4/13/2021
Today from Hiiraan Online:  _
Wararka Maanta- Isniin, Oct 7 , 2013
DUQA MUQDISHO: “Shacabka Muqdisho waa inay Al-shabaab iska dhiciyaan oo aysan u ogolaan degmooyinkooda”


Isniin, Oktoobar 07, 2013 (HOL) — Guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan) oo ka qaybgalay kulan ka dhacay degmada Howlwadaag ayaa ugu baaqay shacabka Muqdisho inay iska dhiciyaan Al-shabaab oo aysan u ogolaan degmooyinkooda.

Duqa Muqdisho ayaa sheegay in degmooyinka Muqdisho qaarkood laga soo dhaweeyo Al-shabaab lagana jecel yahay, dadkoodana loo gystay dilal ay fuliyaan kooxo bastooladley ah, isagoo sheegay in Al-shabaab ay dhibaato u geysato cidda soo dhaweysa.

“Waxaa jira degmooyin ku yaalla gobolka Banaadir oo laga soo dhaweeyo Al-shabaab lagana jecel yahay, waxaana degmooyinkaas dadkeeda qaarkood loo geystaa dilal qorsheysan oo ay geystaan rag bastoolado wata,” ayuu ka sheegay Tarsan kulankii uu xalay ka qaybgalay.

Sidoo kale, duqa Muqdisho ayaa sheegay in degmada Howlwadaag ay ka mid tahay degmooyinka aan laga ogoleyn inay Al-shabaab soo gasho, isagoo ku boorriyay shacabka ku nool degmooyinka kale ee Muqdisho inay go’aankaas oo kale qaataan.

“Al-shabaab haddaad soo dhaweysataan dhibaatada ugu badan idin ayay idiin geysan doonaa, marka shacabka waxaa wanaagsan inay fikiraan oo ay ka fogaadaan inay Al-shabaab soo dhaweystaan,” ayuu hadalkiisa ku daray.

Mudane Tarsan ayaan sheegin degmooyinka laga soo dhaweeyo Al-shabaab magacyadooda, balse wuxuu shacabka ku nool 16-ka degmo ee gobolka uu ugu baaqay inay ka fogaadaan inay gabbaad siiyaan Al-shabaab oo uu ku sheegay koox doonaysa inay dhibaato u geysato shacabka Muqdisho.

Ugu dambeyn, guddoomiyaha gobolka Banaadir ahna duqa Muqdisho wuxuu sheegay in degmada Howlwadaag ay dhawaan jidadka xaafadaheeda mara gelin doonaan ballayaasha ku shaqeeya cad-ceedda, isagoo sheegay inay ku mutaysatay dadaalka badan ee ay sameysay.

Maalin ka hor ayay ahayd markii ballayaal kuwa cad-ceedda ku shaqeeya ah lagu qarxiyay degmada Wardhiigley ee gobolka Banaadir, waxaana labadan baalle ee la qarxiyay lagu arkayay jidka wadnaha ee magaalada Muqdsiho.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/7/2013 3:02 PM EST
Isniin, Oktoobar 07, 2013 (HOL) — Wasiirka Arrimaha gudaha Somaliland Cali Maxamed Warancade, ayaa faahfaahin ka bixiyey dilkii laba cisho ka hor ka dhacay magaaladda Hargeysa oo afar dhalinyaro ahi dhagax ku dileen wiil dhalinyaro ah.

10/7/2013 11:59 AM EST
Isniin, Oktoobar 07, 2013 (HOL) — Xildhibaannada labada aqal ee Itoobiya ayaa maanta u doortay madaxweynaha dalkaas, Mulatu Teshome Wirtu oo ahaa wasiirkii hore ee beeraha dalka Itoobiya, kaasoo xilka hayn doona lixda sano ee soo socota.

10/7/2013 10:23 AM EST
Isniin, Oktoobar 07, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa sheegay Axaddii shalay in burburinta Al-shabaab ay la kaashan doonaan dalalka caalamka iyo kuwa dariska la ah Soomaaliya.

10/7/2013 9:41 AM EST
Isniin, Oktoobar 07, 2013 (HOL) — Madaxweynaha Somalia, Xasan Sheekh Maxamuud oo maanta kulan kula yeeshay xarunta madaxtooyada sarakiisha ciidamadda xoogga dalka ayaa amaanay sida ay ciidamadu u shaqeeyaan.

10/7/2013 8:12 AM EST
Isniin, Oktoobar 07, 2013 (HOL) — Baarlamaanka Soomaaliya ayaa dib u celiyay maanta hidise sharciyeed ku saabsan horumarinta bangiga dhexe ee Soomaaliya oo ay soo gudbisay wasaaradda maaliyadda Soomaaliya.

10/7/2013 8:06 AM EST
Isniin, Oktoobar 07, 2013 (HOL) — Hoggaamiyaha maamulka KMG ah ee Jubba Sheekh Axmed Max’ed Islaam Axmed Madoobe oo maanta shir jaraa’id ku qabtay madaxtooyada ee Kismaayo ayaa uga warbixiyay arimo badan oo ay kamid yihiin safarro uu kusoo maray dalal kala duwan, shirka la filayo in uu ka dhaco Muqdisho iyo weliba wafdigii ka socday dowladda Soomaaliya ee dhawaan soo gaaray magaalada Kismaayo.

10/7/2013 7:49 AM EST
Isniin, Oktoobar 07, 2013 (HOL) — Shir looga hadlayo shidaal la baarayo Soomaaliya ayaa maanta ka furmay magaalada London ee xarunta Britain waxaana shirkaas ka qaybgalay wasiirka khayraadka dalka, C/risaaq Cumar Maxamed iyo mas’uuliyiin ka socda shirkadaha shidaalka baara iyo shirkad laga leeyahay dalka Britain oo Soomaaliya ka baaraysa shidaalka.

10/7/2013 7:35 AM EST
Isniin, Oktoobar 07, 2013 (HOL) — Booliiska dalka Kenya ayaa maanta soo bandhigay magacyada iyo sawirrada laba nin oo Soomaali ah oo la sheegay inay qayb ka qaataan weerarkii bishii hore lagu qaaday dhismaha ganacsi ee Westgate Mall ee magaalada Nairobi.

10/7/2013 4:15 AM EST
Isniin, Oktoobar 07, 2013 (HOL) — Shir ay AMISOM soo qaban-qaabisay oo laba maalmood ka socday ayaa lagu soo gabgabeeyay gobolka Minnesota ee dalka Mareykanka. Kulankan ayaa waxaa kasoo qayb-galay xubno ka kala yimid Waqooyiga Ameerika kana koobnaa aqoon-yahanno, culumaa’uddiin, haween iyo dhallinyaro.

10/7/2013 4:09 AM EST
Isniin, Oktoobar 07, 2013 (HOL) — Ugu yaraan 50-qof ayaa ku dhintay tiro intaas ka badanna way ku dhinteen kaddib mudaaharaadyo rabshado wata oo shalay oo Axad ahayd ku dhexmaray dalka Masar.

10/7/2013 2:21 AM EST
Isniin, Oktoobar 07, 2013 (HOL) — Maamulka Somaliland ayaa sheegay inay albaabbada isugu dhufteen xafiis lagu bixin jiray baasaboorka Soomaaliga ee E-Passport-ka loo yaqaan, iyagoo sheegay inay maxakamad soo taagayaan shaqsiyaadkii ku lugta lahaa howshan.

10/7/2013 2:09 AM EST
Isniin, Oktoobar 07, 2013 (HOL) — Dowladda Mareykanka ayaa shaaciysay magaca sarkaalkii ay ku weerareen xeebta degmada Baraawe ee gobolka Shabeellada Hoose, halkasoo ah saldhigga ugu weyn ururka Al-shabaab ay ku leeyihiin Koonfurta Soomaaliya.