3/29/2024
Today from Hiiraan Online:  _
Wararka Maanta- Talaado, Oct 22, 2013
Talyaha ciidanka Booliska Soomaaliyeed oo sheegay in isbadal lagu sameyn doono hogaanka booliska

Talaado, October 22, 2013(HOL) :- Taliyaha ciidanka booliska Soomaaliyeed Gen. C/xakiin Daahir Siciid (Saacid) oo warbaahinta la hadlay ayaa sheegay in dhawaan is badal lagu sameyn doono ciidamada booliska Soomaaliyeed iyo hogaankooda.

Masuulkan ayaa sheegay in isbadalkani uu noqon doono mid sare loogu qaadayo tayada ciidamada Booliska Soomaaliyeed, wuxuu intaa ku daray in ciidamada Booliska aqoontooda sare loo qaadi doono islamarkaana ay heli doonaan tababarro la xiriira shaqooyinkooda.

Gen. Saacid ayaa xusay in sanadka cusub ay u gudbi doonaan qorsheyaal wax looga badalayo hannaanka shaqo ee ciidamada Booliska Soomaaliyeed, isagoo intaa raaciyay in isabadallo badan ay ku sameyn doonaan guud ahaan ciidanka booliska iyo hogaankiisa.

Gabagabadii masuulkan ayaa sheegay in ciidamada boolisku ay yihiin adeegayaasha shacabka, wuxuuna xusay in ay lagama maarmaan tahay in boolisku uu kasbado kalsoonida shacabka, arintaasoo uu xusay in ay horseedi karto wada shaqeyn toos ah oo dhexmarta booliska iyo dadka shacabka ah.

Dowladda Soomaaliya ayaa dadaal ugu jirta sidii ay u xaqiijin lahayd ammaanka guud ee dalka, xilli gobollo badan oo dalka ka tirsan ay gacanta ku hayaan xooggagga Al-shabaab oo iyagu siweyn uga soo horjeeda dowladda Soomaaliya iyo ciidamada AMISOM ee ku sugan dalka.

 

Xasan Nuur, Hiiraan Online
[email protected]
Kismaayo – Soomaaliya.













Click here
10/22/2013 10:21 AM EST
Talaado, Oktoobar 22, 2013 (HOL) — Madaxweynaha Somalia, Xasan Sheekh Maxamud ayaa si kulul u cambaareeyay falkii isku dayga dilka ee loo geystay wariye Maxamed Maxamud Tima-cadde oo u shaqeynayey Universal TV, isla markaana hay'adaha amniga ku amray in sharciga la horkeeno ciddii isku dayga dilk wariyaha oo haatan isbitaal ugu jira dhaawacii kasoo gaaray falkaas arxan la'aanta ah.

10/22/2013 10:00 AM EST
Talaado, Oktoobar 22, 2013 (HOL) — Waxaa durbaba heer gabo –gabo ah maraya qeybta labaad ama dabaqa labaad ee masaajidka Bardaha ee magaalada Beledweyne oo ay siweyn isaga xil saareen dhismahiisa bulshada ku dhaqan ku dhaqan magaalada Beledweyne.

10/22/2013 7:00 AM EST
Talaado, Oktoobar 22, 2013 (HOL) — Ciidamada booliska ee magaalada Boosaaso ayaa gacanta kusoo dhigay labo nin oo shalay dhac u geystey qaar kamid ah dukaammada dahabka ee suuqa magaalada Boosaaso, islamarkaana diley haweeney kamid ahayd kuwa dahabka iibiya.

10/22/2013 6:32 AM EST
Talaado, October 22, 2013(HOL) :- Waxaa maanta magaalada Kismaayo kasoo dagay wafdi ballaaran oo isugu jiray ururrada Midowga Afrika (AU), ururka Midowga Yurub (EU) iyo xubno ka socday ururka IGAD.

10/22/2013 2:04 AM EST
Talaado, Oktoobar 22, 2013 (HOL) — Madaxweynaha dalka Uganda Yoweri Museveni ayaa niyad jab iyo anfariir ka qaaday warbixin ay u soo gudbiyeen ciidamada Uganda ee UPDF oo ka tirsan howlgalka AMISOM kuwaas oo bedel ahaan ugu soo laabta dalkooda.

10/22/2013 1:57 AM EST
Talaado, Oktoobar 22, 2013 (HOL) — Qarax ayaa xalay fiidkii ka dhacay saldhig boolis oo ku yaal magaalada Gaalkacayo dhinaca uu maamulka Puntland ka arrimiyo.

10/22/2013 1:57 AM EST
Talaado, Oktoobar 22, 2013 (HOL) — Kooxo dabley ah ayaa saaka degmada Waadjir ee gobolka Banaadir ku dhaawac ugu geystan wariye Maxamed Maxamuud Tima-cadde oo ka Telefishinka afka Soomaaliga ku hadla ee Universal, iyadoo dhaawiciisa ka la dhigay isbitaalka Madiina.