3/29/2024
Today from Hiiraan Online:  _
Wararka Maanta- Axad, Oct 20, 2013
Wasiirro ka tirsan Xukuumadda Federaalka Soomaaliya oo gaaray Degmada Beledweyne ee Xarunta Gobolka Hiiraan (SAWIRRO)


Axad, Oktoobar 20, 2013 (HOL) — Wafdi ka socday xukuumada Soomaaliya oo ay ka mid ahaayeen wasiirrka Kheyraadka dalka C/risaaq Cumar Max’ed iyo wasiirrka wasaarrada gaashaandhiga xukuumada Soomaaliya C/xakiin Xaaji Max’uud Fiqi ayaa maanta gaaray magaalada Beledweyne ee xarunta gobolka Hiiraan oo maalintii shalay uu ka dhacay weerar Ismiidaamin ah oo ay ku dhinteen dad rayid u badnaa.

Xubanaha gollaha wasiirrada ayaa markii ay gaareen magaalada Beledweyne kulan balllaaran la yeeshay, mas'uuliyiinta maamulka gobolka, xildhibaanno ka tirsan baarlamaanka oo todobaadyadii ugu daneeyayba ku sugnaa magaalada, xubno ka socday wasaarrada arrimaha gudaha, odayaal dhaqameed, mas'uuliyiin horay xilal uga soo qabtay maamulka gobolka Hiiraan, iyo saraakiisha ciidamada dowladda oo ay dhamaantood uga tacsiyeeyeen weerarkii shalay ka dhacay magaalada Beledweyne.           

Wasiirka wasaarrada Kheraadka C/risaaq Cumar Max’ed ayaa sheegay in ay dowladdu si weyn uga xuntahay weerarkii shalay ka dhacay Beledweyne oo sida uu sheegay ahaa weerar fulaynimo ah oo ay soo qaadeen kooxaha sida uu hadalka u dhigay argagixisada.

“Dowladda runtii dhacdadii maalintii shalay halkan [Beledweyne] ka dhacday aad ayeey uga xumaatay, waxaa uu ahaa weerar bahalnimo ah oo la oran karo dhinac kale waxaa uu ahaa mid fuleynimo ah oo lagu laayay shacabka aan waxba galabsan oo maqaaxida fadhiyay, waan u tacsiyadeyneynaa dhamaan eheladii ay dadkooda ku geeriyoodeen weerarkaas,’’ ayuu yiri wasiirrka Kheyraadka.

Wasiirka wasaarrada gaashaandhiga xukuumada Soomaaliya C/xakiin Xaaji Max’uud Fiqi in Al-shabaab guul-dareysteen, kadib sida uu hadalka u dhigay u soo jeesteen in ay bartilmaameedsadaan dadka rayidka ah, laakiin waxaa uu sheegay in taas aysan ka hor istaagi doonin dowladda sii wadista dadaalada nabadeed.

“Shacabka waan in ay gacan ku siiyaan ciidamada dowladda iyo AMISOM sidii looga adkaan lahaa kuwa falalka noocan oo kale ah ku kacaya, marnaba talaabooyinka iyo ficiladaan foosha xun nagama hor istaagi doonaan dadaalka nabadeed iyo hormarka aynu hiigsaneyno,’’ ayuu yiri wasiirrka gaashaandhiga.

Weerarkii Ismiidaaminta ahaa ee shalay oo ay mas’uuliyadiisa sheegteen Al-shabaab waxaa ku nafwaayay 19 ruux oo u badnaa dad rayid ah, halka in ka badan 30 ruuxna ay ku dhaawacmeen, kuwaa oo maanta qaarkood dhaawacooda loo qaaday magaalada Muqdisho.








C/raxmaan Diini, Hiiraan Online
[email protected]
Beledweyne, Soomaaliya













Click here
10/20/2013 2:08 PM EST
Axad, Oktoobar 20, 2013 (HOL) — Guddiyada joogtada ah ee baarlamaanka federaalka Soomaaliya ayaa maanta kulan ay ku yeesheen Muqdisho waxay kaga doodeen hirgelinta nidaamka xisbiyada siyaasadeed ee dalka iyo sidii loo xoojin lahaa howlaha baarlamaanka.

10/20/2013 1:36 PM EST
Axad, Oktoobar 20, 2013 (HOL) — Siyaasiyiin iyo xildhibaano ka tirsan guddiyada difaaca iyo amaanka baarlamaanka Kenya ayaa dadaal xooggan ugu jira sidii loo xiri lahaa xeryaha qoxootiga Dhadhaab ee dalka Kenya oo ay ku jiraan in ka badan nus-malyuun qoxooti Soomaaliyeed ah.

10/20/2013 1:19 PM EST
Axad, Oktoobar 20, 2013 (HOL) — Madaxweynaha Puntland, C/raxmaan Sh. Maxamed Faroole ayaa maanta kula kulmay magaalada Garoowe ee xarunta Puntland wakiilka Qaramada Midoobay ee arrimaha Somalia, danjire Nicholas Kay oo maanta booqasho ku tagay Puntland.

10/20/2013 12:57 PM EST
Axad, Oktoobar 20, 2013 (HOL) — Wasiirka caafimaadka Soomaliland, Saleebaan Ciise Xagla-toosiye ayaa maanta dhagax-dhigay dhismaha machadka caafimaadka gobolka Sool, kaasoo laga dhisayo magaalada xarunta ah ee Laascaanood.

10/20/2013 9:03 AM EST
Axad, Oktoobar 20, 2013 (HOL) — Laanta Socdaalka Somaliland ayaa dawladda Itoobiya kala wareegay dhalinyayaro tahriibayaal Soomaali ah oo lagu soo qabtay xadka u dhexeeya Itoobiya iyo Suudaan.

10/20/2013 9:01 AM EST
Axad, October 20, 2013(HOL):- Dhowrkii Bilood ee ugu dambeeyey gudaha Magaalada Baardheere ee Gobolka Gedo waxaa ka soconayey Howlo balaaran oo isugu jirta dib u dhis iyo balaarin lagu sameynayey Masjidka Jaamaca ee Khadiimiga ah ee ku yaala bartamaha magaalada Baardheere oo dhisnaa mudo ka badan ilaa 320sano oo ahayd xilligii Baardheere la degay,iyadoo ujeedada dhismaha Masjidkuna ay tahay Balaarin iyo dib u habeyn.

10/20/2013 8:53 AM EST
Axad, Oktoobar 20, 2013 (HOL) — Gobolladda iyo Degmooyinka Somaliland ayaa maanta si rasmi waxa uga bilaabmay talaalka cudurka Dabaysha oo la sheegay inuu ka dilaacay dalalka Jaarka ah.

10/20/2013 8:51 AM EST
Axad, October 20, 2013(HOL) :- Waxaa maanta gaaray magaalada Kismaayo ee xarunta gobolka J/hoose wafdi ballaaran oo uu horkacayo wasiirka arimaha gudaha iyo amniga qaranka dowladda federaalka Soomaaliya Mudane C/kariin Xuseen Guuleed.

10/20/2013 7:52 AM EST
Axad, Oktoobar 20, 2013 (HOL) — Waxaa garoonka diyaaradaha magaalada Beledweyne ee xarunta gobolka Hiiraan laga soo qaaday maanta qaar ka mid ah dadkii qabay dhaawacyada culus ee wax yeeladu kasoo gaartay weerarkii is-miidaaminta ahaa ee shalay ka dhacay magaalada Beledweyne, si loogu soo daweeyo Muqdisho.

10/20/2013 7:32 AM EST
Axad, Oktoobar 20, 2013 (HOL) — Wafdi ka socda ciidamada ururka Midowga Afrika ee AMISOM ayaa kulan wadatashi ah kula yeeshay Kismaayo hoggaaminaya mamulka KMG ah ee Jubba, Sheekh Axmed Maxamed Islaam (Madoobe).

10/20/2013 3:56 AM EST
Axad, Oktoobar 20, 2013 (HOL) — Xaflad sagootin ah oo xalay magaalada Muqdisho loogu sameeyay fanaanadda weyn ee Soomaaliyeed Hibo Maxamed Hudoon (Hibo Nuura) bishii lasoo dahafay dalka kusoo laabatay kaddib 22-sano oo ay ka maqnayd, waxaana xafladdan ka qaybgalay haween ay ka mid yihiin marwooyinka madaxda dalka.

10/20/2013 3:38 AM EST
Axad, Oktoobar 20, 2013 (HOL) — Madaxweynaha Somalia, Xasan Sheekh Maxamuud ayaa ka dalbaday hay’adaha kala duwan ee dowladda Soomaaliya inay u gurmadaan dadkii waxyeelladu kasoo gaartay qaraxii ka dhacay magaalada Baladweyne shalay oo Sabti ahayd.

10/20/2013 3:22 AM EST
Axad, Oktoobar 20, 2013 (HOL) — Ciidamada Soomaaliya iyo kuwa Itoobiya ee ku sugan gobollada Bay iyo Gedo ayaa waxaa la sheegay inay ku wajahan yihiin degmada Waajid ee gobolka Bakool oo ka mid ah degmooyinka ay ka taliso Al-shabaab.

10/20/2013 3:10 AM EST
Axad, Oktoobar 20, 2013 (HOL) — Saddex ka mid ah dadkii ay dhaawacyada culus kasoo gaareen weerarkii ismiidaamin ee shalay ka dhacay magaalada Baladweyne ayaa xalay ku geeriyooday isbitaalka magaaladaas, iyadoo tani ay ka dhigayso dadkii weerarkaas ku dhintay 19-qof.