4/13/2021
Today from Hiiraan Online:  _
Wararka Maanta- Arbaco, Oct 9 , 2013
Golaha wakiillada Somaliland oo ka doodaya Miisaaniyad Sanadeedka 2014-ka oo ay Wasaaradda Maaliyaddu u soo Hudbisay


Arbaco, Oktoobar 09, 2013 (HOL) — Golaha Wakiiladda Somaliland ayaa maanta guddo galay doodda miisaaniyadda Qaranka ee wasaaradda maaliyaddu usoo gudbisay toddobaadkan.

Guddoomiyaha Gudida dhaqaalaha ee Golaha Wakiiladda Md. Maxamed Xaaji Maxamuud Cumar-xaashi, ayaa Golaha ka akhriyay warbixin dheer oo la xidhiidha daraasado kala duwan iyo qiimayn guud oo ay ku sameeyeen ujeedooyinkii iyo siyaasaddii ay xambaarsanayd odoroska miisaaniyad sanadeedka 2014-ka.

Guddidan ayaa sheegay inay miisaaniyad sanadeed 2014-ku dhantahay 1,276,033,716000 SLSHoo u dhiganta dollar ahaan $212,672,286, taas oo ka badan miisaaniyadii sanadkii hore 2013-ka.

Miisaaniyadan ayaa waxa ka dhex muuqda korodh mushaharo shaqalaha iyo ciidanamadda oo ah 20%, korodhka gunnadda agaasimayaasha guud oo noqonaysa 3000,000SLSH qofkii ba bishiiba iyo agaasime waxeedyadda ay u kordhaysa 600,000SLSH qofkiiba,waxaa sidoo kale ka dhex muuqda kharashka loogu talo galay diwaangalinta codbixiyeyaasha oo dhan 6,000,000,000SLSH. Waxaa sidoo kale xusid mudan kharashka ku kordhaaya darajadda ciidanka oo dhan 23,244,904,000SLSH.

Sidoo kale guddidu waxay soo jeedisay in hay’adaha dawlada ee aan sharciga lahayn si deg deg ah loo horkeeno galaha si go’aamo looga gaadho sharciyadoodii.

Hay’adahaas aan sharciga lahayn ee miisaaniyada ku jirta waxa ka mid

1. Garyaqaanka guud,  2. Gudida dib u habaynta shuruucda, 3. Ict commission, 4. Hay’adda xidhiidhkaka raashinka qaranka, 5. Hay’adda qurbo jooga,6. Hay’adda dhawrista tayadda,7. TV qaranka, 8. Gudida diwaan galinta ururradda oo wakhtigoodii gababsi yahay, iyo 9. Gididda barista xasuuqa qaran.

Doodda miisaaniyada ayaa dhawrka maalmood ee soo socda xildhibaanadu ka doodi doonaan, kuwaas oo ansixin doona ama diidi doono.Inkastoo xildhibaanadu u badan yihiin muxaafad kuwaas oo la filayo inay duuduub ku ansixiyaan.

Barkhad-Ladiif  M. Cumar, Hiiraan Online 
[email protected]  
Hargeysa, Somaliland












Click here
10/9/2013 9:14 AM EST
Arbaco, Oktoobar 09, 2013 (HOL) — Madaxweynaha Maraykanka, Barack Obama oo ka hadlay weerarkii Mareykanku uu ku beegsaday guri xeebta degmada Baraawe ku yaalla ayuu sheegay inuu yahay mid ay si gaar ah ugu bartilmaameedsanayeen saraakiisha Al-Qaacida ee Afirka ku sugan.

10/9/2013 9:03 AM EST
Arbaco, Oktoobar 09, 2013 (HOL) — Nabaddoonnada Digil iyo Mirifle ayaa u galay saldhigga AMISOM ay ku leedahay Baydhabo iyagoo ka baqdin qaba in la dilo, iyadoo nabaddoonnadan oo tiradoodu tahay 63-qof kuwaasoo aysan is-arkin caruurtooda iyo xaasaskooda.

10/9/2013 8:35 AM EST
Arbaco, Oktoobar 09, 2013 (HOL) — Munaasibad balaadhan oo loogu baroor diiqayo sanad guuradii kowaad ee ka soo wareegtay geeridii Abwaan Maxamed Xaashi Dhamac Gaariye oo ahaa aqoonyahan ku weyn qalbiyadda umadda Soomaaliyeed, ayaa xalay lagu qabtay magaaladda Hargeysa.

10/9/2013 8:31 AM EST
Arbaco, Oktoobar 09, 2013 (HOL) — Maamulka gobolka Banaadir ayaa ka dhawaajiyay maanta in barakacayaasha ku sugan magaalada Muqdisho ay dajin doonaan xero ka baxsan magaalada, taasoo ay sheegeen inay ka heli doonaan waxyaabaha aasaaska u nolosha.

10/9/2013 8:26 AM EST
Arbaco, Oktoobar 09, 2013 (HOL) — Hadal-heynta ugu badan magaalada Beledweyne marka aad eegto xiligan waa halka ay wax u marayaan mas'uuliyiin ka tirsan dowladda oo ku guda jira la tashiyo ballaaran oo ku aadan dhismaha maamul cusub oo markii ugu horeysay ku imanaya hab doorasho ah.

10/9/2013 4:41 AM EST
Arbaco, October 09, 2013(HOL) :- Sheekh Max’ed Awlibaax oo kamid ahaa masuuliyintii la shaqeyn jirtay maamulka KMG ee Jubba islamarkaana xubin sare ka ah ururka Ahlusunna ee gobolka Gedo ayaa ku eedeeyay hogaamiyaha maamulka Jubba Sheekh Axmed Madoobe in uu jabiyay qodobo ka mid ah heshiisyadii uu la galay dowladda Soomaaliya.

10/9/2013 4:06 AM EST
Arbaco, October 09, 2013(HOL) :- Weerar loo adeegsaday bambaanooyinka gacanta laga tuuro ayaa xalay lagu qaaday saldhig ay ciidamada dowladda Soomaaliya ku leeyihiin degmada Marka ee gobolka Shabeelaha Hoose.

10/9/2013 3:22 AM EST
Arbaco, October 09, 2013(HOL) :- Dowladda Mareeykanka ayaa shaaca ka qaaday ujeedada ka danbeeysay weerarkii ay dhawaan ciidamada Kumaandooska dalkaasi ka fuliyeen guri ku yaal degmada Baraawe ee gobolka Shabeelaha Hoose.