3/28/2024
Today from Hiiraan Online:  _
Wararka Maanta- Axad, Sept 1 , 2013
Odayal ka Dalbaday Dowladda inay Gacan ka geysato sidii Qeybaha kale ee Gobolka Hiiraan looga saari lahaa Al-shabaab


Axad, September 01, 2013 (HOL) — Odayaal iyo waxgarad ka soo jeeda gobolka Hiiraan oo ku shiray magaalada Baladweyne ayaa ka dalbaday dowladda Soomaaliya in ay gacan ka geysato sidii qeybaha kale ee gobolka looga saari lahaa Al-shabaab.

Nabadoon Faarax Cabdi Waare oo ka mid ah odayaasha dhaqanka gobolka, ayaa sheegay in ay tahay wax aan  la aqbali karin - sida uu hadalka u dhigay - in muddo dhan labo sano lagu sugnaado oo kaliya magaalada Baladweyne ee xarunta gobolka Hiiraan, xili degmooyinka kale ee gobolka ay maamulaan xoogagga Al-shabaab.

“Dowladda federaalka waxaa ugu baaqeynaa in ay arintaa gacan ku siiso ciidamada maamulka dowladda iyo kuwa AMISOM ee halkan -Baladweyne- ku sugan sidii ay looga xoreyn lahaa qeybaha kale ee gobolka Al-shaabaab, suurtagal ma'aha in mudo labo sano ah lagu sugnaado hal magaalo oo kaliya,'' ayuu yiri Faarax Cabdi Waare.

Waxaa uu sheegay nabadoon Faarax Cabdi Waare in ay adag tahay wax ka qabashada amniga magaalada inta qeybaha kale ee gobolka ay gacanta ku hayaan xoogagga Al-shabaab, isaga oo ku baaqay in dowladda federaalka Soomaaliya ay gacan ku siiso maamulka gobolka iyo ciidamada sidii gacanta dowladda loogu soo celin lahaa degmooyinka kale ee gobolka Hiiraan.

Marka laga soo tago ciidamada maamulka gobolka Hiiraan ee magaalada Baladweyne, waxaa ku sugan ilaa 1000 askari oo ka socda dalka Jabuuti qeybna ka ah howlgalka midowga Afrika iyo  kumanaan ka tirsan ciidamada dowladda Itoobiya,  kuwaas oo saldhigyo waaweyn ku leh gudaha iyo daafaha magaalada Baladweyne.

Saraakiisha maamulka iyo kuwa midowga Afrika ee AMISOM ayaa marar badan ku goodiyay in sida ugu dhaqsiyaha badan ay awoodda maamulka ugu baahin doonaan guud ahaan gobolka.

C/raxmaan Diini, Hiiraan Online
[email protected]
Baladweyne, Soomaaliya













Click here
9/1/2013 11:07 AM EST
Axad, September 01, 2013 (HOL) — Saraakiil ka socday Qaramada Midoobay iyo ururka Midowga Afrika oo maanta booqday magaalada Baladweyne ee xarunta gobolka Hiiraan ayaa la kulmay mas'uuliyiinta maamulka gobolka, saraakiisha ciidamada dowladda iyo kuwa midowgga Afrika ee AMISOM.

9/1/2013 10:38 AM EST
Axad, September 01, 2013 (HOL) — Dowladda Soomaaliya ayaa sheegtay in maalinta berri ah uu ka furmayo Muqdisho shir-weyne dib u heshiisiineed oo ay kasoo qaybgeli doonaan dhammaan maamullada dalka ka jira iyo xubno ka imaanaya dibadda oo lagu casuumay.

9/1/2013 10:35 AM EST
Axad, September 01, 2013 (HOL) — Kaddib kulan maanta ay ku yeesheen degmada Dhuusa-mareeb ee gobolka Galguduud gollaha tallada Ahlusunna Waljameeca ayaa waxaa xilka looga qaaday guddoomiyihii guddiga fulinta maamulka Ahlu Sunna Waljameeca Cabdi Cali Fiidoow.

9/1/2013 10:30 AM EST
Axad, September 01, 2013 (HOL) —Shirkadda Isgaadhsiinta Telesom ayaa casho sharaf u samaysay xulka Kubadda Kolayga ee Caasimadda Jabuuti oo ciyaar saaxiibtinimo la ciyaaray xulalka magaaladda Hargeysa ka jira ee kubadda Kolaygga ee Somaliland.

9/1/2013 9:47 AM EST
Axad, September 01, 2013 (HOL) — Xafiiska jinsiga ee AMISOM ayaa wada qorshayaal looga wacyi-gelinayo bulshada Soomaaliyeed dhibaatooyinka loo geysto haweenka Soomaaliya, kuwaasoo ay qayb ka yihiin sidii loo heli lahaa sharci lagu ciqaabayo kuwa dhibaatooyinka u geysanaya haweenka.

9/1/2013 8:15 AM EST
Axad, September 01, 2013 (HOL) — Taliyaha ciidamada dalka Burundi oo ay ciidammo ka joogaan Soomaaliya, Niyongabo Prime ayaa maanta booqasho ku yimid magaalada Muqdisho, isagoo kulammo la qaatay madax uu ka mid yahay madaxweyne Xasan Sheekh, wasiiradda arrimaha dibadda Somalia, wasiirka gaashaandhigga iyo Taliyeyaasha ciidamada.

9/1/2013 8:01 AM EST
Axad, September 01, 2013 (HOL) — Madaxweynaha Somalia, Xasan Sheekh Maxamuud ayaa maanta Muqdisho kula kulmay dajirayaasha dalalka ku leh safaaradaha Soomaaliya iyo wakiillada ururrada calaamiga ah, isagoo kaga dalbaday kulanka inay taageeran heshiiskii dowladda iyo maamulka Jubba ay ku gaareen magaalada Addis Ababa e dalka Itoobiya.

9/1/2013 5:25 AM EST
Axad, Sebtember 1, 2013 (HOL)- Dagaal khasaare geystey ayaa xalay ka dhacay deegaanno ka tirsan gobolka Baay. Dagaalka oo sida lagu soo warramayo ahaa mid xooggan, islamarkaana socdey muddo saacado ah, wuxuu dhex maray ciidamada dowladda Soomaaliya iyo kuwa Itoobiya oo isku-dhinac ah iyo Al-shabaab.

9/1/2013 3:28 AM EST
Axad, Sebtember 1, 2013 (HOL)- Ra'iisul wasaaraha dalka Yemen Muxammad Saalim Basindawa ayaa gelinkii dambe ee shalay ka badbaadey isku-day ladoonayey in lagu khaarijiyo.

9/1/2013 2:39 AM EST
Axad, Sebtember 1, 2013 (HOL) —Maalintii lixaad waxaa degmada Taleex ee gobolka Sool ku sugan wefdi uu horkacayo madaxweyne ku-xigeenka Puntland, islamarkaana ay qayb ka yihiin xubno ka tirsan goleyaasha wasiirrada iyo baarlamaanka ee Puntland.