3/29/2024
Today from Hiiraan Online:  _
Wararka Maanta- Isniin, Sept 16, 2013
Madaxweyne Ax'ed Siilaanyo oo dhagax-dhigay Mashaariic laga hirgelinayo Magaalada Burco ee Gobolka Togdheer (SAWIRRO)


Isniin, September 16, 2013 (HOL) — Madaxweynaha Somaliland Axmed Maxamed Maxamuud Siilaanyo oo ku gudda jira safarkiisi shaqo, ayaa maanta mashaariic horumarineed oo laga hirgaliyey magaaladda Burco qaarna xadhiga ka jaray, kuwo cusubna dhagax dhigay.

Mashaariicdan uu madaxweynuhu dhagax dhigay waxa ka mid ahaa dhabaha diyaaraduhu ka haadeen madaarka Burco oo la balaadhiyey oo 3km lagu kordhiyey, waxa kale oo dhagax dhigay Wadada Ceerigaabo u baxda, waxa kale oo uu xadhiga ka jaray guri loo dhisay Saraakiisha Ciidanka Militariga Somaliland iyo saldhiga boolis oo laga hirgaliyey magaaladda.

Sidoo kale waxa uu ka qaybgalay xaflad 150 arday oo ka qalinjabisay jaamacada Galis qaybteedda magaaladda Burco oo madaxweynuhu ku gudoonsiiyey shahaadooyinkii jaamacadda.

Mashaariicdan horumarineed ee laga hirgaliyey gobolka Togdheer waxa ka hadlay  Gudoomiyaha Guddiga Horumarinta Gobolka Togdheer Maxamuud Aaden Dheri , waxaanu ka warbixiyey in wadadan Burco iyo Ceerigaabo u dhexeysa ay mid dheer oo aan kaligood ku filnayn, balse loo baahan yahay in laga wada qaybqaato dhamaystirkeedda.

Badhasaabka Gobolka Togdheer Axmed Cumer X.Cabdilaahi (Xamarji) ,ayaa isna ka hadlay muhiimadda ay wadadan u leedahay  dadweynaha, gaar ahaan goboladda bariga Somaliland.

Sidoo kale waxa iyaguna qiimaha wadaddaasi leedahay ka hadlay Wasiirka Warfaafinta Cabdilaahi Maxamed Daahir (Cukuse),  Wasiirka Deegaanka Shukri X- Baandare, Wasiirka waxbarashada iyo Tacliinta Sare Samsam Cabdi Aadan iyo Wasiirka Gaashaandhiga Axmed X. cali  Cadami, kuwaas oo dhamaantood iska daba maray inay taageeri doonaan dhismaha wadaddaasi.

Madaxweynaha Somaliland Axmed Maxamed Maxamud Siilaanyo ayaa isna sheegay inuu gacan weyn ka gaysan doono dhamaystirka wadadan, isla markaana ka qaybqaadan doonaan sidii loo dhisi lahaa wadadaasi.









Barkhad-ladiif M. Cumar, Hiiraan Online
[email protected]
Hargeysa, Somaliland













Click here
9/16/2013 8:02 PM EST
DAAWO SAWIRADA: Shirkii Midowga Yurub iyo dowladda Soomaaliya looguna yaboohay dhaqaale gaaraya 860 Million oo Dollar.

9/16/2013 3:10 PM EST
Isniin, September 16, 2013 (HOL) — Bannaanbax looga soo horjeedo shirkii Brussels ee dhaqaalaha loogu ururinayay Soomaaliya iyo madaxweyne Xasan Sheekh Maxamuud ayaa maanta ka dhacay magaalada Baydhabo ee xarunta gobolka Bay.

9/16/2013 2:07 PM EST
Isniin, September 16, 2013 (HOL) — Xukuumadda Somaliland ayaa sheegtay in sababta ay shirkaasi uga qaybgali wayday ahayd iyadoo loogu casuumay meeqaam ka hooseeya qaabkay rabtay.

9/16/2013 1:18 PM EST
Isniin, September 16, 2013 (HOL) — Shirkii looga hadlayay higsiga cusub ee Soomaaliya ayaa lagu soo gabgabeeyay magaalada Brussels iyadoo uu ka hadlay madaxweynaha Soomaaliya dhaqaalaha loogu deeqay Soomaaliya.

9/16/2013 9:33 AM EST
Isniin, September 16, 2013 (HOL) — Madaxii warfaafinta ee ururkii Xisbul Islaam, Sheekh Maxamed Macallin Cali ayaa maanta sheegay in dowladda Soomaaliya ay qorsheynayso inay dhawaan maxkamad soo taagto Sheekh Xasan Daahir Aweys oo muddo bilooyin ah u xiran dowladda federaalka Soomaaliya.

9/16/2013 9:15 AM EST
Isniin, September 16, 2013 (HOL) — Guddoomiyaha guddiga reer Yurub, Jose Manuel Barroso ayaa sheegay in Midowga Yurub ay ku bixinayaan dib u dhiska Soomaaliya ugu yahoobay 862-milyan oo doollarka Mareyanka ah, isagoo sheegay in shirka Brussels uu yahay mid lagu xoojinayo horumarka ay ku tallaabsatay Soomaaliya.

9/16/2013 8:59 AM EST
Isniin, September 16, 2013 (HOL) — Xildhibaannada baarlamaanka Somalia ayaa kulan ay maanta ku yeesheen xaruntooda magaalada Muqdisho waxay ku dhageysteen warbixinno la xiriira safarro shaqo oo xildhibaanno ka tirsan baarlamaanka ay ku tageen gobollada dalka qaarkood, iyadoo isla kulankii maanta loogu qaybiyay xildhibaannada mooshin la xiriira qodob lagu kordhinayo xeer hoosaadka baarlamaanka.

9/16/2013 5:03 AM EST
Isniin, September 16, 2013 (HOL) — Shirka Somalia loogu qabanayo dalka Belgium ayaa goor dhow ka furmay magaalada Brussels ee xarunta dalkaas iyadoo uu hadal ka jeediyay madaxweynaha Soomaaliya, Xasan Sheekh oo ay shirka wada-guddoominayaan isaga iyo Chatherine Ashton.

9/16/2013 2:54 AM EST
Isniin, September 16, 2013 (HOL) — Ra'iisul Wasaarihii hore ee Somalia, Prof. Cabdiweli Maxamed Cali (Gaas) oo horay ugu dhawaaqay inuu yahay murashax u tartamaya xilka madaxweynimo ee maamulka Puntland ayaa sheegay inuu dhawaan tegi doono Puntland si uu ugu ololeedyo doorashada dhacaysa bisha Jannaayo 2014-ka.

9/16/2013 2:31 AM EST
Isniin, September 16, 2013 (HOL) — Madaxweynaha Somalia, Xasan Sheekh Maxamuud ayaa shirka Brussels ee maanta furmaya ka muujiyay rajo weyn, isagoo sheegay inuu yahay shirk a duwan kuwii Soomaaliya horay loogu qaban jiray.