5/10/2021
Today from Hiiraan Online:  _
Wararka Maanta- Axad, Oct 6 , 2013
Dowladda Mareykanka oo sheegtay in ay sii wadayso Ugaarsiga Al-shabaab iyo kooxaha ee ku xiran Shabakadda Al-Qaacida



Axad, Oktoobar 06, 2013 (HOL) — Xoghayaha arrimaha dibadda Mareykanka John Kerry ayaa sheegay inay sii wadayaan howlgallada ay ku baacsanayno kooxaha mas’uulka ka ah weerarrada argagaxisada ah ee ka dhaca Somalia iyo Liibiya.

Mareykanka ayaa sheegtay inay mas’uul ka ahaayeen weerarro habeen hore lagu qaaday degmada Baraawe ee Soomaaliya oo ay saldhig ku leedahay Al-shabaab iyo dalka Liibiya, halkaasoo Mareykanku uu sheegay inay gacanta ku soo dhigeen nin ka dambeeyay weerarro argagaxiso.

“Waxaan rajeynaynaa in howlgallada aan sameynay ay caddeyn u noqdaan in Mareykanka uusan marnaba joojin doonin ugaarsiga kooxaha ma’suulka ka ah falalka argagaxiso ee calaamka ka dhaca,” ayuu yiri Kerry.

Sidoo kale, Kerry wuxuu sheegay in xubnaha Al-qaacida ka tirsan ay carari karaan balse aysan dhuuman karin, isagoo sheegay in Mareykanka ay ka go’an tahay inay ku ugaarsadaan xubnahaas meel walba oo ay dunida ka joogaan.

Ciidamada Mareykanka ayaa ku qabtay gudaha dalka Liibiya mas’uul ay ku sheegeen magaciisa, Abuu-Anas Al-Libi kaasoo ka tisran Al-Qaacida loona haysto inuu mas’uul ka ahaa qaraxyadii loo geystay sannadkii 1998-kii safaaradaha uu Mareykanku ku leeyahay dalalka Kenya iyo Tanzaaniya.

Dowladda Mareykanka ayaa sidoo kale sheegtay in weerarkii ay degmada Baraawe ku qaadeen ay ku dileen tiro ka tirsan dagaalyahannada kooxda AL-shabaab, balse ma cadda in la dilay sarkaal uu Mareykanku doonayay inuu qabto iyo in kale.

“Sharciga ayaan horkeenni doonnaa kuwa ka dambeeyay falalka argagaxiso ee caalamka ka dhaca, si falalka noocaas ah ay dunida uga dhammaadaan ciddii ku lug lehna ay u joojin lahayd,” ayuu Kerry ku yiri shir jaraa’id oo uu Washington ku qabtay.

Dhanka kale, wuxuu sheegay in qabsahada Al-Liibi oo 49-jir ah ay soo afjari doonto 15-sano oo uu dhuumaaleysi ku jiray, isagoo sheegay in qaraxyadii lagu burburiyay safaaradaha Mareykanka ee Kenya iyo Tanzaaniya ay ku dhinteen 200-qof, tiro far abadanna ay ku dhaawacmeen.

Waaxda sirdoonka Mareykanka ayaa sheegay in qabashada Al-Liibi ay ku nqoon doonto dhabar-jab weyn ururka Al-Qaacida, iyagoo ku tilmaamay mid ka mid ah wakiilladooda Afrika.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/6/2013 11:05 AM EST
Axad, Oktoobar 06, 2013 (HOL) — Waaxda haweenka iyo arrimaha bulshada ee wasaaradda horumarinta adeegga bulshada dowladda Somalia oo gacan ka helaysa hay'ada caalamiga ah ee Qaramada Midoobay u qaabilsan qoyska ee UNFPA ayaa maanta Muqdisho kusoo gaba-gabeysay siminnaar looga hadlayay tacadiyada loo geysto haweenka Soomaaliyeed.

10/6/2013 9:13 AM EST
Axad, Oktoobar 06, 2013 (HOL) — Xildhibaanno ka tirsan baarlamaanka Soomaaliya ayaa duhurnimadii maanta ka degay garoonka diyaaradaha magaalada Beledweyne, halkaa oo ay ku soo dhaweeyeen mas'uuliyiinta maamulka gobolka Hiiraan oo uu hogaminayay guddoomiyaha gobolka iyo xubno ka socday wasaarrada arrimaha gudaha oo horay u sii joogay magaalada.

10/6/2013 9:08 AM EST
Axad, October 06, 2013(HOL) :- Wafdi uu horkacayo hogaamiyaha maamulka KMG ee Jubba Sheekh Axmed Max’ed Islaam (Axmed Madoobe) ayaa maanta dib ugu soo laabtay dalka, kadib safarro kala duwan oo uu kusoo maray dalal kala duwan.

10/6/2013 8:29 AM EST
Axad, Oktoobar 06, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) oo ka hadlayay waxqabadka xukuumaddiisa tan iyo markii la magacaaba oo ku beegnayd 06-da Oktoobar 2012 oo maanta ku beegan ayaa wuxuu sheegay in isku shaandheyn uu ku sameyn doono wasiirradiisa, isagoo xusay in la ballaarin doono.

10/6/2013 7:16 AM EST
Axad, Oktoobar 06, 2013 (HOL) — Fannaanada weyn ee Hibo Maxamed Hudoon (Hibo Nuura) oo bishii hore dib ugu soo laabatay Muqdisho ayaa rajo weyn ka muujiyay in Muqdisho ay dib ugu laabanaso Muqdishadii hore.

10/6/2013 4:25 AM EST
Axad, Oktoobar 06, 2013 (HOL) — Sheekh Maxamed Cabdi Umal oo ka mid ah culumada Islaamka ee dalka Kenya ayaa sheegay in loogu hanjabay in la dili doono, balse aysan taasi wax cabsii ah gelin doonin oo uu sii wadi doono wacyi-gelinnada diiniga ah.

10/6/2013 3:52 AM EST
Axad, Oktoobar 06, 2013 (HOL) — Ergyga Midowga Afrika ee arrimaha Soomaaliya, Maxamed Saalax Anaadiif iyo wafdi uu hoggaaminayo oo ka socda AMISOM ayaa kulan kula yeeshay magaalada Minneapolis jaaliyadda Soomaaliyeed ee gobolka Minnesota ku nool.

10/6/2013 3:35 AM EST
Axad, October 06, 2013(HOL) :- Qaraxan oo ahaa mid xooggan islamarkaana siweyn looga maqlayay guud ahaan xaafadaha kala duwan ee magaalada Kismaayo ayaa saaka aroortii ka dhacay xaafadda Faanoole ee magaalada Kismaayo.

10/6/2013 3:09 AM EST
Axad, Oktoobar 06, 2013 (HOL) — Dowlada Mareykanka ayaa sheegtay inay ka dambeysay weerarkii habeen hore lagu qaaday degmada Baraawe ee gobolka Shabeellada hoose oo ah saldhigga ugu weyn ee Al-shabaab ay ku leedahay Koonfurta Soomaaliya.

10/6/2013 2:48 AM EST
Axad, Oktoobar 06, 2013 (HOL) — Wasiirka arrimaha gudaha iyo ammaanka Qaranka, C/kariin Xuseen Guuleed oo ka hadlayay tababar loo furayey qaar ka mid ah saraakiisha booliiska Somalia ayaa sheegay in booliiska Somalia uu ka tayo wanaagsan yahay booliiska dalka Ciraaq.