4/13/2021
Today from Hiiraan Online:  _
Wararka Maanta- Isniin, Oct 7 , 2013
Madaxweyne Xasan Sheekh oo Ammaanay Ciidamada Xoogga una sheegay in Mushaaraadkooda ay heli doonaan (SAWIRRO)



Isniin, Oktoobar 07, 2013 (HOL) — Madaxweynaha Somalia, Xasan Sheekh Maxamuud oo maanta kulan kula yeeshay xarunta madaxtooyada sarakiisha ciidamadda xoogga dalka ayaa amaanay sida ay ciidamadu u shaqeeyaan.

Kulanka oo ay goobjoog ka ahaayeen wasiiraka gaashaandhigga, Cabdixakiin Maxamuud Xaaji Fiqi iyo abaanduulaha ciidamadda xoogga, Jen. Cabdirisaaq Khaliif Cilmi ayaa wuxuu madaxweynuhu ka jeediyay khudbad dheer oo uu kaga hadlay arrimo badan.

Abaanduulaha ciidamadda xoogga dalka ayaa uga warbixiyay madaxweyne Xasan Sheekh howlaha ciidamada xoogga dalka, waxaana markaas kaddib isna hadlay wasiirka gaashaandhigga oo sheegay in ciidamada xooggu ay guulo ka gaareen dagaalladii ay kula jireen Al-shabaab.

Madaxweynaha ayaa ku ammaanay ciidamada xoogga dadaalada dheeradka ah iyo howlgalladda ay ku dabar-goynayaan kooxda Al Shabaab, isagoo sheegay inuu ku qanacsan yahay isbeddelka iyo dardarta ciidamada xoogga. Isagoo xusay in ciidamada xoogga ay yihiin kuwo geesiyaal ah.

“Waxaan hubaa in askariga Soomaaliyeed uu ka adkeysi badan yahay kuwa caalamka kana dulqaad badan yahay marka dhinac walba loo eego, gaar ahaan marka loo eego duruufaha ay ku shaqeeyaan,” ayuu madaxweynuhu ku yiri khudbadiisa.

Isagoo sii hadlaya ayaa wuxuu yiri: “Ciidamadu waxay ku guuleysteen inay ka xoreeyaan Al-shabaab deegaanno badan oo ay dalka kaga sugnaayeen; tusaale ahaan dhawaan degmada Mahadaay ayay xorreeyeen, kuwaas oo ahaa kuwo kooban.”

Madaxweynaha ayaa kula dardaarmay saraakiisha iyo ciidamada xooggga in ay ilaaliyaan karaamada ummadda Soomaaliyeed, isagoo sheegay in haddii la rabo in aduunka ay qiimo ku yeeshaan ay tahay inay ilaaliyaan xuquuqda aadanaha kuna shaqeeyaan nidaam wanaagsan oo dadka soo jiidan kara.

Sidoo kale, madaxweynaha ayaa khudbadiisa ku sheegay in dib u soo celinta Qarannimaddii Soomaaliya ay ku xiran tahay ciidamada xoogga dalka, lana doonayo inuu qiimo lahaado, taasina waxay ku xiran tahay in shacabka la dhawro lagana ilaaliyo kuwa cadowga ku ah.

“Dowladda waxay go’aan ku gaartay inay muhiimadda koowaad siiso sidii loo dhisi lahaa ciidamada xoogga ayna u heli lahaayeen mushaaraadkooda bil walba. Dhaqaalaha dowladda ayaa waxa ugu horreeya ee laga bixin doono waxay noqon doonaan mushaaraadka ciidamada,” ayuu yiri madaxweynaha.

Ugu dambeynt, saraakiisha ciidamadda xooga ee kulanka ka qaybgalay ayaa madaxweynaha u ballan-qaaday inay kor u qaadi doonaan akhlaaqdooda iyo ilaalinta shacabka Soomaaliyeed, sidoo kale ay ka xoreyn doonaan kooxda Al-shabaab goobaha ay dalka kaga sugan tahay.



Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/7/2013 3:02 PM EST
Isniin, Oktoobar 07, 2013 (HOL) — Wasiirka Arrimaha gudaha Somaliland Cali Maxamed Warancade, ayaa faahfaahin ka bixiyey dilkii laba cisho ka hor ka dhacay magaaladda Hargeysa oo afar dhalinyaro ahi dhagax ku dileen wiil dhalinyaro ah.

10/7/2013 11:59 AM EST
Isniin, Oktoobar 07, 2013 (HOL) — Xildhibaannada labada aqal ee Itoobiya ayaa maanta u doortay madaxweynaha dalkaas, Mulatu Teshome Wirtu oo ahaa wasiirkii hore ee beeraha dalka Itoobiya, kaasoo xilka hayn doona lixda sano ee soo socota.

10/7/2013 10:23 AM EST
Isniin, Oktoobar 07, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa sheegay Axaddii shalay in burburinta Al-shabaab ay la kaashan doonaan dalalka caalamka iyo kuwa dariska la ah Soomaaliya.

10/7/2013 8:12 AM EST
Isniin, Oktoobar 07, 2013 (HOL) — Baarlamaanka Soomaaliya ayaa dib u celiyay maanta hidise sharciyeed ku saabsan horumarinta bangiga dhexe ee Soomaaliya oo ay soo gudbisay wasaaradda maaliyadda Soomaaliya.

10/7/2013 8:06 AM EST
Isniin, Oktoobar 07, 2013 (HOL) — Hoggaamiyaha maamulka KMG ah ee Jubba Sheekh Axmed Max’ed Islaam Axmed Madoobe oo maanta shir jaraa’id ku qabtay madaxtooyada ee Kismaayo ayaa uga warbixiyay arimo badan oo ay kamid yihiin safarro uu kusoo maray dalal kala duwan, shirka la filayo in uu ka dhaco Muqdisho iyo weliba wafdigii ka socday dowladda Soomaaliya ee dhawaan soo gaaray magaalada Kismaayo.

10/7/2013 7:49 AM EST
Isniin, Oktoobar 07, 2013 (HOL) — Shir looga hadlayo shidaal la baarayo Soomaaliya ayaa maanta ka furmay magaalada London ee xarunta Britain waxaana shirkaas ka qaybgalay wasiirka khayraadka dalka, C/risaaq Cumar Maxamed iyo mas’uuliyiin ka socda shirkadaha shidaalka baara iyo shirkad laga leeyahay dalka Britain oo Soomaaliya ka baaraysa shidaalka.

10/7/2013 7:35 AM EST
Isniin, Oktoobar 07, 2013 (HOL) — Booliiska dalka Kenya ayaa maanta soo bandhigay magacyada iyo sawirrada laba nin oo Soomaali ah oo la sheegay inay qayb ka qaataan weerarkii bishii hore lagu qaaday dhismaha ganacsi ee Westgate Mall ee magaalada Nairobi.

10/7/2013 4:15 AM EST
Isniin, Oktoobar 07, 2013 (HOL) — Shir ay AMISOM soo qaban-qaabisay oo laba maalmood ka socday ayaa lagu soo gabgabeeyay gobolka Minnesota ee dalka Mareykanka. Kulankan ayaa waxaa kasoo qayb-galay xubno ka kala yimid Waqooyiga Ameerika kana koobnaa aqoon-yahanno, culumaa’uddiin, haween iyo dhallinyaro.

10/7/2013 4:09 AM EST
Isniin, Oktoobar 07, 2013 (HOL) — Ugu yaraan 50-qof ayaa ku dhintay tiro intaas ka badanna way ku dhinteen kaddib mudaaharaadyo rabshado wata oo shalay oo Axad ahayd ku dhexmaray dalka Masar.

10/7/2013 2:21 AM EST
Isniin, Oktoobar 07, 2013 (HOL) — Maamulka Somaliland ayaa sheegay inay albaabbada isugu dhufteen xafiis lagu bixin jiray baasaboorka Soomaaliga ee E-Passport-ka loo yaqaan, iyagoo sheegay inay maxakamad soo taagayaan shaqsiyaadkii ku lugta lahaa howshan.

10/7/2013 2:10 AM EST
Isniin, Oktoobar 07, 2013 (HOL) — Guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan) oo ka qaybgalay kulan ka dhacay degmada Howlwadaag ayaa ugu baaqay shacabka Muqdisho inay iska dhiciyaan Al-shabaab oo aysan u ogolaan degmooyinkooda.

10/7/2013 2:09 AM EST
Isniin, Oktoobar 07, 2013 (HOL) — Dowladda Mareykanka ayaa shaaciysay magaca sarkaalkii ay ku weerareen xeebta degmada Baraawe ee gobolka Shabeellada Hoose, halkasoo ah saldhigga ugu weyn ururka Al-shabaab ay ku leeyihiin Koonfurta Soomaaliya.