3/28/2024
Today from Hiiraan Online:  _
Wararka Maanta- Isniin, Oct 28, 2013
Murashaxa madaxtinnimada Puntland Xaaji Maxamed Yaasiin oo maamulka Puntland uga digay inay colaad ka abuuraan Taleex
Mohamed-Yassin2.jpg
Isniin, October 28, 2013(HOL) - Xaaji Maxamed Yaasiin oo u sharaxan Madaxtinimada Puntland doorashada soo socota ee la filayo inay Puntland ka dhacdo ayaa shirjaraa’id oo uu maanta ku qabtay Nairobi waxaa kaga hadlay xaalada Puntland gaar ahaanna shirka ka socda Magaalada Taleex ee gobolka Sool iyo wafdiga uu maamulka Puntland halkaasi u diray.

Xaaji Maxamed Yasiin ayaa ugu horeyn ku dheeraaday inuu ka hadlo  Shirka taleex iyo siday muhiim u tahay in beel meel degani tashan karto laakiinse waxaa uu aad ugu dhaliilay maamulka Puntland wafdida halkaasi uu u diray ee uu hogaaminayo Gen Cabdisamad Cali shire.

Murashaxan Madaxtinimada Puntland ayaa intuu uu ka hadlayey Shirka taleex iyo ciidamada Puntland halkaasi u dirtay waxaa uu si cad ugu cel celiyey in Maamulka uu madaxweynaha ka yahay Craxmaan Faroole uu ku dhaqaaqay tallaabo khaldan oo hada hadaan wax laga qaban hadhow ay adkaan karto in wax laga qabto.

Waxaa uu murashax Xaaji Maxamed Yaasiin si kulul ula hadlay oo farriin ugu diray Gen Cabdisamad Cali shire Madaxweyne ku xigeenka Puntland oo isagu hogaaminaya waftiga ka socda Puntland ee taleex gaaray.

Xaaji maxamed Yasiin – Murashaxa madaxtinimada Puntland ayaa ka sheekeeyey khasaaraha laga dhaxlo colaado noocaan oo kale ah isagoo ka dalbaday inuu ka noqdo tallaabada uu qaaday.

“Hadii la ilaalinayo ammaanka Garowe oo hubka iyo wax walba aan loo ogolayn , maxaa ciidamo iyo hub loo dulgeynayaa oo loogu duulayaa Dadka degan taleex ee aayahooda ka shiraya , Waa maxay waxa aan banneeneyn dhiiga Garowe ee banneynaya dhiiga dadka reer taleex “ Ayuu yiri Xaaji maxamed yaasiin oo weriyayaasha kula hadlayay magaalada Nairobi.

Xaaji Maxamed Yaasiin ayaa sidoo kale baaq u diray odayaasha dhaqanka iyo qurbo joogta reer Puntland oo uu ugu baaqay inay kaalintooda ka qaataan sidii Puntland aysan uga dhici lahayn wax colaad ah , Xaaji Maxamed Yaasiin ayaa si gaar ah dadka reer Puntland ugu baraarujiyey in loo baahanyahay in dadku meel uga soo wada jeestaan Colaad uu murashaxu sheegay in Maamulka hada jira ka abuurayo Taleex.

Murashax xaaji maxamed yaasiin ayaa shirkan jaraid sidoo kale kaga hadlay amaanka caasimada Garowe xiliga doorashada oo uu sheegay in Madaama Madaxweyne Craxman Faroole murashaxyahay ay awooda dalka iyo maaliyada laga wada tashanayo sidii dad dhex dhexaad ah ay u maamuli lahaayeen.

Hadalka Murashax Xaaji Maxamed Yaasiin oo u tartamaya madaxtinimada Puntland  ayaa imaanaya iyadoo uu socdo shirka taleex halkaasi oo beelaha wada dega kaga arinsanayaan aayahooda isla markaasina maamulka Puntland uu u diray halkaasi wafdi iyo ciidamo uu hogaaminayo madaxweyne ku xigeenka Puntland Gen, Cabdisamd Cali shire.

Axmed C/samad, Hiiraan Online
[email protected]
Nairobi , Kenya












Click here
10/28/2013 4:41 PM EST
Isniin, Oktoobar 28, 2013 (HOL) - Jaaliyadda gobolka Hiiraan ee ku nool magaaladda Minneapolis ee gobolka Minnesota ayaa xalay iskugu yimid kulan tacsi iyo baroordiiq ah, kaas oo ay ugu duceeyeen dadkii lagu xasuuqay magaalada Beledweyne 20-kii bishan.

10/28/2013 12:22 PM EST
Isniin, Oktoobar 28, 2013 (HOL) — Hay’adda Mama Asha Foundation ayaa qoysaskii ku barakacy fatahaadda webiga shabeell ee magaalada Jowhar ee xarunta gobolka Shabeellaha dhexe ayaa deeq gaarsiisay, kuwaasoo dhawaan ka barakacay fatahaada wabiga shabeelle uu ka sameeyay deegaanno ka tirsan gobolka Shabeellaha dhexe.

10/28/2013 8:16 AM EST
Isniin, Oktoobar 28, 2013 (HOL) — Wasaaradda kalluumaysiga iyo khayraadka badda ee Puntland ayaa heshiis la gashay shirkad kalluumaysi oo dalka Thailand laga leeyahay. Heshiiska ayaa u ogolaanaya shirkaddaas in ay ka kalluumaysato xeebaha Puntland.

10/28/2013 8:14 AM EST
Ammaanka qaar kamid ah xarumaha waawayn ee ganacsiga magaalada Nairobi ayaa si aad ah loo adkeeyay kadib markii la helay farriimo cabsi xambaarsan oo sheegaya in goobahaas lagu qaadi doono weeraro argagixiso.

10/28/2013 7:42 AM EST
Isniin, Oktoobar 28, 2013 (HOL) — Madaxweynaha Soomaaliya ayaa maanta xafiiskiisa ku qaabilay Lilianne Ploumen oo ah wasiiradda arrimaha dibadda, ganacsiga iyo horumarinta caalamiga ah ee dalka Holland oo ay la socdeen shirkado ganacsi oo waaweyn oo raba inay dalka maalgeshi ku sameeyaan.

10/28/2013 7:33 AM EST
Isniin, Oktoobar 28, 2013 (HOL) — Ra’iisul wasaaraha Somalia, Cabdi Faarax Shirdoon “Saacid” ayaa maanta daah-furaye shir looga hadlayo horumarinta iyo dib-u-dhiska Soomaaliya, shirkaan ayaa noqonaya kii ugu horreeyey oo looga hadlo dhaqan-galinta barnaamijka higsaga cusub, waxaana shirkaasi kasoo qayb-galay wakiillo ka socday madaxtooyada, baarlamaanka, wasiirro, xubno ka socda beesha caalamka, bulshada rayidka ah iyo xubno kale oo ka socday gobollada dalka.

10/28/2013 7:14 AM EST
Isniin, Oktoobar 28, 2013 (HOL) — Madaxweynaha Somalia, Xasan Sheekh Maxamuud ayaa mar kale ka baaqday safar uu ku tegi lahaa magaalada Kisamayo ee xarunta gobolka Jubbda Hoose, iyadoo la sheegay in laba casho kaddib uu booqan doono magaaladaas.

10/28/2013 5:41 AM EST
Isniin, October 28, 2013(HOL) :- Iyadoo la filayo in magaalada Kismaayo uu gaaro madaxweeynaha dowladda federaalka Soomaaliya Mudane Xasan Sheekh Max’uud ayaa magaalada Kismaayo siweyn looga dareemayaa u diyaargarow ku aadan arintaasi.

10/28/2013 3:18 AM EST
Isniin, Oktoobar 28, 2013 (HOL) — Xogyahaha guud ee Qaramada Midoobay Ban Ki-Moon ayaa dadaal xooggan ugu jiray in la kordhiyo ciidanka AMISOM ee ku sugan Soomaaliya, kaddib markii Al-shabaab ay sheegatay weerarkii bishii hore lagu qaaday suuqa ganacsiga Westgate Mall ee Nairobi, taasoo ay ku dhinteen 67-qof.

10/28/2013 3:17 AM EST
Isniin, Oktoobar 28, 2013 (HOL) — Madaxa Universal TV ee bariga iyo bartamaha Afrika, C/llaahi Xirsi Kulmiye oo la hadlay warbaahinta aaskii wariye Tima-cadde ayaa sheegay in geerida wariyaha ay u haystaan dowladda ayna tunka ku dhaganaan doonaan tan iyo inta ay war cad kasoo saarayso.

10/28/2013 1:23 AM EST
Isniin, Oktoobar 28, 2013 (HOL) - Xaflad ay soo abaabuleen Soomaalida ku dhaqan magalada Boston ee gobalka Massachusetts USA oo ay ku muujinayeen taageerida musharaxa duqa magaalada Boston John Connolly ayaa ka dhacday habeenimadii Axada oo tariikhdu ku adaneeyd Oktoobar 27keedii magaalada Boston.