4/13/2021
Today from Hiiraan Online:  _
Wararka Maanta- Isniin, Oct 7 , 2013
Hoggaamiyaha Maamulka KMG ah ee Jubba oo Sheegay Maanta In uusan ka Qayb-geli doonin shirka ka dhici doona Muqdisho



Isniin, Oktoobar 07, 2013 (HOL) — Hoggaamiyaha maamulka KMG ah ee Jubba Sheekh Axmed Max’ed Islaam Axmed Madoobe oo maanta shir jaraa’id ku qabtay madaxtooyada ee Kismaayo ayaa uga warbixiyay arimo badan oo ay kamid yihiin safarro uu kusoo maray dalal kala duwan, shirka la filayo in uu ka dhaco Muqdisho iyo weliba wafdigii ka socday dowladda Soomaaliya ee dhawaan soo gaaray magaalada Kismaayo.

Masuulkan ayaa ugu horeyn sheegay in shirkii Brussels ka dhacay uu ahaa mid guul u ah guud ahaan umadda Soomaaliyeed, isagoona sheegay in shirkaasi kadib uu booqday dalal ay kamid yihiin Denmark iyo Kenya oo uu xusay in uu kula kulmay jaaliyadaha Soomaaliyeed ee ku nool dalalkaasi.

Sh. Axmed Madoobe ayaa ka hadlay aragtidiisa Shirka looga hadlayo arimaha Jubbooyinka ee ay dowladda Soomaaliya iclaamisay in 21-ka bishan uu ka dhici donoo magaalada Muqdisho, wuxuuna sheegay in dowladda Soomaaliya ay ku ballameen in shirka lagu qabto  magaalada Kismaayo, wuxuuna sheegay in uusan ka qeybgali doonin shirkaasi taa badalkeedana uu shirk aka dhici doono Kismaayo.

Hoggaamiyaha maamulka Jubba Sheekh Axmed Madoobe ayaa eedeyn dusha uga tuuray wafdigii uu hogaaminayay abaanduulaha ciidamada xoogga dalka ee dhawaan yimid Kismaayo, wuxuuna sidoo kale sheegay in ujeedada wafdigaasi ay ahayd sidii ay usoo xareyn lahaayeen ciidamada uu hogaamiyo Col Barre Aadan Shire (Hiiraale) ee ku sugan duleedka Kismaayo.

“Waan soo dhaweyneynaa, ama ciidanka Barre ha ahaado ama Al-shabaab cid walba oo isa soo dhiibeeysa waan soo dhaweyneynaa,” ayuu hadalkiisii raaciyay.

Gabagabadii Sheekh Axmed Madoobe ayaa sheegay in dhawaan uu soo dhameystiri doono qeybaha ka harsan maamulkiisa isagoo intaa ku daray in ay soconayaan la tashiyo iyo shirar ku aadan arimahaasi.

Xasan Nuur, Hiiraan Onlin
[email protected]
Kismaayo, Soomaaliya












Click here
10/7/2013 3:02 PM EST
Isniin, Oktoobar 07, 2013 (HOL) — Wasiirka Arrimaha gudaha Somaliland Cali Maxamed Warancade, ayaa faahfaahin ka bixiyey dilkii laba cisho ka hor ka dhacay magaaladda Hargeysa oo afar dhalinyaro ahi dhagax ku dileen wiil dhalinyaro ah.

10/7/2013 11:59 AM EST
Isniin, Oktoobar 07, 2013 (HOL) — Xildhibaannada labada aqal ee Itoobiya ayaa maanta u doortay madaxweynaha dalkaas, Mulatu Teshome Wirtu oo ahaa wasiirkii hore ee beeraha dalka Itoobiya, kaasoo xilka hayn doona lixda sano ee soo socota.

10/7/2013 10:23 AM EST
Isniin, Oktoobar 07, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa sheegay Axaddii shalay in burburinta Al-shabaab ay la kaashan doonaan dalalka caalamka iyo kuwa dariska la ah Soomaaliya.

10/7/2013 9:41 AM EST
Isniin, Oktoobar 07, 2013 (HOL) — Madaxweynaha Somalia, Xasan Sheekh Maxamuud oo maanta kulan kula yeeshay xarunta madaxtooyada sarakiisha ciidamadda xoogga dalka ayaa amaanay sida ay ciidamadu u shaqeeyaan.

10/7/2013 8:12 AM EST
Isniin, Oktoobar 07, 2013 (HOL) — Baarlamaanka Soomaaliya ayaa dib u celiyay maanta hidise sharciyeed ku saabsan horumarinta bangiga dhexe ee Soomaaliya oo ay soo gudbisay wasaaradda maaliyadda Soomaaliya.

10/7/2013 7:49 AM EST
Isniin, Oktoobar 07, 2013 (HOL) — Shir looga hadlayo shidaal la baarayo Soomaaliya ayaa maanta ka furmay magaalada London ee xarunta Britain waxaana shirkaas ka qaybgalay wasiirka khayraadka dalka, C/risaaq Cumar Maxamed iyo mas’uuliyiin ka socda shirkadaha shidaalka baara iyo shirkad laga leeyahay dalka Britain oo Soomaaliya ka baaraysa shidaalka.

10/7/2013 7:35 AM EST
Isniin, Oktoobar 07, 2013 (HOL) — Booliiska dalka Kenya ayaa maanta soo bandhigay magacyada iyo sawirrada laba nin oo Soomaali ah oo la sheegay inay qayb ka qaataan weerarkii bishii hore lagu qaaday dhismaha ganacsi ee Westgate Mall ee magaalada Nairobi.

10/7/2013 4:15 AM EST
Isniin, Oktoobar 07, 2013 (HOL) — Shir ay AMISOM soo qaban-qaabisay oo laba maalmood ka socday ayaa lagu soo gabgabeeyay gobolka Minnesota ee dalka Mareykanka. Kulankan ayaa waxaa kasoo qayb-galay xubno ka kala yimid Waqooyiga Ameerika kana koobnaa aqoon-yahanno, culumaa’uddiin, haween iyo dhallinyaro.

10/7/2013 4:09 AM EST
Isniin, Oktoobar 07, 2013 (HOL) — Ugu yaraan 50-qof ayaa ku dhintay tiro intaas ka badanna way ku dhinteen kaddib mudaaharaadyo rabshado wata oo shalay oo Axad ahayd ku dhexmaray dalka Masar.

10/7/2013 2:21 AM EST
Isniin, Oktoobar 07, 2013 (HOL) — Maamulka Somaliland ayaa sheegay inay albaabbada isugu dhufteen xafiis lagu bixin jiray baasaboorka Soomaaliga ee E-Passport-ka loo yaqaan, iyagoo sheegay inay maxakamad soo taagayaan shaqsiyaadkii ku lugta lahaa howshan.

10/7/2013 2:10 AM EST
Isniin, Oktoobar 07, 2013 (HOL) — Guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan) oo ka qaybgalay kulan ka dhacay degmada Howlwadaag ayaa ugu baaqay shacabka Muqdisho inay iska dhiciyaan Al-shabaab oo aysan u ogolaan degmooyinkooda.

10/7/2013 2:09 AM EST
Isniin, Oktoobar 07, 2013 (HOL) — Dowladda Mareykanka ayaa shaaciysay magaca sarkaalkii ay ku weerareen xeebta degmada Baraawe ee gobolka Shabeellada Hoose, halkasoo ah saldhigga ugu weyn ururka Al-shabaab ay ku leeyihiin Koonfurta Soomaaliya.