3/28/2024
Today from Hiiraan Online:  _
Wararka Maanta- Arbaco, Oct 2 , 2013
Dowladda Kanada oo shaacisay inay Malaayiin Doollar ku bixinayso xoojinta Howlgalka Midowga Afrika ee Soomaaliya

eaeb4e90ac5a04476ae1fef3629b146d3f96a373.jpg
Arbaco, Oktoobar 02, 2013 (HOL) — Dowladda Kanada ayaa sheegtay inay ku bixinayso shan milyan oo doollar xoojinta howgalka Midowga Afrika ee Soomaaliya (AMISOM), iyadoo tallaabadan ay kusoo beegmayso xilli weerar ay Al-shabaab ku qaadday dhisme ganacsi oo ku yaalla magaalada Nairobi.

Wasiirka arrimaha dibadda Kanada, John Baird ayaa sheegay in dhaqaalahan uu yahay mid sare looga qaadayo dadaallada looga hortagayo argagaxisada, sidoo kalena waxaan hal milyan oo doollar ku bixin doonnaa barnaamijyada lagu xallinayo khilaafaadyada Geeska Afrika.

Join Baird wuxuu sheegay in dalkiisu uu horay ugu ballanqaaday Soomaaliya lacag gaaraysa 37-milyan oo doollar. Sidoo kalena ay dhaqale kale oo dheeri ah ku dareen yaboohii caalamku ugu sameeyay Soomaaliya shirkii New Dael kaasoo ay kazoo baxday in Soomaaliya lagu taageero 2.4 bilyan.

Sidoo kale, wasiiradda arrimaha dibadda, Fowziyo Yuusuf Xaaji Aadan ayaa sheegtay inay dowladdeedu soo dhaweynayso dhaqaalaha AMISOM loogu deeqay, iyadoo dhinaca kalena sheegtay in ciidamada dowladda iyo kuwa AMSIOM ay jabiyeen Al-shabaab.

“Al-shabaab waxay ku taagan tahay lugtii ugu dambeysay, dagaalyahanno badan ayaa ka dhintay, waxaa ku dhacay niyad-jab, dhul badan ayaa laga qabsaday, dhaqaalana ma haystaan. Marka kama walwalayno iyaga, waayo innnagu waxaan ka talinnaa dhul ballaaran, iyaguna waxay ku sugan yihiin meelo aad u kooban. Balse waxaan uga baahannahay dunida in gacan laga geysto sidii loo cirib-tiri lahaa,” ayay tiri wasiiradda oo intaas raacisay inay codsanayso in caalamku uu gacan ku siiyo sidii ciidamada Soomaaliya loo xoojin lahaa.

Iyadoo sii hadlaysa ayaa waxay hadalkeeda ku dartay: "Waxaanu doonaynaa inaan cagaheenna ku istaagno oo difaacanno xeebaheenna oo aan difaacano dhulkeenna, isla markaana aan cirib-tirino Al-shabaab.”

Xarakada Al-shabaab ayaa muddo afar sano ah isku dayaysay inay xukunka ka tuurto dowladihii Soomaaliya soo maray oo ay ku jirto dowladdan rasmiga ah, inkastoo labadii sano ee lasoo dhaafay laga awood roonaaday, haddana waxay dib u muujisay inay weli leedahay awood ay weerarro ku qaadi karto.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
10/2/2013 12:18 PM EST
Arbaco, Oktoobar 02, 2013 (HOL) — Xarakada Al-shabaab ee Somalia ayaa ku goodisay maanta oo Arbaco ah inay kordhinayso weerarrada ay Kenya ka geysanayso, kaddib markii madaxda Kenya ay ku gacan-sayreen inay kala baxaan Soomaaliya ciidamadooda.

10/2/2013 11:57 AM EST
Arbaco, Oktoobar 02, 2013 (HOL) — Hay’adda xuquuqda aadanaha ee Amnesty International ayaa uga digtay dowladda Kenya inay kumannaanka qoxootiga Soomaaliyeed ay dib ugu celiso dalkooda oo dalkooda ay weli ka jiraan rabashado iyo khatar dhinaca ammaanka ah.

10/2/2013 10:59 AM EST
Arbaco, Oktoobar 02, 2013 (HOL) — Guddiga baarlamaanka dalka Kenya u qaabilsan difaaca ayaa la filayaa inay ugu baaqaan dowladda Kenya in la xiro dhammaan xeryaha qaxootiga ee ku yaalla dalka Kenya oo ay ku jiraan dad u badan Soomaali ah sababo dhinaca mmaanka ah awgeed.

10/2/2013 10:45 AM EST
Arbaco, Oktoobar 02, 2013 (HOL) — Maxkamadda dambiyada dagaalka ee ICC aya amar ku bixisay in lasoo xiro wariye u dhashay dalka Kenya oo lagu eedeeyay inuu fara-gelin ku sameeyay dacwadda loo haysto madaxweyne ku xigeenka dalka Kenya, William Ruto.

10/2/2013 7:26 AM EST
Arbaco, October 02, 2013(HOL) :- Qaraxan oo la sheegay in uu ahaa nooca miinooyinka dhulka lagu aaso ayaa waxa uu ka dhacay xaafadda Farjanno, gaar ahaan waaxda Siinaay, walow aysan jirin khasaarooyinka ka dhashay qaraxa.

10/2/2013 3:58 AM EST
Arbaco, Oktoobar 02, 2013 (HOL) — Xaflad si wanaagsan loo soo abaabulay laguna soo dhaweynayo ra'iisul wasaare ku xigeenka ahna wasiirka arrimaha dibada iyo iskaashiga caalamiga ah ee dowladda Soomaaliya, Fawzia Yuusuf Xaaji Aadan ayaa lagu qabtay magaalo madaxda dalka Canada ee Ottawa.

10/2/2013 3:58 AM EST
Arbaco, Oktoobar 02, 2013 (HOL) — Dabley aan haybtooda la garanayn ayaa saakay toogasho ku dilay taliye ku xigeenkii saldhigga booliiska degmada Hodan ee gobolka Banaadir, Col. Shariif Aadan Maxamuud (Seefle).

10/2/2013 3:53 AM EST
Arbaco, Oktoobar 02, 2013 (HOL) — Dagaal culus ayaa ciidamada dowladda Soomaaliya iyo kuwa Al-shabaab ku dhexmaray xalay degmada Mahadaay ee gobolka Shabeellada dhexe, waxaana dagaalkaas ka dhashay khasaare kala duwan.

10/2/2013 3:25 AM EST
Arbaco, Oktoobar 02, 2013 (HOL) — Laba ka mid ah suxufiyiinta ka hawlgala magaalada Laascaanood ee xarunta gobolka Sool ayaa maalintii labaad ku xiran saldhigga dhexe ee maaalada kaddib markii lagu eedeeyay inay baahiyeen warar been ah oo ku saabsan hawlgalo ay dowladda hoose ee Laasacaanood ku banneynayso waddooyin.