9/23/2019
Today from Hiiraan Online:  _
Wararka Maanta- Axad, Sept 22, 2013
Ra’iisul Wasaaraha Somalia iyo wafdi uu hogaaminayo oo Maanta u dhoofay Magaalada Geneva ee dalka Switzerland (SAWIRRO)



Axad, September 22, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo ayaa saaka u dhoofay magaalada Geneva ee dalka Switzerland, iyadoo safarkan uu noqonayo kii ugu horreeyay oo ra’iisul wasaaraha Soomaaliya uu ugu ambabaxo dal ku yaalla Qaaradda Yurub.

Mudane Saacid ayaa waxaa safarkiisa ku weheliya wasiirka garsoorka, Cabdullaahi Ebyan Nuur, afhayeenka xukuumada Ridwaan Xaaji C/weli iyo xildhibaanad Caasho Xaaji Cilmi oo ah marwada ra’iisul wasaaraha, iyagoo kaga qaybgeli doona magaalada Geneva shir looga hadlayo horumarinta xaquuqul insaanka Soomaaliya.

Sidoo kale, shirkan ayaa waxaa ka qeyb gali doonta wasiiradda horumarinta  addeega bulshada xukuumadda Soomaaliya, Maryann Qaasim iyo safiirka u fadhiya Soomaaliya Geneva, dajire Yuusuf Maxamed Ismaaciil (Bari-bari).

Ra’iisul wasaaraha ayaa lagu wadaa marka uu soo dhameysto safarka uu ku tegayo Geneva, in isaga iyo wafdigiisu ay tegi doonaan dalka Turkiga, halkaas oo ay madaxda dalkaasi kulammo kula qaadan doonaan.

Kulammadaas ayaa waxaa looga hadli doonaa horumarinta kaalmooyinka uu Turkigu siiyo Soomaaliya iyo adkeynta xiriirka labada dal, iyadoo lagu wado in ra’iisul wasaaruhu uu la kulmo inta uu ku sugan yahay waddanka Turkiga Soomaalida ku nool dalkaas oo u badan arday.

Dhanka kale, ra'iisul wasaaraha Soomaaliya ayaa tacsi u diray madaxweynaha dalka Kenya, isagoo uga tacsiyeeyay dadkii ku naf waayay weerarkii dhismaha ganacsiga ee WESTGATE lagu qaaday shalay, halkasoo illaa iyo hadda ay ku jiraan kooxihii weeraray.

Mudane Saacid ayaa falkaas ku tilmaamay mid argagaxiso oo ay aad uga xun yihiin, isagoo xusay in tani ay sababayso in dalalka gobolka oo dhan ay meel uga soo wada jeestaan kooxaha argagixisada ah ee geysanaya falalka noocan oo kale ah.



Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
9/22/2013 1:41 PM EST
Axad, September 22, 2013 (HOL) — Wasiirada arrimaha dibadda ee Soomaaliya, Fowsiyo Yuusuf Xaaji Aadan ayaa sheegtay in ciidamada Kenya aysan ka bixi doonin gudaha Soomaaliya, ayna qayb ka yihiin howlgalka Midowga Afrika ee AMISOM.

9/22/2013 1:29 PM EST
Axad, September 22, 2013 (HOL) — Kooxo hubeysan oo watay gaari Toyota ah ayaa maqrinimadii caawa ku toogtay xaafadda Buulo-xuubey ee degmada Wadajir xildibaan, Xuseen C/salaam Maxamed xilli uu ku socday gurigiisa.

9/22/2013 12:53 PM EST
Axad, September 22, 2013 (HOL) — Al-shabaab ayaa bog cusub ka furatay shabakadda Twitter-ka, kaddib markii xalay laga xiray bartii ay horay ugu lahaayeen shabakaddaas, taasoo ay ku sheegteen weerarkii lagu qaaday rugta ganacsiga WESTGATE ee magaalada Nairobi.

9/22/2013 12:26 PM EST
Axad, September 22, 2013 (HOL) — Maamulka Isbitaalka Indhaha Al-Nuur oo ka mid ah isbitaalada indhaha ayaa faahfaahin ka bixiyay waxqabadkii isbitaalka mudadii uu jiray, iyadoo maanta ay ku beeganayd sanadguuradii 11-aad ee kasoo wareegtay markii la aasaasay isbitaalka.

9/22/2013 9:31 AM EST
Axad, September 22, 2013 (HOL) — Dood-cilmiyeed looga hadlayay sidii ay culummada Soomaaliyeed door uga qaadan karaan ka hor-taga fikiradaha Xag-jirnimada ayaa maanta ka dhacay magaalada Muqdisho, iyadoo doodda uu soo qabanqaabiyay ururka horumarinta dhallinyarada Soomaaliyeed ee SYP.

9/22/2013 9:14 AM EST
Kadib markii uu dhiigiisa ugu deeqay dadkii ku waxyeelloobay weerarkii ka dhacay xarunta ganacsiga ee Westgate ayaa safiirka Soomaaliya u fadhiya dalka Kenya uu ku baaqay Soomaalidu ay dhiigooda u shubaan dadka dhaawaca maadaama cadow isku mid ah u na laynayo.

9/22/2013 8:40 AM EST
Maalin kadib markii koox hubaysan ay weerar qorshaysan ku qaadeen xarunta Westgate ayaa waxaa arrinta soo faragaliyay ciidamada Israel.

9/22/2013 6:37 AM EST
Warar soo baxay ayaa sheegaya in xubno kamid ah qoyska madaxweynaha dalka Kenya ay ku jireen dadkii lagu dilay weerarka lagu qaaday xarunta gacacsiga ee Westgate.

9/22/2013 6:15 AM EST
Axad, September 22, 2013 (HOL) — Guddoomiyaha maxkamadda iyo xeer ilaaliyaha degmada Baydhabo ayaa maanta xabsiga la dhigay, kaddib markii lagu eedeeyay inay xabsiga kasii daayeen nin gacanku dhiigle ahaa oo lagu xukumay dil toogasho.

9/22/2013 5:45 AM EST
Axad, September 22, 2013 (HOL) — Xukuumadda Kenya ayaa sheegtay in 59-qof ay ku dhinteen 162-qof oo kalena ay ku dhaawacmeen weerarkii lagu qaaday rugta ganacsiga ee WESTGATE, halkaasoo qaybo ka mid ah ay weli gacanta ku hayaan kooxihii weerarka ku qaaday.

9/22/2013 2:37 AM EST
Axad, September 22, 2013 (HOL) — Bartii Xarakada Al-sjabaab ay ku lahayd bogga ay bulshada ku xiriirto ee Twitter-ka ee xalay ku sheegteen weerarkii lagu qaaday xarunta ganacsiga ee Westgate ayaa la xiray, iyadoo afhayeen u hadlay shirkadda iska leh shabakaddan uu sheegay inay isitmcaalka barta ka joojiyeen Al-shabaab.

9/22/2013 2:35 AM EST
Axad, September 22, 2013 (HOL) — Ciidamada Kenya ayaa weli dagaal kula jira kooxo hubeysan oo shalay barqadii la wareegay xarunta ganacsiga ee WESTGATE oo ku taalla bartamaha magaalada Nairobi ee xarunta dalka Kenya.

9/22/2013 2:34 AM EST
Axad, September 22, 2013 (HOL) — Ciidamada dowladda Somalia ayaa saaka howgallo baaritaano ah kawada gudaha Suuqa weyn ee Bakaaraha iyo waddooyinka soo gala, howlgalkaas oo lagu sheegay mid lagu xaqiijinayo amniga guud ee suuqaas.

9/22/2013 2:27 AM EST
Axad, September 22, 2013 (HOL) — Afhayeenka guud ee ururka Al-shabaab, Sheekh Cali Maxamuud Raage (Sheekh Cali Dheere) oo ka hadlay weerarkii ay sheegteen ee lagu qaaday dhismaha ganacsi ee magaalada Nairobi ayaa sheegay in haddii Kenya ay doonayso nabad ay ciidamadeeda kala baxo Soomaaliya.