9/22/2019
Today from Hiiraan Online:  _
Wararka Maanta- Axad, Sept 22, 2013
AFHAYEENKA AL-SHABAAB: “Kenya Haddii ay doonayso Nabadgalyo waa in ay ciidamadeeda kala baxdo Soomaaliya”


Axad, September 22, 2013 (HOL) — Afhayeenka guud ee ururka Al-shabaab, Sheekh Cali Maxamuud Raage (Sheekh Cali Dheere) oo ka hadlay weerarkii ay sheegteen ee lagu qaaday dhismaha ganacsi ee magaalada Nairobi ayaa sheegay in haddii Kenya ay doonayso nabad ay tahay in ciidamadeeda ay kala baxdo Soomaaliya.

Sheekh Cali Dheere ayaa ku sheegay weerarkan inuu yahay mid jawaab u ah xasuuq uu sheegay in ay ciidamada Kenya ee qaybta ka ah AMISOM ay qaar ka mid ah gobollada Koonfureed ee Soomaaliya ka geysteen.

“Kenya haddii ay doonayso nabad waa inay ciidamadeeda kala baxdo dalka Soomaaliya, waayo dhibaatada ay maanta ka arkayaan Nairobi iyo dhiigga ku qubanaya waddooyinka waaweyn, waa mid la mid ah kuwii ay ciidamadoodu ka geysteen Soomaaliya,” ayuu afhayeenku hadalkiisa ku daray.

Afhayeenka oo sii hadlaya ayaa wuxuu sheegay in dhibaatooyinka noocan oo kale ay kasii socon doonaan Kenya inta ay ciidamadoodu Soomaaliya ku sugan yihiin oo ay ka geysanayaan xasuuqa shacabka Soomaaliyeed ee muslimka ah.

“Dadweynaha Kenya haddii ay la yaaban yihiin waddooyinka Nairobi oo xiran iyo dhiiggooda oo dhulka ku daadanaya, waxaa la gudboon in laba arrimood ay kala doortaan, taasoo ah inay nabad-galyo xumada kusii jiraan iyo inay ku qasbaan madaxdooda inay ciidamadooda kala baxaan Soomaaliya,” ayuu ku daray hadalkiisa afhayeenka Al-shabaab.

Sheekh Cali Dheere ayaa ku faanay in ciidamadooda shalay weeraray ay ku sugan yihiin weli gudaha xaruntaas oo ay ciidamada Kenya ku dhici la’yihiin inay ka saaraan, isagoo sheegay in xoogaggaas ay beegsanayaan cid walba oo ay u arkaan cadow.

Afhayeenka guud ee Al-shabaab ma uusan sheegin tirada dagaal-yahannada ku jira xarunta ganacsi ee WESTGATE, isagoo qabsashada xaruntaas ganacsi ku sheegay inay tahay guul weyn oo ay gaareen, ayna dagaalka wadayaan inta ay hadafkooda ka gaarayaan.

Dhanka kale, madaxweynaha Kenya, Uhuru Kenyatta oo telefishinka dalkaas kala hadlay xalay shacabka, ayaa sheegay in Kenya aysan u joogsan doonin falalka argagaxiso ee Al-shabaab ay ka geysanayaan dalkiisa, isagoo xusay in ciidamadooda ammaanka ay u diyaarsan yihiin in ay la dagaalaan kuwa falalka noocan oo kale ah geysanaya.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
9/22/2013 1:41 PM EST
Axad, September 22, 2013 (HOL) — Wasiirada arrimaha dibadda ee Soomaaliya, Fowsiyo Yuusuf Xaaji Aadan ayaa sheegtay in ciidamada Kenya aysan ka bixi doonin gudaha Soomaaliya, ayna qayb ka yihiin howlgalka Midowga Afrika ee AMISOM.

9/22/2013 1:29 PM EST
Axad, September 22, 2013 (HOL) — Kooxo hubeysan oo watay gaari Toyota ah ayaa maqrinimadii caawa ku toogtay xaafadda Buulo-xuubey ee degmada Wadajir xildibaan, Xuseen C/salaam Maxamed xilli uu ku socday gurigiisa.

9/22/2013 12:53 PM EST
Axad, September 22, 2013 (HOL) — Al-shabaab ayaa bog cusub ka furatay shabakadda Twitter-ka, kaddib markii xalay laga xiray bartii ay horay ugu lahaayeen shabakaddaas, taasoo ay ku sheegteen weerarkii lagu qaaday rugta ganacsiga WESTGATE ee magaalada Nairobi.

9/22/2013 12:26 PM EST
Axad, September 22, 2013 (HOL) — Maamulka Isbitaalka Indhaha Al-Nuur oo ka mid ah isbitaalada indhaha ayaa faahfaahin ka bixiyay waxqabadkii isbitaalka mudadii uu jiray, iyadoo maanta ay ku beeganayd sanadguuradii 11-aad ee kasoo wareegtay markii la aasaasay isbitaalka.

9/22/2013 9:31 AM EST
Axad, September 22, 2013 (HOL) — Dood-cilmiyeed looga hadlayay sidii ay culummada Soomaaliyeed door uga qaadan karaan ka hor-taga fikiradaha Xag-jirnimada ayaa maanta ka dhacay magaalada Muqdisho, iyadoo doodda uu soo qabanqaabiyay ururka horumarinta dhallinyarada Soomaaliyeed ee SYP.

9/22/2013 9:14 AM EST
Kadib markii uu dhiigiisa ugu deeqay dadkii ku waxyeelloobay weerarkii ka dhacay xarunta ganacsiga ee Westgate ayaa safiirka Soomaaliya u fadhiya dalka Kenya uu ku baaqay Soomaalidu ay dhiigooda u shubaan dadka dhaawaca maadaama cadow isku mid ah u na laynayo.

9/22/2013 8:40 AM EST
Maalin kadib markii koox hubaysan ay weerar qorshaysan ku qaadeen xarunta Westgate ayaa waxaa arrinta soo faragaliyay ciidamada Israel.

9/22/2013 6:37 AM EST
Warar soo baxay ayaa sheegaya in xubno kamid ah qoyska madaxweynaha dalka Kenya ay ku jireen dadkii lagu dilay weerarka lagu qaaday xarunta gacacsiga ee Westgate.

9/22/2013 6:15 AM EST
Axad, September 22, 2013 (HOL) — Guddoomiyaha maxkamadda iyo xeer ilaaliyaha degmada Baydhabo ayaa maanta xabsiga la dhigay, kaddib markii lagu eedeeyay inay xabsiga kasii daayeen nin gacanku dhiigle ahaa oo lagu xukumay dil toogasho.

9/22/2013 6:07 AM EST
Axad, September 22, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo ayaa saaka u dhoofay magaalada Geneva ee dalka Switzerland. Iyadoo safarkan uu noqonayo kii ugu horreeyay oo ra’iisul wasaaraha Soomaaliya uu ugu ambabaxo dal ku yaalla Qaaradda Yurub.

9/22/2013 5:45 AM EST
Axad, September 22, 2013 (HOL) — Xukuumadda Kenya ayaa sheegtay in 59-qof ay ku dhinteen 162-qof oo kalena ay ku dhaawacmeen weerarkii lagu qaaday rugta ganacsiga ee WESTGATE, halkaasoo qaybo ka mid ah ay weli gacanta ku hayaan kooxihii weerarka ku qaaday.

9/22/2013 2:37 AM EST
Axad, September 22, 2013 (HOL) — Bartii Xarakada Al-sjabaab ay ku lahayd bogga ay bulshada ku xiriirto ee Twitter-ka ee xalay ku sheegteen weerarkii lagu qaaday xarunta ganacsiga ee Westgate ayaa la xiray, iyadoo afhayeen u hadlay shirkadda iska leh shabakaddan uu sheegay inay isitmcaalka barta ka joojiyeen Al-shabaab.

9/22/2013 2:35 AM EST
Axad, September 22, 2013 (HOL) — Ciidamada Kenya ayaa weli dagaal kula jira kooxo hubeysan oo shalay barqadii la wareegay xarunta ganacsiga ee WESTGATE oo ku taalla bartamaha magaalada Nairobi ee xarunta dalka Kenya.

9/22/2013 2:34 AM EST
Axad, September 22, 2013 (HOL) — Ciidamada dowladda Somalia ayaa saaka howgallo baaritaano ah kawada gudaha Suuqa weyn ee Bakaaraha iyo waddooyinka soo gala, howlgalkaas oo lagu sheegay mid lagu xaqiijinayo amniga guud ee suuqaas.