9/19/2019
Today from Hiiraan Online:  _
Wararka Maanta- Axad, Sept 22, 2013
Dowladda Kenya oo sheegtay in 59-qof ay ku dhinteen 162 qof oo kale ay ku dhaawacmeen Weerarka Rugta Ganacsiga WESTGATE



Axad, September 22, 2013 (HOL) — Xukuumadda Kenya ayaa sheegtay in 59-qof ay ku dhinteen 162-qof oo kalena ay ku dhaawacmeen weerarkii lagu qaaday rugta ganacsiga ee WESTGATE, halkaasoo qaybo ka mid ah ay weli gacanta ku hayaan kooxihii weerarka ku qaaday.

Saraakiil ka tirsan dowladda Kenya ayaa sheegay in ciidamada Kenya ay ku sugan yihiin hadda dabaqa koowaad iyo dabaqa labaad ee dhismaha, halka ay kooxaha hubeysan ee goobtaas qabsadayna ay iyaguna ku sugan yihiin dabaqyada saddexaad iyo afaraad.

“Weerarka lagu qaaday dhismaha WESTGATE waxaa ku dhintay 59-qof oo rayid ah, waxaana ku dhaawacmay 162-qof oo kale oo ay ku jiraan laba ka tirsan ciidamada dalka Kenya,” ayuu yiri Joseph Ole Lenku oo xukuumadda Kenya ka tirsan.

Dhismaha ayaa waxaa saakay kasoo baxay dhowr qof oo qaarkood ay kasoo badbaadiyeen halkaas ciidamada Kenya halka kuwo kalena ay soo daayeen kooxaha hubeysan ee gacanta ku haya qaybo ka mid ah dhismaha.

Goobjoogayaal ayaa sheegay in weli rasaas laga maqlayo gudaha xaruntaas oo ay ku jiraan dad badan oo shalay lagu qabsaday, iyadoo dadkii laga soo daayay halkaas ay qaarkood sheegeen in kooxaha hubeysan ay dadka u kala soocayeen muslim iyo kirishtan.

Inkastoo ciidamada Kenya ay dadaal xooggan ugu jiraan sidii ay dhismahaas uga saari lahaayeen kooxaha hubeysan, ayaa waxaa haddana la sheegayaa in kooxaha hubeysan ay iska difaacayaan ciidamada, waxaana baqdinta ugu weyn ee la qabo ay tahay halka ay ku dambeyn doonto xaaladda dad fara badan oo dhismaha lagu haysto.

Bannaanka dhismaha WESTGATE ayaa waxaa ku sugan saraakiil iyo xubno ka tirsan xukuumadda iyo baarlamaanka Kenya, kuwaasoo warbaahinta kula hadlaya dibadda xaruntaas, iyagoo ka warbixinaya hadba meesha uu xaalku marayo.

Weerarkan ayaa waxaa sheegatay Xarakada Al-shabaab ee Soomaaliya ka dagaalanta, iyadoo aysan jirin cid ka mid ah kooxaha la wareegay gacan ku haynta dhismahan oo la dilay ama la qabtay.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
9/22/2013 1:41 PM EST
Axad, September 22, 2013 (HOL) — Wasiirada arrimaha dibadda ee Soomaaliya, Fowsiyo Yuusuf Xaaji Aadan ayaa sheegtay in ciidamada Kenya aysan ka bixi doonin gudaha Soomaaliya, ayna qayb ka yihiin howlgalka Midowga Afrika ee AMISOM.

9/22/2013 1:29 PM EST
Axad, September 22, 2013 (HOL) — Kooxo hubeysan oo watay gaari Toyota ah ayaa maqrinimadii caawa ku toogtay xaafadda Buulo-xuubey ee degmada Wadajir xildibaan, Xuseen C/salaam Maxamed xilli uu ku socday gurigiisa.

9/22/2013 12:53 PM EST
Axad, September 22, 2013 (HOL) — Al-shabaab ayaa bog cusub ka furatay shabakadda Twitter-ka, kaddib markii xalay laga xiray bartii ay horay ugu lahaayeen shabakaddaas, taasoo ay ku sheegteen weerarkii lagu qaaday rugta ganacsiga WESTGATE ee magaalada Nairobi.

9/22/2013 12:26 PM EST
Axad, September 22, 2013 (HOL) — Maamulka Isbitaalka Indhaha Al-Nuur oo ka mid ah isbitaalada indhaha ayaa faahfaahin ka bixiyay waxqabadkii isbitaalka mudadii uu jiray, iyadoo maanta ay ku beeganayd sanadguuradii 11-aad ee kasoo wareegtay markii la aasaasay isbitaalka.

9/22/2013 9:31 AM EST
Axad, September 22, 2013 (HOL) — Dood-cilmiyeed looga hadlayay sidii ay culummada Soomaaliyeed door uga qaadan karaan ka hor-taga fikiradaha Xag-jirnimada ayaa maanta ka dhacay magaalada Muqdisho, iyadoo doodda uu soo qabanqaabiyay ururka horumarinta dhallinyarada Soomaaliyeed ee SYP.

9/22/2013 9:14 AM EST
Kadib markii uu dhiigiisa ugu deeqay dadkii ku waxyeelloobay weerarkii ka dhacay xarunta ganacsiga ee Westgate ayaa safiirka Soomaaliya u fadhiya dalka Kenya uu ku baaqay Soomaalidu ay dhiigooda u shubaan dadka dhaawaca maadaama cadow isku mid ah u na laynayo.

9/22/2013 8:40 AM EST
Maalin kadib markii koox hubaysan ay weerar qorshaysan ku qaadeen xarunta Westgate ayaa waxaa arrinta soo faragaliyay ciidamada Israel.

9/22/2013 6:37 AM EST
Warar soo baxay ayaa sheegaya in xubno kamid ah qoyska madaxweynaha dalka Kenya ay ku jireen dadkii lagu dilay weerarka lagu qaaday xarunta gacacsiga ee Westgate.

9/22/2013 6:15 AM EST
Axad, September 22, 2013 (HOL) — Guddoomiyaha maxkamadda iyo xeer ilaaliyaha degmada Baydhabo ayaa maanta xabsiga la dhigay, kaddib markii lagu eedeeyay inay xabsiga kasii daayeen nin gacanku dhiigle ahaa oo lagu xukumay dil toogasho.

9/22/2013 6:07 AM EST
Axad, September 22, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo ayaa saaka u dhoofay magaalada Geneva ee dalka Switzerland. Iyadoo safarkan uu noqonayo kii ugu horreeyay oo ra’iisul wasaaraha Soomaaliya uu ugu ambabaxo dal ku yaalla Qaaradda Yurub.

9/22/2013 2:37 AM EST
Axad, September 22, 2013 (HOL) — Bartii Xarakada Al-sjabaab ay ku lahayd bogga ay bulshada ku xiriirto ee Twitter-ka ee xalay ku sheegteen weerarkii lagu qaaday xarunta ganacsiga ee Westgate ayaa la xiray, iyadoo afhayeen u hadlay shirkadda iska leh shabakaddan uu sheegay inay isitmcaalka barta ka joojiyeen Al-shabaab.

9/22/2013 2:35 AM EST
Axad, September 22, 2013 (HOL) — Ciidamada Kenya ayaa weli dagaal kula jira kooxo hubeysan oo shalay barqadii la wareegay xarunta ganacsiga ee WESTGATE oo ku taalla bartamaha magaalada Nairobi ee xarunta dalka Kenya.

9/22/2013 2:34 AM EST
Axad, September 22, 2013 (HOL) — Ciidamada dowladda Somalia ayaa saaka howgallo baaritaano ah kawada gudaha Suuqa weyn ee Bakaaraha iyo waddooyinka soo gala, howlgalkaas oo lagu sheegay mid lagu xaqiijinayo amniga guud ee suuqaas.

9/22/2013 2:27 AM EST
Axad, September 22, 2013 (HOL) — Afhayeenka guud ee ururka Al-shabaab, Sheekh Cali Maxamuud Raage (Sheekh Cali Dheere) oo ka hadlay weerarkii ay sheegteen ee lagu qaaday dhismaha ganacsi ee magaalada Nairobi ayaa sheegay in haddii Kenya ay doonayso nabad ay ciidamadeeda kala baxo Soomaaliya.