4/16/2021
Today from Hiiraan Online:  _
Wararka Maanta- Sabti, Oct 5 , 2013
Ciidamo ajnebi oo weeraray guri ku yaal degmada Baraawe ee gobolka Shabeellada Hoose


Sabti, Oktoobar 05, 2013 (HOL) —Weerar ay geysteen ciidamo ajnebi ah oo aan ilaa iyo hadda haybtooda la aqoonsan, ayaa goor hore oo saaka ah ka dhacay degmada Baraawe ee gobolka Shabeellada Hoose.

Dad goob-joogeyaal ah ayaa laanta afka Soomaaliga ee idaacadda VOA u sheegay in ciidamada duulaanka soo qaaday ay magaalada kasoo weerareen dhinaca badda iyaga oo watey doomaha dheereeya iyo diyaaradaha qumaatiga u kaca.

Bar-tilmaameedka weerarkooda ayaa ahaa guri ku yaal meel u dhow xeebta, kaas oo aan si dhab ah loo ogeyn cidda ku jirtey, haseyeeshee wararka Baraawe laga helayo ayaa sheegaya in ciidamadii weerarka soo qaaday ay iska caabin xooggan la kulmeen.

Inkastoo aan weerarkaas faahfaahin dheeri ah weli laga hayn, waxaa hadana goobjoogeyaal degmadaas ku sugni ay mar kale idaacadda VOA u sheegeen in dagaalka saaka aroortii dhacay uu hal qof ku dhintay mid kalena uu ku dhaawacmay.

Diryanka hubka ay labada dhinac isweydaarsanayeen, gaar ahaan gantaalo ay ridayeen diyaaradaha qumaatiga u kaca iyo qaar kale oo dhinaca badda kasoo dhacayey ayaa laga maqlayey Baraawe iyo deegaanada ku dhow dhow.

Faahfaahin dheeri ah dib ayaan idiinka soo gudbin doonnaa...












Click here
10/5/2013 8:57 AM EST
Sabti, October 05, 2013(HOL) -Wasiirka warfaafinta, Boostada iyo gaadiidka Soomaaliya C/laahi Ceelmooge Xirsi ayaa oo dhawaantan kasoo qaybgalay shirweynaha 38aad ee wadamada xubnaha ka ah hay’ada caalamiga ah ee duulimaadyada iyo saadaasha hawada ee (ICAO) oo gaaraya 191 dal ayaa sheegay in Soomaaliya dib loogu soo celinayo lacag malaayiin ah oo hawada Soomaaliya canshuur ahaan looga aruuriyay 22-kii sano ee Soomaaliya ay burbursanayd.

10/5/2013 8:51 AM EST
Sabti, Oktoobar 05, 2013 (HOL) — Xukuumadda Itoobiya ayaa shaacisay in aysan u qorsheynayn xilligan inay ciidamadeeda kala baxdo Soomaaliya, kaddib markii Al-shabaab ay ku hanjabtay inay weerarro la beegsanayso dalalka ay ciidamadu ka joogaan Soomaaliya.

10/5/2013 8:37 AM EST
Sabti, Oktoobar 05, 2013 (HOL) — Madaxweynaha Somalia, Xasan Sheekh Maxamuud oo maanta tababar u furay boqolaal sakaal oo ka tirsan ciidamada booliiska Somaalia ayaa ka dalbaday ciidamada booliiska inay la yimaadaan anshax suuban.

10/5/2013 8:12 AM EST
Sabti, Oktoobar 05, 2013 (HOL) — Munaasabad siweyn loo soo agaasimay islamarkaana shahaado lagu guddoon siinayay 75 ardey oo ka qalin-jabisay dugsiga Universal ayaa lagu qabtay magaalada Beledweyne ee xarunta gobolka Hiiraan.

10/5/2013 7:51 AM EST
Sabti, October 05, 2013(HOL) Wafdi uu horkacayo abaanduulaha ciidamada xoogga dalka Soomaaliya Jen. C/risaaq Qaliif Cilmi ayaa shalay kasoo dagay garoonka diyaaradaha magaalada Kismaayo, iyadoona wafdigan ay qeyb ka yihiin saraakiil ka tirsan ciidamada AMISOM.

10/5/2013 7:22 AM EST
Sabti, Oktoobar 05, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa ka tacsiyeeyay tahriibayaal Soomaali ah oo ku geeriyooday xeebaha jasiirada Lampedusa ee dalka Talyaaniga.

10/5/2013 7:07 AM EST
Sabti, Oktoobar 05, 2013 (HOL) — Xarakada Al-shabaab ayaa ka hadashay weerar ay ciidammo ajnabi ah ku qaadeen xalay gellinkii dambe guri ku yaalla degmada Baraawe ee gobolka Shabeellada Hoose.

10/5/2013 2:48 AM EST
Sabti, Oktoobar 05, 2013 (HOL) —Wafdi ballaaran oo uu hoggaaminayay madaxweyne ku-xigeenka Puntland C/samed Cali Shire, oo muddo 5 todobaad ka badan booqasho ku joogey degmada Taleex ee gobolka Sool, ayaa shalay dib ugu soo laabtay magaalada Garoowe ee xarunta maamulka Puntland.