5/14/2021
Today from Hiiraan Online:  _
Wararka Maanta- Isniin, Oct 7 , 2013
Rabshado dhexmaray Ciidanka Amniga Masar iyo Taageerayaasha Mursi oo ka dhacay Masar iyo 50-qof oo ku dhintay (SAWIRRO)



Isniin, Oktoobar 07, 2013 (HOL) — Ugu yaraan 50-qof ayaa ku dhintay tiro intaas ka badanna way ku dhinteen kaddib mudaaharaadyo rabshado wata oo shalay oo Axad ahayd ku dhexmaray dalka Masar.

Rabshadahan oo u dhexeeyay ciidamada dalka Masar iyo taageerayaashii madaxweynihii hore ee dalka Masar, Maxamed Mursi waxaana dadka ku waayay naftooda intooda badan ay ku dhinteen rasaas ay ciidamada amnigu fureen.

In ka badan 200 oo qof oo ka tirsan taageerayaasha Mursi ayaa lagu xiray magaalada Qaahir ee xarunta dalka Masar, halkaasoo lasoo warinayo inay ku dhinteen dadka ugu badan ee rabshadihii shalay ku dhintay.

Taageerayaasha Mursi ayaa waxay isaga horyimaadeen dhowr magaalo oo ka tirsan dalka Masar ciidamada dalkaas, kuwaasoo ka qaygalayay xus loo sameynayay sannadguuradii 40-aad ee kasoo wareegtay dagaalkii Carabta iyo Israa’iil oo dhacay sannadkii 1973-kii.

Boqolaal kun oo taageerayaasha Mursi ka mid ah ayaa ku ururay fagaaraha Taxriir ee magaalada Qaahira oo ka mid ahayd goobihii ay ka dhaceen isku-dhacyada u dhexeeyay ciidamada amniga Masar iyo taageerayaashan.

Ciidamada ammaanka dalka Masar ayaa isticmaalayay gaaska dadka ilmada ka keena iyo rasaas nool si ay u kala eryaan taageerayaasha madaxweynihii hore ee dalka Masar, waxaana halkaas ka dhacay ka dhacay dagaallo rasaas loo adeegsaday.

Wasaaradda caafimaadka Masar ayaa sheegtay in 30-qof ay dhinteen tiro ka badan boqol qof oo kalena ay ku dhaawacmeen rabashadihii xarunta dalkaas ee Qaahira ka dhacay, waxaana dadka dhintay ku jiray ciidammo ka tirsan kuwa amniga.

Ra’iisul wasaaraha dalka Masar, Hazim Al-Bedewi oo ka hadlayay telefishinka Qaranka Masar ayaa sheegay in dalku uu ku jiro xaalad khatar ah, isagoo ka dalbaday shacabka Masar inay is-dajiyaan ayna ka shaqeeyaan mustaqbalka dalkooda.

Magaalooyinka, Suweys iyo Ismaaciiliya ayaa ka mid ah magaalooyinka ay ka dhaceen rabshadaha iyo isku dhacyada u dhexeeya ciidamada amniga iyo taageerayaasha madaxweynihii xukunka laga tuuray ee dalka Masar.

Madaxweynihii hore ee dalka Masar, Max’ed Mursi ayaa bishii July xukunka laga tuuray kaddib 13 bilood oo uu xukunka hayay, kaddib markiii ay ku eedeeyeen milateriga dalkaas inuu ku kacay falal jaajuusnimo ah.

Dalka Masar ayaa wuxuu cagaha la galay dhibaatooyin kala duwan, kaddib markii xukunka laga tuuray Mursi oo ku jira xabsi ku yaalla Qaahira, balse ma jirto maxkamad weli ka horkeenay.







Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/7/2013 3:02 PM EST
Isniin, Oktoobar 07, 2013 (HOL) — Wasiirka Arrimaha gudaha Somaliland Cali Maxamed Warancade, ayaa faahfaahin ka bixiyey dilkii laba cisho ka hor ka dhacay magaaladda Hargeysa oo afar dhalinyaro ahi dhagax ku dileen wiil dhalinyaro ah.

10/7/2013 11:59 AM EST
Isniin, Oktoobar 07, 2013 (HOL) — Xildhibaannada labada aqal ee Itoobiya ayaa maanta u doortay madaxweynaha dalkaas, Mulatu Teshome Wirtu oo ahaa wasiirkii hore ee beeraha dalka Itoobiya, kaasoo xilka hayn doona lixda sano ee soo socota.

10/7/2013 10:23 AM EST
Isniin, Oktoobar 07, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa sheegay Axaddii shalay in burburinta Al-shabaab ay la kaashan doonaan dalalka caalamka iyo kuwa dariska la ah Soomaaliya.

10/7/2013 9:41 AM EST
Isniin, Oktoobar 07, 2013 (HOL) — Madaxweynaha Somalia, Xasan Sheekh Maxamuud oo maanta kulan kula yeeshay xarunta madaxtooyada sarakiisha ciidamadda xoogga dalka ayaa amaanay sida ay ciidamadu u shaqeeyaan.

10/7/2013 8:12 AM EST
Isniin, Oktoobar 07, 2013 (HOL) — Baarlamaanka Soomaaliya ayaa dib u celiyay maanta hidise sharciyeed ku saabsan horumarinta bangiga dhexe ee Soomaaliya oo ay soo gudbisay wasaaradda maaliyadda Soomaaliya.

10/7/2013 8:06 AM EST
Isniin, Oktoobar 07, 2013 (HOL) — Hoggaamiyaha maamulka KMG ah ee Jubba Sheekh Axmed Max’ed Islaam Axmed Madoobe oo maanta shir jaraa’id ku qabtay madaxtooyada ee Kismaayo ayaa uga warbixiyay arimo badan oo ay kamid yihiin safarro uu kusoo maray dalal kala duwan, shirka la filayo in uu ka dhaco Muqdisho iyo weliba wafdigii ka socday dowladda Soomaaliya ee dhawaan soo gaaray magaalada Kismaayo.

10/7/2013 7:49 AM EST
Isniin, Oktoobar 07, 2013 (HOL) — Shir looga hadlayo shidaal la baarayo Soomaaliya ayaa maanta ka furmay magaalada London ee xarunta Britain waxaana shirkaas ka qaybgalay wasiirka khayraadka dalka, C/risaaq Cumar Maxamed iyo mas’uuliyiin ka socda shirkadaha shidaalka baara iyo shirkad laga leeyahay dalka Britain oo Soomaaliya ka baaraysa shidaalka.

10/7/2013 7:35 AM EST
Isniin, Oktoobar 07, 2013 (HOL) — Booliiska dalka Kenya ayaa maanta soo bandhigay magacyada iyo sawirrada laba nin oo Soomaali ah oo la sheegay inay qayb ka qaataan weerarkii bishii hore lagu qaaday dhismaha ganacsi ee Westgate Mall ee magaalada Nairobi.

10/7/2013 4:15 AM EST
Isniin, Oktoobar 07, 2013 (HOL) — Shir ay AMISOM soo qaban-qaabisay oo laba maalmood ka socday ayaa lagu soo gabgabeeyay gobolka Minnesota ee dalka Mareykanka. Kulankan ayaa waxaa kasoo qayb-galay xubno ka kala yimid Waqooyiga Ameerika kana koobnaa aqoon-yahanno, culumaa’uddiin, haween iyo dhallinyaro.

10/7/2013 2:21 AM EST
Isniin, Oktoobar 07, 2013 (HOL) — Maamulka Somaliland ayaa sheegay inay albaabbada isugu dhufteen xafiis lagu bixin jiray baasaboorka Soomaaliga ee E-Passport-ka loo yaqaan, iyagoo sheegay inay maxakamad soo taagayaan shaqsiyaadkii ku lugta lahaa howshan.

10/7/2013 2:10 AM EST
Isniin, Oktoobar 07, 2013 (HOL) — Guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan) oo ka qaybgalay kulan ka dhacay degmada Howlwadaag ayaa ugu baaqay shacabka Muqdisho inay iska dhiciyaan Al-shabaab oo aysan u ogolaan degmooyinkooda.

10/7/2013 2:09 AM EST
Isniin, Oktoobar 07, 2013 (HOL) — Dowladda Mareykanka ayaa shaaciysay magaca sarkaalkii ay ku weerareen xeebta degmada Baraawe ee gobolka Shabeellada Hoose, halkasoo ah saldhigga ugu weyn ururka Al-shabaab ay ku leeyihiin Koonfurta Soomaaliya.