AM EST
Axad, September 22, 2013 (HOL) — Dood-cilmiyeed looga hadlayay sidii ay culummada Soomaaliyeed door uga qaadan karaan ka hor-taga fikiradaha Xag-jirnimada ayaa maanta ka dhacay magaalada Muqdisho, iyadoo doodda uu soo qabanqaabiyay ururka horumarinta dhallinyarada Soomaaliyeed ee SYP.

9/22/2013 9:14 AM EST
Kadib markii uu dhiigiisa ugu deeqay dadkii ku waxyeelloobay weerarkii ka dhacay xarunta ganacsiga ee Westgate ayaa safiirka Soomaaliya u fadhiya dalka Kenya uu ku baaqay Soomaalidu ay dhiigooda u shubaan dadka dhaawaca maadaama cadow isku mid ah u na laynayo.

9/22/2013 8:40 AM EST
Maalin kadib markii koox hubaysan ay weerar qorshaysan ku qaadeen xarunta Westgate ayaa waxaa arrinta soo faragaliyay ciidamada Israel.

9/22/2013 6:37 AM EST
Warar soo baxay ayaa sheegaya in xubno kamid ah qoyska madaxweynaha dalka Kenya ay ku jireen dadkii lagu dilay weerarka lagu qaaday xarunta gacacsiga ee Westgate.

9/22/2013 6:07 AM EST
Axad, September 22, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo ayaa saaka u dhoofay magaalada Geneva ee dalka Switzerland. Iyadoo safarkan uu noqonayo kii ugu horreeyay oo ra’iisul wasaaraha Soomaaliya uu ugu ambabaxo dal ku yaalla Qaaradda Yurub.

9/22/2013 5:45 AM EST
Axad, September 22, 2013 (HOL) — Xukuumadda Kenya ayaa sheegtay in 59-qof ay ku dhinteen 162-qof oo kalena ay ku dhaawacmeen weerarkii lagu qaaday rugta ganacsiga ee WESTGATE, halkaasoo qaybo ka mid ah ay weli gacanta ku hayaan kooxihii weerarka ku qaaday.

9/22/2013 2:37 AM EST
Axad, September 22, 2013 (HOL) — Bartii Xarakada Al-sjabaab ay ku lahayd bogga ay bulshada ku xiriirto ee Twitter-ka ee xalay ku sheegteen weerarkii lagu qaaday xarunta ganacsiga ee Westgate ayaa la xiray, iyadoo afhayeen u hadlay shirkadda iska leh shabakaddan uu sheegay inay isitmcaalka barta ka joojiyeen Al-shabaab.

9/22/2013 2:35 AM EST
Axad, September 22, 2013 (HOL) — Ciidamada Kenya ayaa weli dagaal kula jira kooxo hubeysan oo shalay barqadii la wareegay xarunta ganacsiga ee WESTGATE oo ku taalla bartamaha magaalada Nairobi ee xarunta dalka Kenya.

9/22/2013 2:34 AM EST
Axad, September 22, 2013 (HOL) — Ciidamada dowladda Somalia ayaa saaka howgallo baaritaano ah kawada gudaha Suuqa weyn ee Bakaaraha iyo waddooyinka soo gala, howlgalkaas oo lagu sheegay mid lagu xaqiijinayo amniga guud ee suuqaas.

9/22/2013 2:27 AM EST
Axad, September 22, 2013 (HOL) — Afhayeenka guud ee ururka Al-shabaab, Sheekh Cali Maxamuud Raage (Sheekh Cali Dheere) oo ka hadlay weerarkii ay sheegteen ee lagu qaaday dhismaha ganacsi ee magaalada Nairobi ayaa sheegay in haddii Kenya ay doonayso nabad ay ciidamadeeda kala baxo Soomaaliya.