4/16/2021
Today from Hiiraan Online:  _
Wararka Maanta- Axad, Oct 6 , 2013
Gaari ay leeyihiin dad shacab ah oo Miino ay kula kacday Xaafada Faanoole ee Kismaayo iyo Dhaawacyo ka dhashay


Axad, October 06, 2013(HOL) :- Qaraxan oo ahaa mid xooggan isla markaana si weyn looga maqlayay guud ahaan xaafadaha kala duwan ee magaalada Kismaayo ayaa saaka aroortii ka dhacay xaafadda Faanoole ee magaalada Kismaayo.

Qaraxan oo la aaminsanyahay in uu ahaa nooca Miinooyinka dhulka lagu aaso ayaa waxa uu la kacay gaadiid UD- nooca loo yaqaan oo Iska rogaha ahaa ayna lahaayeen dad rayid ah, wuxuuna sababay dhaawacyo soo gaaray ilaa Sedex qof.

"Gaariga waxa ay miinada kula kacday agagaarka Masjika Xaaji Jaamac, waxay dhaawacyo halis ah kasoo gaareen darawalkii iyo laba qof oo kale oo gaariga saarnayd,” ayuu yiri goobjooge lagu magacaabo Sadiiq oo ka agdhawaa halka uu qaraxu ka dhacay.

Illaa imika ma cadda cida ka danbeeysay weerarkani, haseyeeshee waxaa la aaminsanyahay in qaraxani uu ahaa mid hore meesha ugu aasnaa oo uu dul maray gaadiidka.

Gaadiidka ay miinada la kacday ayaa waxa uu ka shaqeynayay dhisme uu leeyahay Masjidka Xaaji Jaamac oo ku yaal illinka hore ee masaajidka oo ahayd halkii uu qaraxa ka dhacay.

Goobta ayaa waxa gaaray ciidamo ka tirsan kuwa maamulka Jubba, kuwaasoo sameeyay howlgallo baaritaanno, iyadoona mudadii ay socdeen howlahaasi baaritaannada qadar daqiiqado ah hawada laga saaray isgaarsiintii magaalada Kismaayo.

Miinooyinka lagu aaso wadooyinka waaweyn ee ay dadku isticmaalaan ayay aalaaba qasaaraha ugu badan kasoo gaartaan dadka rayidka ah ee aan waxba galabsan.

Xasan Nuur, Hiiraan Online
[email protected]
Kismaayo, Soomaaliya












Click here
10/6/2013 11:05 AM EST
Axad, Oktoobar 06, 2013 (HOL) — Waaxda haweenka iyo arrimaha bulshada ee wasaaradda horumarinta adeegga bulshada dowladda Somalia oo gacan ka helaysa hay'ada caalamiga ah ee Qaramada Midoobay u qaabilsan qoyska ee UNFPA ayaa maanta Muqdisho kusoo gaba-gabeysay siminnaar looga hadlayay tacadiyada loo geysto haweenka Soomaaliyeed.

10/6/2013 9:13 AM EST
Axad, Oktoobar 06, 2013 (HOL) — Xildhibaanno ka tirsan baarlamaanka Soomaaliya ayaa duhurnimadii maanta ka degay garoonka diyaaradaha magaalada Beledweyne, halkaa oo ay ku soo dhaweeyeen mas'uuliyiinta maamulka gobolka Hiiraan oo uu hogaminayay guddoomiyaha gobolka iyo xubno ka socday wasaarrada arrimaha gudaha oo horay u sii joogay magaalada.

10/6/2013 9:08 AM EST
Axad, October 06, 2013(HOL) :- Wafdi uu horkacayo hogaamiyaha maamulka KMG ee Jubba Sheekh Axmed Max’ed Islaam (Axmed Madoobe) ayaa maanta dib ugu soo laabtay dalka, kadib safarro kala duwan oo uu kusoo maray dalal kala duwan.

10/6/2013 8:52 AM EST
Axad, Oktoobar 06, 2013 (HOL) — Xoghayaha arrimaha dibadda Mareykanka John Kerry ayaa sheegay inay sii wadayaan howlgallada ay ku baacsanayno kooxaha mas’uulka ka ah weerarrada argagaxisada ah ee ka dhaca Somalia iyo Liibiya.

10/6/2013 8:29 AM EST
Axad, Oktoobar 06, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) oo ka hadlayay waxqabadka xukuumaddiisa tan iyo markii la magacaaba oo ku beegnayd 06-da Oktoobar 2012 oo maanta ku beegan ayaa wuxuu sheegay in isku shaandheyn uu ku sameyn doono wasiirradiisa, isagoo xusay in la ballaarin doono.

10/6/2013 7:16 AM EST
Axad, Oktoobar 06, 2013 (HOL) — Fannaanada weyn ee Hibo Maxamed Hudoon (Hibo Nuura) oo bishii hore dib ugu soo laabatay Muqdisho ayaa rajo weyn ka muujiyay in Muqdisho ay dib ugu laabanaso Muqdishadii hore.

10/6/2013 4:25 AM EST
Axad, Oktoobar 06, 2013 (HOL) — Sheekh Maxamed Cabdi Umal oo ka mid ah culumada Islaamka ee dalka Kenya ayaa sheegay in loogu hanjabay in la dili doono, balse aysan taasi wax cabsii ah gelin doonin oo uu sii wadi doono wacyi-gelinnada diiniga ah.

10/6/2013 3:52 AM EST
Axad, Oktoobar 06, 2013 (HOL) — Ergyga Midowga Afrika ee arrimaha Soomaaliya, Maxamed Saalax Anaadiif iyo wafdi uu hoggaaminayo oo ka socda AMISOM ayaa kulan kula yeeshay magaalada Minneapolis jaaliyadda Soomaaliyeed ee gobolka Minnesota ku nool.

10/6/2013 3:09 AM EST
Axad, Oktoobar 06, 2013 (HOL) — Dowlada Mareykanka ayaa sheegtay inay ka dambeysay weerarkii habeen hore lagu qaaday degmada Baraawe ee gobolka Shabeellada hoose oo ah saldhigga ugu weyn ee Al-shabaab ay ku leedahay Koonfurta Soomaaliya.

10/6/2013 2:48 AM EST
Axad, Oktoobar 06, 2013 (HOL) — Wasiirka arrimaha gudaha iyo ammaanka Qaranka, C/kariin Xuseen Guuleed oo ka hadlayay tababar loo furayey qaar ka mid ah saraakiisha booliiska Somalia ayaa sheegay in booliiska Somalia uu ka tayo wanaagsan yahay booliiska dalka Ciraaq.