3/28/2024
Today from Hiiraan Online:  _
Wararka Maanta- Isniin, Oct 28, 2013
Qaar ka mid ah Xarumaha ganacsiga ee Magaalada Nairobi oo amnigooda la adkeeyay kaddib Farriimo digniin ah oo la helay

Nakumat.jpg
Isniin, October 28, 2013(HOL) - Ammaanka qaar kamid ah xarumaha waawayn ee ganacsiga magaalada Nairobi ayaa si aad ah loo adkeeyay kadib markii la helay farriimo cabsi xambaarsan oo sheegaya in goobahaas lagu qaadi doono weeraro argagixiso.

Xarumaha ganacsiga ee Prestige iyo Nakkumat Junction ee magaalada Nairobi ayaa ammaankooda aad loo xoojiyay iyadoo dadka goobahaas u dukaamaysi tagaya baaritaano dheeri ah la marinayo si loo xaqiijiyo ammaanka, xilli dad goobahaas ku sugan loo soo diray farriimo sheegaya inay isaga cararaan halkaas maadaama lagu qaadi doono weeraro argagixiso.

Maamulka xarumahan ganacsi ayaa cabashooyin u gudbiyay booliska taasoo keentay in ammaanka si aad ah loo adkeeyo.

Mid kamid ah saraakiisha ammaanka ee xarunta ganacsiga ee Prestige mall oo ku taalla wadada Ngong Road ee magaalada Nairobi ayaa warbaahinta u sheegay in mid kamid ah macaamiishooda loo soo diray farriin muujinaysa in shacabka ay halkaas isaga baxaan galabkii sabtida ahayd.

“Waxaa idin ku soo fool leh weerar argagixiso’ ka carar meesha” ayaa ku qornayd farriinta loo soo diray macmiilkan sida uu sheegay sargaalkan dhinaca ammaanka ah.

Macmiilkii farriinta loo soo diray ayaa la cararay ilmihiisa oo goobta ku sugnaa isagoo ay ka muuqato cabsi lixaadleh.

Booliska oo adkeeyay ammaanka inta badan xarumaha ganacsiga ee magaalada Nairobi ayaa sidoo kale bilaabay baaritaanka halka ay ka yimaadeen farriimaha argagaxa wata ee la dirayo macaamiisha qaar kamid ah xarumaha waawayn ee sida aadka ah looga dukaamaysto, sida uu qoray wargeyska Daily Nation ee kasoo baxa dalka Kenya.

Taliyaha ciidamada booliska ee Kilimani oo magaaciisa la yiraahdo Peter Katam ayaa sheegay inay ammaanka xoojiyeen oo sare u qaadeen baaritaannada ay ka samaynayaan labadan xarumood ee ganacsiga oo si aad ah ay uga dukaamaystaan dadka qaniga ah ee Kenyaatiga ah iyo waliba dadka ajnabiga ah ee dalxiiska iyo shaqooyinka u yimaada dalka Kenya.

Booliska dalka Kenya ayaa ka digay inay suurtowdo in weeraro kale oo argagixiso lagu qaadi karo dalka Kenya kadib markii ay dhaceen weeraradii Westgate oo ay ku dhinteen dad kor u dhaafaya 67 qof.

Axmed C/samad, Hiiraan Online
[email protected]
Nairobi , Kenya













Click here
10/28/2013 4:41 PM EST
Isniin, Oktoobar 28, 2013 (HOL) - Jaaliyadda gobolka Hiiraan ee ku nool magaaladda Minneapolis ee gobolka Minnesota ayaa xalay iskugu yimid kulan tacsi iyo baroordiiq ah, kaas oo ay ugu duceeyeen dadkii lagu xasuuqay magaalada Beledweyne 20-kii bishan.

10/28/2013 12:22 PM EST
Isniin, Oktoobar 28, 2013 (HOL) — Hay’adda Mama Asha Foundation ayaa qoysaskii ku barakacy fatahaadda webiga shabeell ee magaalada Jowhar ee xarunta gobolka Shabeellaha dhexe ayaa deeq gaarsiisay, kuwaasoo dhawaan ka barakacay fatahaada wabiga shabeelle uu ka sameeyay deegaanno ka tirsan gobolka Shabeellaha dhexe.

10/28/2013 11:17 AM EST
Xaaji Maxamed Yaasiin oo u sharaxan Madaxtinimada Puntland doorashada soo socota ee la filayo inay Puntland ka dhacdo ayaa shirjaraa’id oo uu maanta ku qabtay Nairobi waxaa kaga hadlay xaalada Puntland gaar ahaanna shirka ka socda Magaalada Taleex ee gobolka Sool iyo wafdiga uu maamulka Puntland halkaasi u diray.

10/28/2013 8:16 AM EST
Isniin, Oktoobar 28, 2013 (HOL) — Wasaaradda kalluumaysiga iyo khayraadka badda ee Puntland ayaa heshiis la gashay shirkad kalluumaysi oo dalka Thailand laga leeyahay. Heshiiska ayaa u ogolaanaya shirkaddaas in ay ka kalluumaysato xeebaha Puntland.

10/28/2013 7:42 AM EST
Isniin, Oktoobar 28, 2013 (HOL) — Madaxweynaha Soomaaliya ayaa maanta xafiiskiisa ku qaabilay Lilianne Ploumen oo ah wasiiradda arrimaha dibadda, ganacsiga iyo horumarinta caalamiga ah ee dalka Holland oo ay la socdeen shirkado ganacsi oo waaweyn oo raba inay dalka maalgeshi ku sameeyaan.

10/28/2013 7:33 AM EST
Isniin, Oktoobar 28, 2013 (HOL) — Ra’iisul wasaaraha Somalia, Cabdi Faarax Shirdoon “Saacid” ayaa maanta daah-furaye shir looga hadlayo horumarinta iyo dib-u-dhiska Soomaaliya, shirkaan ayaa noqonaya kii ugu horreeyey oo looga hadlo dhaqan-galinta barnaamijka higsaga cusub, waxaana shirkaasi kasoo qayb-galay wakiillo ka socday madaxtooyada, baarlamaanka, wasiirro, xubno ka socda beesha caalamka, bulshada rayidka ah iyo xubno kale oo ka socday gobollada dalka.

10/28/2013 7:14 AM EST
Isniin, Oktoobar 28, 2013 (HOL) — Madaxweynaha Somalia, Xasan Sheekh Maxamuud ayaa mar kale ka baaqday safar uu ku tegi lahaa magaalada Kisamayo ee xarunta gobolka Jubbda Hoose, iyadoo la sheegay in laba casho kaddib uu booqan doono magaaladaas.

10/28/2013 5:41 AM EST
Isniin, October 28, 2013(HOL) :- Iyadoo la filayo in magaalada Kismaayo uu gaaro madaxweeynaha dowladda federaalka Soomaaliya Mudane Xasan Sheekh Max’uud ayaa magaalada Kismaayo siweyn looga dareemayaa u diyaargarow ku aadan arintaasi.

10/28/2013 3:18 AM EST
Isniin, Oktoobar 28, 2013 (HOL) — Xogyahaha guud ee Qaramada Midoobay Ban Ki-Moon ayaa dadaal xooggan ugu jiray in la kordhiyo ciidanka AMISOM ee ku sugan Soomaaliya, kaddib markii Al-shabaab ay sheegatay weerarkii bishii hore lagu qaaday suuqa ganacsiga Westgate Mall ee Nairobi, taasoo ay ku dhinteen 67-qof.

10/28/2013 3:17 AM EST
Isniin, Oktoobar 28, 2013 (HOL) — Madaxa Universal TV ee bariga iyo bartamaha Afrika, C/llaahi Xirsi Kulmiye oo la hadlay warbaahinta aaskii wariye Tima-cadde ayaa sheegay in geerida wariyaha ay u haystaan dowladda ayna tunka ku dhaganaan doonaan tan iyo inta ay war cad kasoo saarayso.

10/28/2013 1:23 AM EST
Isniin, Oktoobar 28, 2013 (HOL) - Xaflad ay soo abaabuleen Soomaalida ku dhaqan magalada Boston ee gobalka Massachusetts USA oo ay ku muujinayeen taageerida musharaxa duqa magaalada Boston John Connolly ayaa ka dhacday habeenimadii Axada oo tariikhdu ku adaneeyd Oktoobar 27keedii magaalada Boston.