3/28/2024
Today from Hiiraan Online:  _
Wararka Maanta- Sabti, Oct 26, 2013
Ra’iisul Wasaaraha Soomaaliya oo la kulmay ku-xigeenka Xoghayaha Guud ee QM kormeerna ku sameeyey Xafiiska QM (SAWIRRO)


Sabti, Oktoobar 26, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa maanta xafiiskiisa kula kulmay ku-xigeenka xoghayaha guud ee Qaramada Midoobay, Jan Eliasson, iyadoo kulankooda kaga hadlay xiriirka Soomaaliya iyo QM, gaar ahaana taageerada Qaramada Midoobay u fidiso shacabka Soomaaliyeed.

Kulankan ayaa waxaa goobjoog ka ahaa wasiirrada iyo wakiilka Qaramada Midoobay ee arrimaha Soomaaliya, Nicholas Kay, iyadoo kulankan diiradda lagu saaray sidii hay’adaha QM si dhow ula shaqeyn lahaayeen dawladda, gaar ahaana taageerada dhinacyada dib u dhiska hay’adaha dawladda, dib u dhiska dhaqaalaha iyo horumarinta siyaasadda.

Kulanka kaddib, ra’iisul wasaaraha iyo ku-xigeenka xoghayaha guud oo si wadajir ah ula hadlay warbaahinta ayaa sheegay in kulankan uu ahaa mid miro dhal ah, ayna uga wadahadleen sidii loo sii xoojin lahaa xiriirka QM iyo dawladda Soomaaliyeed.

“Waxaan soo dhaweynaynaa socdaalkaJan Aliasson oo ah mid muujinaya sida QM ay daacadda uga tahay garab-istaageeda dowladda iyo shacabka Soomaaliyeed, waxaana ku ammaanaynaa howlaha baaxada leh ee ay ka wado Soomaaliya,” ayuu yiri ra’iisul wasaare Saacid, isaga oo ku ammaanay Qaramada Midoobay kaalmada iyo is-garabtaaga dawladda Soomaaliya.

Ra’iisul wasaaraha ayaa sidoo kale ka warbixiyay horumarada dawladda ee dib u dhiska, sugida iyo xasilinta dalka iyo tayaynta hay’addaha dawladda, gaar ahaana kuwa maamulka maaliyadda.

Sidoo kale, ku-xigeenka xoghayaha guud ee QM Eliasson ayaa isna dhankiisa sheegay inuu aad ugu faraxsan yahay inuu soo booqdo Muqdisho, wuxuuna xusay in isbedel weyn iyo horumar uu ka dareemay, maadaama uu sidan oo kale booqasho ugu yimid sannadihii sagaashamaadkii xilligaa oo dagaalo ay ka socdeen dalka.

“Waxaan halkan ka cadeynayaa in QM ay ka go’an tahay inay si dhow ula shaqeyn doonto dowladda Soomaaliya, waxaana kala shaqeyneynaa sidii loo horumarin lahaa dhinacyada siyaasadda iyo dhaqaalaha,” ayuu yiri Elliason oo intaasi ku daray in QM ay ka go’antahay sidii loo horumarin lahaa dib u dhis xoogana loogu sameyn lahaa hay’adaha dowladda.

Dhanka kale, ra’iisul wasaaraha iyo ku-xigeenka xoghayaha guud ayaa ku tagay kormeer xafiisyo cusub oo QM ay ka furatay Muqdisho, kuwaasoo uu ka shaqeyn doono wakiilka Qaramada Midoobay ee Somalia Nicholas Kay.



Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
10/26/2013 5:08 PM EST
Sabti, Oktoobar 26, 2013 (HOL) — Wariye Maxamed Maxamuud Tima-cadde oo ka mid ahaa wariyeyaasha Telefishinka Universal uga warrama Muqdisho ayaa goor dhow ku geeriyooday isbitaalka Madiina oo looga daweynayay dhaawac ay kooxo hubeysan ugu geysteen degmada Wadajir ee gobolka Banaadir Talaadadii lasoo dhaafay.

10/26/2013 2:59 PM EST
Sabti, Oktoobar 26, 2013 (HOL) - Ciidamada Booliska ee maamulka Somaliland ayaa xabsiga u taxaabay marwo Luul Xasan Mataan oo ah Guddoomiyaha Xaruunta dhaqan-celinta carruurta Derbijiifa sida ay Hiiraan Online u xaqiijiyeen howlwadeeno ka shaqeeya xaruuntaas

10/26/2013 2:21 PM EST
Sabti, Oktoobar 26, 2013 (HOL) - Kulan wada tashi ah oo uu soo qaban qaabiyay xaafiiska Congressman Keith Ellison oo ah Xildhibaan laga soo doorto magaaladda Minneapolis, isla markaana warbixin looga dhageystay hey’adda horumarinta caalamiga ah ee USAID ayaa maanta ka dhacay magaaladda Minneapolis ee gobolka Minnesota.

10/26/2013 12:06 PM EST
Sabti, Oktoobar 26, 2013 (HOL) — Safiirka dowladda Talyaaniga u jooga Soomaaliya Andrea Mazzela ayaa maanta booqasho kusoo gaarey magaalada Garoowe ee xarunta maamulka Puntland.

10/26/2013 10:52 AM EST
Sabti, Oktoobar 26, 2013 (HOL) — Gudoomiyaha guddida taageeridda horumarinta ee ururka Iskaashiga Dhaqaalaha iyo horumarinta Qaaradda Yurub (OECD) Mr:Erik Solheim, ayaa maanta booqasho ku yimid Hargeysa, isla markana xafiiskiisa kula kulmay madaxweynaha Somaliland.

10/26/2013 10:21 AM EST
Sabti, Oktoobar 26, 2013 (HOL) — Madaxweynaha Kenya, Uhuru Kenyatta ayaa sheegay maanta inay xukuumaddiisu isticmaali doonto awood walba oo shacabkooda ay kaga difaaci karaan cadowga dhibaatada u geysanaya ee kaga imaanaya gudaha iyo dibadda.

10/26/2013 10:01 AM EST
Sabti, Oktoobar 26, 2013 (HOL) — Guddoomiyaha Baarlamaaka Soomaaliya, Prof. Maxamed Sheekh Cismaan (Jawaari) ayaa maanta shaaciyay in dib loo dhigay ballantii ra’iisul wasaaraha Somalia, Cabdi Faarax Shirdoon (Saacid) iyo wasiirka maaliyadda ay ku horimaan lahaayeen baarlamanaka Somalia si ay uga horjeediyaan miisaaniyadda sannadka dalka.

10/26/2013 9:09 AM EST
Sabti, Oktoobar 26, 2013 (HOL) — Madaxweynaha Somalia, Xasan Sheekh Maxamud ayaa maanta xafiiskiisa ku qaabilay ku- xigeenka xoghayaha guud ee Qaramada Midoobay, Jan Eliasson isagoo ku ammaanay booqashadan taariikhiga ah iyo furitaanka xafiiska cusub ee QM ay ka furanayso Soomaaliya.

10/26/2013 8:15 AM EST
Sabti, Oktoobar 26, 2013 (HOL) — Wasiirka Warfaafinta, boostada iyo Is-gaarsiinta, boostada iyo gaadiidka Soomaaliya, C/llaahi Ciilmooge Xirsi ayaa maanta mar kale hor-tagay xildhibaannada baarlamaanka Soomaaliya, isagoo ka jawaabay su’aalo laga weydiiyay heshiis ay xukuumaddu la gashay shirkad lagu magacaabo FAVORI LLC oo maamusha garoonka diyaaradaha Muqdisho.

10/26/2013 8:05 AM EST
Sabti, October 26, 2013(HOL) :- Qarax nooca miinooyinka dhulka lagu aaso ayaa saaka ka dhacay xaafadda Farjanno gaar ahaan agagaarka Suuqa Yaasiin, waxaana qaraxani uu ahaa mid aad u weyn.

10/26/2013 7:24 AM EST
Sabti, Oktoobar 26, 2013 (HOL) — Iyadoo dowladda Kenya ay sheegtay inay qoxoogtiga Soomaalida ah ee dalkeeda ku nool ay dhibaato dhinaca amniga ah ku keeneen dalkeeda, ayaa arrintaas ka hadlay xildhibaan, Ilyaas Barre Shiil oo ka mid ah xildhibaanada laga soo doorta deegaanka Faafi ee gobolka Waqooyi-bari ee dalka Kenya.

10/26/2013 6:45 AM EST
Sabti, Oktoobar 26, 2013 (HOL) — Ciidammo ka tirsan booliiska Soomaaliya ayaa maanta isku gadaamay dhismaha idaacadda Shabeelle ay Muqdisho ka dagganay, kasoo ku dhawaa garoonka diyaaradaha, waxayna iyagoo gudaha u galay xarunta idaacaddaas hawadaha ka saaray.

10/26/2013 6:30 AM EST
Sabti, Oktoobar 26, 2013 (HOL) — Dowladda Kenya ayaa sheegtay markii ugu horreysay in weerarrada laga geysto gudaha dalkaas laga soo abaabulo magaalada xeebta ku taalla ee Mombasa, kaddib kulan magaaladaas ku dhexmaray wasiirka arrimaha gudaha dalkaas iyo Imaamyada masaajidda.

10/26/2013 6:23 AM EST
Sabti, Oktoobar 26, 2013 (HOL) — Ciidammo Itoobiyaan ah ayaa maanta gaaray duleedka degmada Balad-xaawo ee gobolka Gedo, kuwaasoo kulammo la leh madaxda degmadaas, si ay u xalliyaan dagaallo halkaas ka dhacay.

10/26/2013 2:20 AM EST
Sabti, Oktoobar 26, 2013 (HOL) — Wasiirka Arimaha gudaha Kenya, Joseph Ole Lenku ayaa shaqada ka eryey 15 sarkaal oo ka tirsan saraakiisha sarsare ee waaxda socdaalka kaddib markii lagu eedeeyay in dad ajaanib ah ay si sharci darro ah ku siiyeen warqadaha aqoonsiga iyo baasaboorada dalkaasi.

10/26/2013 2:11 AM EST
Sabti, Oktoobar 26, 2013 (HOL) — Maamul goboleedka Galmudug ayaa soo saaray amar uu ku mamnuucayo in xilliyada habeenkii ah ay gaadiidka leh muraayadaha madow dhex-maraan xaafadaha Koonfurta Gaalkacyo oo uu ka taliyo maamulku.

10/26/2013 2:01 AM EST
Sabti, Oktoobar 26, 2013 (HOL) — Ugu yaraan saddex qof ayaa ku dhintay tiro kalena way ku dhaawacmeen dagaal ku dhexmaray ciidamada dowladda Soomaaliya iyo kuwa Ahlusunna Waljamaaca degmada Balad-xaawo ee gobolka Gedo.

10/26/2013 1:50 AM EST
Sabti, Oktoobar 26, 2013 (HOL) — Guddoomiyaha degmada Huriwaa, Cumar Jacfaan oo la hadlay qaar ka mid ah warbaahinta Muqdisho ayaa sheegay in qaybo ka mid ah degmada Huriwaa ay ku sugan yihiin xoogagga Al-shabaab, maamulkiisana uu wado qorshayaal ay ku doonayaan inay degmada kaga sifeeyaan.

10/26/2013 1:36 AM EST
Sabti, Oktoobar 26, 2013 (HOL) — Taliyaha waaxda socdaalka iyo jinsiyadaha dowladda Soomaaliya, Jen. C/llaahi Gaafoow Maxamuuda ayaa sheegay in ciddii lagu helo isagoo wata baasabaoorka cagaaran ee Soomaaliga oo ah midkii hore loo aqonsan doono inuu yahay qof la shaqeeya Al-shabaab iyo kooxo kale oo argagaxiso ah.