4/13/2021
Today from Hiiraan Online:  _
Wararka Maanta- Axad, Oct 6 , 2013
Wasaaradda Horumarinta Adeegga Bulshada iyo UNFPA oo Siminnaar u soo Gaba-gabeeyay dhallinyaro Soomaaliyeed (SAWIRRO)



Axad, Oktoobar 06, 2013 (HOL) — Waaxda haweenka iyo arrimaha bulshada  ee wasaaradda horumarinta adeegga bulshada dowladda Somalia oo gacan ka helaysa hay'ada caalamiga ah ee Qaramada Midoobay u qaabilsan qoyska ee UNFPA ayaa maanta Muqdisho kusoo gaba-gabeysay siminnaar looga hadlayay tacadiyada loo geysto haweenka Soomaaliyeed.

Siminnaarkan oo socday muddo seddex maalmood ah ayna ka gayb-galeen 25 dhallinyaro Soomaaliyeed ah oo isugu jiray wiilal iyo gabdho ayaa waxaa diiradda lagu saaray tacaddiyada loo geysto dumarka Soomaaliyeed, iyadoo ka qayb-galayaasha siminnaarka dhinacyo badan ka eegeen dhibaatooyinka dumarka loo geysto.

Agaasinka waaxda haweenka ee wasaaradda horumarinta adeegga bulshada Leylo Aadan Xaaji Maxamed oo kulanka hadal ka jeedisay ayaa sheegtay in ujeeddada siminnaarku uu ahaa sidii bulshada looga wacyi-galin lahaa xad-gudubka loo geysto dumarka.

Qaar ka mid ah ka qay- galayaasha siminnaarka oo iyana gabo-gabadii hadal ka jeediyay goobta ayaa sheegay inay si aad ah uga faa’iideysteen siminarka inta uu socday; waxaana ay dalbadeen in la xoojiyo siminaarrada noocan oo kale ah, ayna ku dadaali doonaan sidii bulshada ay uga wacyi-gelin lahaayeen ilaalinta xaquuqda dumarka.

Agaasimaha guud ee agaasinka haweenka iyo arrimaha bulshada, Maxamed Cumar oo gaba-gabadii siminnaarka hadal ka jeediyay ayaa u mahad-celiyay ururka tababarka fuliyay, isagoo kula dardaarmay in wixii ay kororsadeen ay ugu faa'iideeyaan inta aan nasiibka u yeelay kasoo qaybgalka siminaarka; wuxuuna ballan-qaaday inay sii kordhin doonaan keenista siminnaarrada muhiimka u ah ummadda Soomaaliyeed.







Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/6/2013 9:13 AM EST
Axad, Oktoobar 06, 2013 (HOL) — Xildhibaanno ka tirsan baarlamaanka Soomaaliya ayaa duhurnimadii maanta ka degay garoonka diyaaradaha magaalada Beledweyne, halkaa oo ay ku soo dhaweeyeen mas'uuliyiinta maamulka gobolka Hiiraan oo uu hogaminayay guddoomiyaha gobolka iyo xubno ka socday wasaarrada arrimaha gudaha oo horay u sii joogay magaalada.

10/6/2013 9:08 AM EST
Axad, October 06, 2013(HOL) :- Wafdi uu horkacayo hogaamiyaha maamulka KMG ee Jubba Sheekh Axmed Max’ed Islaam (Axmed Madoobe) ayaa maanta dib ugu soo laabtay dalka, kadib safarro kala duwan oo uu kusoo maray dalal kala duwan.

10/6/2013 8:52 AM EST
Axad, Oktoobar 06, 2013 (HOL) — Xoghayaha arrimaha dibadda Mareykanka John Kerry ayaa sheegay inay sii wadayaan howlgallada ay ku baacsanayno kooxaha mas’uulka ka ah weerarrada argagaxisada ah ee ka dhaca Somalia iyo Liibiya.

10/6/2013 8:29 AM EST
Axad, Oktoobar 06, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) oo ka hadlayay waxqabadka xukuumaddiisa tan iyo markii la magacaaba oo ku beegnayd 06-da Oktoobar 2012 oo maanta ku beegan ayaa wuxuu sheegay in isku shaandheyn uu ku sameyn doono wasiirradiisa, isagoo xusay in la ballaarin doono.

10/6/2013 7:16 AM EST
Axad, Oktoobar 06, 2013 (HOL) — Fannaanada weyn ee Hibo Maxamed Hudoon (Hibo Nuura) oo bishii hore dib ugu soo laabatay Muqdisho ayaa rajo weyn ka muujiyay in Muqdisho ay dib ugu laabanaso Muqdishadii hore.

10/6/2013 4:25 AM EST
Axad, Oktoobar 06, 2013 (HOL) — Sheekh Maxamed Cabdi Umal oo ka mid ah culumada Islaamka ee dalka Kenya ayaa sheegay in loogu hanjabay in la dili doono, balse aysan taasi wax cabsii ah gelin doonin oo uu sii wadi doono wacyi-gelinnada diiniga ah.

10/6/2013 3:52 AM EST
Axad, Oktoobar 06, 2013 (HOL) — Ergyga Midowga Afrika ee arrimaha Soomaaliya, Maxamed Saalax Anaadiif iyo wafdi uu hoggaaminayo oo ka socda AMISOM ayaa kulan kula yeeshay magaalada Minneapolis jaaliyadda Soomaaliyeed ee gobolka Minnesota ku nool.

10/6/2013 3:35 AM EST
Axad, October 06, 2013(HOL) :- Qaraxan oo ahaa mid xooggan islamarkaana siweyn looga maqlayay guud ahaan xaafadaha kala duwan ee magaalada Kismaayo ayaa saaka aroortii ka dhacay xaafadda Faanoole ee magaalada Kismaayo.

10/6/2013 3:09 AM EST
Axad, Oktoobar 06, 2013 (HOL) — Dowlada Mareykanka ayaa sheegtay inay ka dambeysay weerarkii habeen hore lagu qaaday degmada Baraawe ee gobolka Shabeellada hoose oo ah saldhigga ugu weyn ee Al-shabaab ay ku leedahay Koonfurta Soomaaliya.

10/6/2013 2:48 AM EST
Axad, Oktoobar 06, 2013 (HOL) — Wasiirka arrimaha gudaha iyo ammaanka Qaranka, C/kariin Xuseen Guuleed oo ka hadlayay tababar loo furayey qaar ka mid ah saraakiisha booliiska Somalia ayaa sheegay in booliiska Somalia uu ka tayo wanaagsan yahay booliiska dalka Ciraaq.