4/16/2021
Today from Hiiraan Online:  _
Wararka Maanta- Sabti, Oct 5 , 2013
Ra’iisul Wasaaraha Somalia oo Tacsi u diray Ehellada Dadkii Soomaaliyeed ee ku Geeriyootay Jaziiradda Lampedusa



Sabti, Oktoobar 05, 2013 (HOL) — Ra’iisul wasaaraha xukuumadda Soomaaliya, Cabdi Faarax Shirdoon (Saacid) ayaa ka tacsiyeeyay tahriibayaal Soomaali ah oo ku geeriyooday xeebaha jasiirada Lampedusa ee dalka Talyaaniga.

“Aad baan uga naxay dhimashada ka dhalatay doonta ku dagtay xeebaha Lampadusa, tacsi ayaan u dirayaa qoysaska iyo ehellada ay ka dhintay. Intii dhimatayna Allaha u naxariisto.” ayuu yiri ra’iisul wasaaruhu ku yiri qoraal uu soo saaray.

Sidoo kale, ra’iisul wasaaraha Somaila ayaa kula dardaarmay dhallinyarada Soomaaliyeed inay ka waantoobaan inay dalkooda ka cararaan, ay si macno darro ah ay ugu dhintaan badaha caalamka, wuxuuna xusay in xukuumadda Soomaaliyeed ay muhiimada koowaad siin doonto waxbarashada iyo shaqo-abuurka dhallinyarada si ay dalkooda ugu nagaadaan.

“Fursado badan ayaa ka jira dalka, dhallinyaradu waa inaysan naftooda ku halligin badaha, qurba-joogtii Soomaaliyeed ayaa dib ugu soo laabanaya dalkooda si ay ug qayb-qaataan dib u dhiska, mana habboona in xiligan loo haajiro dalal kale,” ayuu yiri hadalkiisa ku daray.

Dooni ku dagtay xeebaha Talyaaniga gaar ahaan Jasiiradda Lambadusa ayaa waxaa ku dhintay in ka badan 111-qof, kuwaasoo ay ku jireen dad Somali ah, iyadoo la badbadiyay 150-qof oo kale, kuwaasoo doonidii sida ay kula dagtay xeebaha Lambadusa, kaddib markii uu dab-qabsaday.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/5/2013 8:57 AM EST
Sabti, October 05, 2013(HOL) -Wasiirka warfaafinta, Boostada iyo gaadiidka Soomaaliya C/laahi Ceelmooge Xirsi ayaa oo dhawaantan kasoo qaybgalay shirweynaha 38aad ee wadamada xubnaha ka ah hay’ada caalamiga ah ee duulimaadyada iyo saadaasha hawada ee (ICAO) oo gaaraya 191 dal ayaa sheegay in Soomaaliya dib loogu soo celinayo lacag malaayiin ah oo hawada Soomaaliya canshuur ahaan looga aruuriyay 22-kii sano ee Soomaaliya ay burbursanayd.

10/5/2013 8:51 AM EST
Sabti, Oktoobar 05, 2013 (HOL) — Xukuumadda Itoobiya ayaa shaacisay in aysan u qorsheynayn xilligan inay ciidamadeeda kala baxdo Soomaaliya, kaddib markii Al-shabaab ay ku hanjabtay inay weerarro la beegsanayso dalalka ay ciidamadu ka joogaan Soomaaliya.

10/5/2013 8:37 AM EST
Sabti, Oktoobar 05, 2013 (HOL) — Madaxweynaha Somalia, Xasan Sheekh Maxamuud oo maanta tababar u furay boqolaal sakaal oo ka tirsan ciidamada booliiska Somaalia ayaa ka dalbaday ciidamada booliiska inay la yimaadaan anshax suuban.

10/5/2013 8:12 AM EST
Sabti, Oktoobar 05, 2013 (HOL) — Munaasabad siweyn loo soo agaasimay islamarkaana shahaado lagu guddoon siinayay 75 ardey oo ka qalin-jabisay dugsiga Universal ayaa lagu qabtay magaalada Beledweyne ee xarunta gobolka Hiiraan.

10/5/2013 7:51 AM EST
Sabti, October 05, 2013(HOL) Wafdi uu horkacayo abaanduulaha ciidamada xoogga dalka Soomaaliya Jen. C/risaaq Qaliif Cilmi ayaa shalay kasoo dagay garoonka diyaaradaha magaalada Kismaayo, iyadoona wafdigan ay qeyb ka yihiin saraakiil ka tirsan ciidamada AMISOM.

10/5/2013 7:07 AM EST
Sabti, Oktoobar 05, 2013 (HOL) — Xarakada Al-shabaab ayaa ka hadashay weerar ay ciidammo ajnabi ah ku qaadeen xalay gellinkii dambe guri ku yaalla degmada Baraawe ee gobolka Shabeellada Hoose.

10/5/2013 3:26 AM EST
Sabti, Oktoobar 05, 2013 (HOL) —Weerar ay geysteen ciidamo ajanebi ah oo aan ilaa iyo hadda haybtooda la aqoonsan ayaa goor hore oo saaka ah ka dhacay degmada Baraawe ee gobolka Shabeellada Hoose.

10/5/2013 2:48 AM EST
Sabti, Oktoobar 05, 2013 (HOL) —Wafdi ballaaran oo uu hoggaaminayay madaxweyne ku-xigeenka Puntland C/samed Cali Shire, oo muddo 5 todobaad ka badan booqasho ku joogey degmada Taleex ee gobolka Sool, ayaa shalay dib ugu soo laabtay magaalada Garoowe ee xarunta maamulka Puntland.