5/14/2021
Today from Hiiraan Online:  _
Wararka Maanta- Isniin, Oct 7 , 2013
Somaliland oo Albaabbada isugu dhuftay Xafiis lagu bixin jiray Baasaboorka Soomaaliga oo ku yaallay Magaalada Hargeysa


Isniin, Oktoobar 07, 2013 (HOL) — Maamulka Somaliland ayaa sheegay inay albaabbada isugu dhufteen xafiis lagu bixin jiray baasaboorka Soomaaliga ee E-Passport-ka loo yaqaan, iyagoo sheegay inay maxakamad soo taagayaan shaqsiyaadkii ku lugta lahaa howshan.

Wasiirka arrimaha gudaha Somaliland, Cali Maxamed Waran-cadde oo hadal siiyay BBC-da ayaa sheegay inay baaritaan dheer kaddib soo qabtaan xubno magaalada Hargeysa ku lahaa xafiis lagu bixin jiray baasaboorka Soomaaliga haatanna ay gacanta ku hayaan.

“Baaritaan ay hay’adaha ammaanku sameeyeen waxay kusoo qabteen koox baasaboorka Soomaaliga ee E-passport-ka ka bixin jiray Hargeysa, kuwaas oo u diri jiray macluumaadka goobo kale, dabadeedna baasaboorka looga keeni jiray, xafiiskiinna waanu xirnay,” ayuu yiri Waran-cadde .

Sidoo kale, wasiirka oo sii hadlayay ayaa sheegay in shaqsiyaadkan ay soo taagi doonaan maxkamad, wuxuuna howsha ay hayeen ku sheegay mid aan laga ogoleyn Somaliland oo sharci-darro ahayd.

“Baasaboorkii hore ee Soomaaliga ayaa Somaliland laga isticmaalaa kaasoo lagu tago meel walba oo la doono, isagoo xusay inay dhawaan sameynayaan baasaboor cusub oo E-passport ah,” ayuu yiri wasiirka arrimaha gudaha ee Somaliland.

Tallaabadan ayaa noqonaysa tii ugu horreysay oo Somaliland ay ka qaadato baasaboorka cusub ee Soomaaliga, iyadoo xariga xafiiskanna ay imaanayso iyadoo muddo sannad ka badan la sheegayay in Hargeysa laga hirgeliyay xafiis laga qaato baasaboorka cuusb ee Soomaaliya.

Dhanka kale, tallaabadan ayaa waxay kusoo beegmaysaa iyadoo ay socdaan wadahadallo ay iskaashi ku sameysanayaan Somaliland iyo Somalia, lamana oga saameynta ay arrintan ku yeelan karto wadahadalkaas.

Somaliland ayaa 22-sano ka hor ku dhawaaqday inay Soomaaliya inteeda kale ka go’day, inkastoo maamulkan uusan helin wax aqoonsi ah, haddana waxay mas’uuliyiintiisu sheegeen inay dadaal ugu jiraan sidii ay aqoonsi uga heli lahaayeen calaamka.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/7/2013 3:02 PM EST
Isniin, Oktoobar 07, 2013 (HOL) — Wasiirka Arrimaha gudaha Somaliland Cali Maxamed Warancade, ayaa faahfaahin ka bixiyey dilkii laba cisho ka hor ka dhacay magaaladda Hargeysa oo afar dhalinyaro ahi dhagax ku dileen wiil dhalinyaro ah.

10/7/2013 11:59 AM EST
Isniin, Oktoobar 07, 2013 (HOL) — Xildhibaannada labada aqal ee Itoobiya ayaa maanta u doortay madaxweynaha dalkaas, Mulatu Teshome Wirtu oo ahaa wasiirkii hore ee beeraha dalka Itoobiya, kaasoo xilka hayn doona lixda sano ee soo socota.

10/7/2013 10:23 AM EST
Isniin, Oktoobar 07, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa sheegay Axaddii shalay in burburinta Al-shabaab ay la kaashan doonaan dalalka caalamka iyo kuwa dariska la ah Soomaaliya.

10/7/2013 9:41 AM EST
Isniin, Oktoobar 07, 2013 (HOL) — Madaxweynaha Somalia, Xasan Sheekh Maxamuud oo maanta kulan kula yeeshay xarunta madaxtooyada sarakiisha ciidamadda xoogga dalka ayaa amaanay sida ay ciidamadu u shaqeeyaan.

10/7/2013 8:12 AM EST
Isniin, Oktoobar 07, 2013 (HOL) — Baarlamaanka Soomaaliya ayaa dib u celiyay maanta hidise sharciyeed ku saabsan horumarinta bangiga dhexe ee Soomaaliya oo ay soo gudbisay wasaaradda maaliyadda Soomaaliya.

10/7/2013 8:06 AM EST
Isniin, Oktoobar 07, 2013 (HOL) — Hoggaamiyaha maamulka KMG ah ee Jubba Sheekh Axmed Max’ed Islaam Axmed Madoobe oo maanta shir jaraa’id ku qabtay madaxtooyada ee Kismaayo ayaa uga warbixiyay arimo badan oo ay kamid yihiin safarro uu kusoo maray dalal kala duwan, shirka la filayo in uu ka dhaco Muqdisho iyo weliba wafdigii ka socday dowladda Soomaaliya ee dhawaan soo gaaray magaalada Kismaayo.

10/7/2013 7:49 AM EST
Isniin, Oktoobar 07, 2013 (HOL) — Shir looga hadlayo shidaal la baarayo Soomaaliya ayaa maanta ka furmay magaalada London ee xarunta Britain waxaana shirkaas ka qaybgalay wasiirka khayraadka dalka, C/risaaq Cumar Maxamed iyo mas’uuliyiin ka socda shirkadaha shidaalka baara iyo shirkad laga leeyahay dalka Britain oo Soomaaliya ka baaraysa shidaalka.

10/7/2013 7:35 AM EST
Isniin, Oktoobar 07, 2013 (HOL) — Booliiska dalka Kenya ayaa maanta soo bandhigay magacyada iyo sawirrada laba nin oo Soomaali ah oo la sheegay inay qayb ka qaataan weerarkii bishii hore lagu qaaday dhismaha ganacsi ee Westgate Mall ee magaalada Nairobi.

10/7/2013 4:15 AM EST
Isniin, Oktoobar 07, 2013 (HOL) — Shir ay AMISOM soo qaban-qaabisay oo laba maalmood ka socday ayaa lagu soo gabgabeeyay gobolka Minnesota ee dalka Mareykanka. Kulankan ayaa waxaa kasoo qayb-galay xubno ka kala yimid Waqooyiga Ameerika kana koobnaa aqoon-yahanno, culumaa’uddiin, haween iyo dhallinyaro.

10/7/2013 4:09 AM EST
Isniin, Oktoobar 07, 2013 (HOL) — Ugu yaraan 50-qof ayaa ku dhintay tiro intaas ka badanna way ku dhinteen kaddib mudaaharaadyo rabshado wata oo shalay oo Axad ahayd ku dhexmaray dalka Masar.

10/7/2013 2:10 AM EST
Isniin, Oktoobar 07, 2013 (HOL) — Guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan) oo ka qaybgalay kulan ka dhacay degmada Howlwadaag ayaa ugu baaqay shacabka Muqdisho inay iska dhiciyaan Al-shabaab oo aysan u ogolaan degmooyinkooda.

10/7/2013 2:09 AM EST
Isniin, Oktoobar 07, 2013 (HOL) — Dowladda Mareykanka ayaa shaaciysay magaca sarkaalkii ay ku weerareen xeebta degmada Baraawe ee gobolka Shabeellada Hoose, halkasoo ah saldhigga ugu weyn ururka Al-shabaab ay ku leeyihiin Koonfurta Soomaaliya.