4/16/2021
Today from Hiiraan Online:  _
Wararka Maanta- Isniin, Oct 7 , 2013
Shirkii AMISOM iyo Jaaliyadda Soomaaliyeed ee Ameerika uga socday Gobolka Minnesota oo lasoo Gabagabeeyay (SAWIRRO)



Isniin, Oktoobar 07, 2013 (HOL) — Shir ay AMISOM soo qaban-qaabisay oo laba maalmood ka socday ayaa lagu soo gabgabeeyay gobolka Minnesota ee dalka Mareykanka. Kulankan ayaa waxaa kasoo qayb-galay xubno ka kala yimid Waqooyiga Ameerika kana koobnaa aqoon-yahanno, culumaa’uddiin, haween iyo dhallinyaro.

Ujeeddada shirkan ayaa ahayd in la helo fikir lagu horumarinayo Soomaaliya guud ahaan iyo AMISOM oo warbixin ka siiso qurba-joogta Soomaaliyeed howlgalada ay ka wadaan gudaha dalka Soomaaliya.

Qodobbada halkaan lagu falanqaynayay ayaa waxaa ka mid ahaa: (a) Dib u heshiinsiinta, (b) Dhismaha hayadaha dowladda , (c) Shaqo la’aan dalka gaar ahaan haweenka iyo dhallinyarada

Dood dheer kaddib, waxaa kasoo baxay shirka qodobbo ay ka mid yihiin:

Dhanka dib u heshiinsiinta:  In jaaliyadaha dibadda ay taageeraan dib u heshiinsiinta ay waddo dowladda Soomaaliya, In dowladda ay maxkamad soo taagto cid walba oo diidan nabadda, In warbaahinta Soomaaliya lagu dhiiri-galiyo in qayb ka qaataan dib u heshiinsiinta iyo in ciidmada AMISOM  ay ku baahaan gobollada Soomaaliya si dadka ku nool gobollada Soomaaliya ay u helaan fursad ay uga wada-hadlaan dib u heshiisiinta.

Dhanka Shaqo la’aanta dumarka iyo dhallinyarda: In dowladda Somalia ay dajiso qorshe shaqooyin loogu abuurayo dumarka iyo dhallinyarada, In iyadoo lala kaashanayo qorbo-joogta Soomaaliyeed la dhiso xarumo lagu barto farsamada; taaso abuuri karta shaqooyin wax tar leh, In dowladda ay ku dhiiri-galiso, fududeyso qorista ciidanka gaar ahaan dumarka iyo In dowladda iyo AMISOM oo kaashanaya jaaliyadaha Soomaaliyeed ay shaqo u abuuraan dhallinyarada kasoo goosanyo Al-shabaab.

Dhanka dhismaha hay’adaha dowladda: Dowladda Soomaaliya waa inay xoojisaa hay’adaha shaqo-qorista iyadoo shaqooyinka lagu heli karo si caddaalad ah oo ka madax-bannaan musuqmaasuq, Inay abuurto hay’adda madax-bannaan oo la dagaalanta musuqmaasuqa ayna xoojiso hay’addaha dhaqaalaha.

DAAWO SAWIRRADA SHIRKA:

Si loo hubiyo hirgalinta qodobbada laga soo saar shirka waxaa la isku raacay in la sameeyo guddi dabagal ku sameeyo qodobbadaas. Waxaa sidoo kale la isku raacay in sannadkiiba mar la qabto shir ay qurba joogta Soomaaliyeed ku kulmaan laguna qabto meelo kala duwan sida Yurub, Waqooyiga Amerika iyo Australia.

Kasoo qayb-galayaashii shirka ayaa waxay kaga mahad-celinyeen ururka Midowga Afrika qaybta libaax leh ay ka qaadanayaan nabadeynta dalka Soomaaliya.

Ugu dabeyn, waxaa halkaas khudbad ka jeediyay ergyga Midowga Afrika ee arrimaha Soomaaliya, Maxamed Saalax Anaadiif  isagoo u mahad-celiyay jaaliyadaha Soomaaliyeed ee ku nool Waqooyiga Ameerika.

HALKAN KA AKHRISO QODOBBADA SHIRKA OO ENGLISH AH

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/7/2013 3:02 PM EST
Isniin, Oktoobar 07, 2013 (HOL) — Wasiirka Arrimaha gudaha Somaliland Cali Maxamed Warancade, ayaa faahfaahin ka bixiyey dilkii laba cisho ka hor ka dhacay magaaladda Hargeysa oo afar dhalinyaro ahi dhagax ku dileen wiil dhalinyaro ah.

10/7/2013 11:59 AM EST
Isniin, Oktoobar 07, 2013 (HOL) — Xildhibaannada labada aqal ee Itoobiya ayaa maanta u doortay madaxweynaha dalkaas, Mulatu Teshome Wirtu oo ahaa wasiirkii hore ee beeraha dalka Itoobiya, kaasoo xilka hayn doona lixda sano ee soo socota.

10/7/2013 10:23 AM EST
Isniin, Oktoobar 07, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa sheegay Axaddii shalay in burburinta Al-shabaab ay la kaashan doonaan dalalka caalamka iyo kuwa dariska la ah Soomaaliya.

10/7/2013 9:41 AM EST
Isniin, Oktoobar 07, 2013 (HOL) — Madaxweynaha Somalia, Xasan Sheekh Maxamuud oo maanta kulan kula yeeshay xarunta madaxtooyada sarakiisha ciidamadda xoogga dalka ayaa amaanay sida ay ciidamadu u shaqeeyaan.

10/7/2013 8:12 AM EST
Isniin, Oktoobar 07, 2013 (HOL) — Baarlamaanka Soomaaliya ayaa dib u celiyay maanta hidise sharciyeed ku saabsan horumarinta bangiga dhexe ee Soomaaliya oo ay soo gudbisay wasaaradda maaliyadda Soomaaliya.

10/7/2013 8:06 AM EST
Isniin, Oktoobar 07, 2013 (HOL) — Hoggaamiyaha maamulka KMG ah ee Jubba Sheekh Axmed Max’ed Islaam Axmed Madoobe oo maanta shir jaraa’id ku qabtay madaxtooyada ee Kismaayo ayaa uga warbixiyay arimo badan oo ay kamid yihiin safarro uu kusoo maray dalal kala duwan, shirka la filayo in uu ka dhaco Muqdisho iyo weliba wafdigii ka socday dowladda Soomaaliya ee dhawaan soo gaaray magaalada Kismaayo.

10/7/2013 7:49 AM EST
Isniin, Oktoobar 07, 2013 (HOL) — Shir looga hadlayo shidaal la baarayo Soomaaliya ayaa maanta ka furmay magaalada London ee xarunta Britain waxaana shirkaas ka qaybgalay wasiirka khayraadka dalka, C/risaaq Cumar Maxamed iyo mas’uuliyiin ka socda shirkadaha shidaalka baara iyo shirkad laga leeyahay dalka Britain oo Soomaaliya ka baaraysa shidaalka.

10/7/2013 7:35 AM EST
Isniin, Oktoobar 07, 2013 (HOL) — Booliiska dalka Kenya ayaa maanta soo bandhigay magacyada iyo sawirrada laba nin oo Soomaali ah oo la sheegay inay qayb ka qaataan weerarkii bishii hore lagu qaaday dhismaha ganacsi ee Westgate Mall ee magaalada Nairobi.

10/7/2013 4:09 AM EST
Isniin, Oktoobar 07, 2013 (HOL) — Ugu yaraan 50-qof ayaa ku dhintay tiro intaas ka badanna way ku dhinteen kaddib mudaaharaadyo rabshado wata oo shalay oo Axad ahayd ku dhexmaray dalka Masar.

10/7/2013 2:21 AM EST
Isniin, Oktoobar 07, 2013 (HOL) — Maamulka Somaliland ayaa sheegay inay albaabbada isugu dhufteen xafiis lagu bixin jiray baasaboorka Soomaaliga ee E-Passport-ka loo yaqaan, iyagoo sheegay inay maxakamad soo taagayaan shaqsiyaadkii ku lugta lahaa howshan.

10/7/2013 2:10 AM EST
Isniin, Oktoobar 07, 2013 (HOL) — Guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan) oo ka qaybgalay kulan ka dhacay degmada Howlwadaag ayaa ugu baaqay shacabka Muqdisho inay iska dhiciyaan Al-shabaab oo aysan u ogolaan degmooyinkooda.

10/7/2013 2:09 AM EST
Isniin, Oktoobar 07, 2013 (HOL) — Dowladda Mareykanka ayaa shaaciysay magaca sarkaalkii ay ku weerareen xeebta degmada Baraawe ee gobolka Shabeellada Hoose, halkasoo ah saldhigga ugu weyn ururka Al-shabaab ay ku leeyihiin Koonfurta Soomaaliya.