3/29/2024
Today from Hiiraan Online:  _
Wararka Maanta- Arbaco, Sept 18, 2013
AFHAYEENKA AMISOM: “Shaqo-ka-fariisinta lagu Sameeyay Qaar ka mid ah saraakiisha AMISOM ma saameynayso Howsheenna"


Arbaco, September 18, 2013 (HOL) — Afhayeenka cidiamada AMISOM Col. Cali Aadan Xumad oo la hadlayay warbaahinta ayaa sheegay in saameyn aysan ku yeelan doonin howlahooda ay u joogaan Soomaaliya shaqo-fariisin lagu sameeyay saraakiil ka tirsan ciidamada Uganda ee qaybta ka ah AMISOM.

Shaqo-fariisintan ayaa waxay timid kaddib markii saraakiishan lagu eedeeyay inay iibsan jireen raashinka iyo shidaalka loogu talogalay ciidamada AMISOM ee ku sugan gudaha Soomaaliya.

“Howsheenna wax saameyn ah kuma yeelan doonto shaqo ka fariisin lagu sameeyay saraakiisha ka tirsan ciidamada AMISOM ee dalka Uganda kasoo jeeda, waa howl u taalla Ugaanda oo baaristeeda la wado,” ayuu yiri Col. Xumad oo aan arrintan ka bixin faahfaahin dheeraad ah.

Afhayeenku wuxuu xusay in howlka AMISOM uu yahay mid weyn oo lagu caawinayo shacabka Soomaaliyeed uuna sii socon doono, wuxuuna xusay in tani aysan ahayn howl iyaga u taalla, balse ay u taallo dalkii ay ka socdeen.

Ciidamada AMISOM ee ku sugan Soomaaliya ayaa waxay tiradoou gaaraysaa in ka badan 17,000 oo askair, waxayna ka socdaan dalalka Uganda, Burundi, Jabuuri, Sierra Leone iyo Kenya, kuwaasoo ka howlgala Muqdisho iyo gobollo ka tirsan Soomaaliya.

Arrinta ku saabsan xatooyada ay saraakiishan ku sameeyeen raashin iyo shidaalka loogu talogalay ciidamada AMISOM ee ku sugan gudaha Somalia ayaa waxay noqonaysaa tii ugu horreysay nooceeda oo shaqooyin loo joojiyo saraakiil ka tirsan ciidamada AMISOM.

Saraakiisha howsha laga joojiyay ayaa waxaa ku jira taliyaha ciidamada Uganda ee ku sugan Soomaaliya, waxaana fadeexadan ay dhalisay guux weyn oo saameyntiisa leh, inkastoo afhayeenku uu sheegay inay howlahoodu si caadi ah kusii socon doonaan.

Ugu dambeyn, afhayeenka AMISOM wuxuu sheegay in ciidamada halkan (Somaaliya) ku sugan ay u yimaadeen sidii ay u caawin lahaayeen dadka Soomaaliyeed oo muddo dheer colaado kusoo jiray ayna taasi sii socon doonto.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
9/18/2013 1:14 PM EST
Arbaco, September 18, 2013 (HOL) — Xildhibaanadda golaha Wakiiladda oo maalmihii u dambeeyey ka doodayey xeerka horumarinta wadooyinka oo xukuumaddu dalbadtay in cashuur kordhin looogu sameeyo xoolaha dhoofaya iyo Gaadiidka, ayaa mudanayaashu si weyn ugu kala aragti duwan yihiin kuwaas oo maanta gaadhay heer ay isku feedh feedhaan.

9/18/2013 1:00 PM EST
Arbaco, September 18, 2013 (HOL) — Madaxweynaha dalka Yemen, Cabdi-rabbo Haddi Mansuur ayaa magaalada Sanca ee xarunta dalka Yemen maanta kula kulmay wasiirka arrimaha gudaha iyo amniga Qaranka Soomaaliya, C/kariin Xuseen Guuleed iyo wafdi uu hoggaaminayo

9/18/2013 11:49 AM EST
Arbaco, September 18, 2013 (HOL) — Madaxweynaha Soomaaliya, Xasan Sheekh Maxamuud iyo wafdiga ballaaran ee la socda ayaa maanta kulan kula yeeshay magaalada Roma ee xarunta dalka Talyaaniga ra’iisul wasaaraha dalkaas, Enrico Letta.

9/18/2013 10:59 AM EST
Arbaco, September 18, 2013 (HOL) — Guddoomiyaha Xarakada Al-shabaab ee gobolka Shabeellada Hoose, Sheekh Maxamed Abuu-cabdalla ayaa maanta sheegay in howlgallo ay sameeyeen ciidamada amniga ee gobolkaas ay kusoo qabteen lacago faalsa ah iyo ganacasadihii soo geliyay gobolka.

9/18/2013 10:35 AM EST
Arbaco, September 18, 2013 (HOL) — Nabaddoonnada Digil iyo Mirifle oo maanta kulan kula yeeshay Baydhabo guddoomiyaha baarlamaanka iyo wafdi uu hoggaaminayo oo gaaraya 55 xubnood ayaa wuxuu ku dhamaaday fashil, kaddib markii nabaddoonnadu ay ku adkeysteen inay sameysanayaan maamul goboleed ay ku mideysan yihiin lix gobol.

9/18/2013 10:05 AM EST
Arbaco, September 18, 2013 (HOL) — Wasaaradda arrimaha dibadda ee dalka Itoobiya ayaa sheegtay Talaadada maanta ah inay kaalin weyn ku lahayd heshiiskii ay Addis Ababa ku kala saxiixdeen dowladda Soomaaliya iyo maamulka KMG ah ee Jubba oo khilaaf xooggan uu u dhexeeyay.

9/18/2013 9:43 AM EST
Arbaco, September 18, 2013 (HOL) — Ciidamada amniga Dowladda Somalia ayaa la sheegay inay maanta xabsiga dhigeen Sheekh Maxamed Macallin Cali oo ka mid ah saraakiisha sarsare ee Xisbul Islaam oo maalmahan ku sugnaa magaalada Muqdisho.

9/18/2013 9:33 AM EST
Arbaco, September 18, 2013 (HOL) — Xoghayaha golaha shuurada ee ururkii Xisbul Islaam, Sheekh Ismaaciil Xaaji Caddow ayaa sheegay maanta inaysan jirin wadaladallo ay kula jiraan dowladda Soomaaliya, isagoo kasoo horjeestay war uu warbaahinta siiyay Sheekh Maxamed Macallin oo ahaa in shir uu Muqdisho uga socdo dowladda Soomaaliya iyo Xisbul Islaam.

9/18/2013 9:06 AM EST
Arbaco, September 18, 2013 (HOL) —Madasha wadatashiga iyo toosinta Qaranka Somaliland, ayaa si weyn u naqdiyey safarka uu madaxweynuhu ku marayo gobolada Bariga, kuwaas oo ku eedeeyey in aanay jirin mashaariic horumarineed oo ka hirgalay goboladda uu madaxweynuhu marayo.

9/18/2013 8:30 AM EST
Arbaco, September 18, 2013 (HOL) — Munaasabad lagu maamuusayay 58 arday oo dhameysatay waxbarshada Jaamacadda Nugaal ayaa lagu qabtay xarunta Jaamacadaas ee magaalada Laascaanood, iyadoo waxyaabihii looga hadlay munasabadda ay ka mid ahaayeen dhibaatooyinka tahriibta iyo kor u qaadidda aqoonta bulshada.

9/18/2013 7:57 AM EST
Arbaco, September 18, 2013 (HOL) — Guddoomiyaha baarlamaanka Somalia, Prof. Maxamed Sheekh Cismaan (Jawaari) oo maanta kulan la qaatay waxgaradka iyo qaybaha bulshada ee ku nool Baydhabo ayaa wuxuu sheegay inay kaga hadleen arrimo badan ayna isku afgarteen intooda badan.

9/18/2013 7:29 AM EST
Arbaco, September 18, 2013 (HOL) — Xoghayaha guud ee Qaramada Midoobay, Ban Ki-Moon ayaa shirkii dowladda Soomaaliya loogu qabtay magaalada Brussels ee xarunta dalka Belgium ku tilmaamay mid horumar weyn u horseedaya Soomaaliya, isagoo xusay in beesha calaamku ay muujisay sida ay u garabtaagan tahay Soomaalida.

9/18/2013 7:10 AM EST
Arbaco, September 18, 2013 (HOL) — Dowladda Uganda ayaa sheegtay inay ciidammo dheeraad ah ku soo biirin doonto cidamada kaga sugan Somalia si ay u xoojiyaan kuwii horay uga joogay ee qaybta ka ah howgalka AMISOM oo hoostaga Midowga Afrika.

9/18/2013 7:06 AM EST
Arbaco, September 18, 2013 (HOL) — Xafiiska xog-uruurinta iyo cilmi-baarista rugta ganacsiga Soomaaliya ayaa waxay xalay kagu qabtay xafiiskooda Muqdisho kulan hordhac u ah kulamo si joogto ah loogu qaban doono xarunta rugta ganacsiga.

9/18/2013 3:06 AM EST
Arbaco, September 18, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan Jawaari oo ku sugan Baydhaob ayaa ka warbixiyay safarkii uu ku tagay Baydhabo, isagoo sheegay inuu qayb ka yahay qorshayaal ay dowladdu ku doonayso inay gobollada dalka uga hirgeliso maamullo ay shacabku soo doorteen.