4/13/2021
Today from Hiiraan Online:  _
Wararka Maanta- Talaado, Oct 15, 2013
Madaxweynaha Soomaaliya oo ammaanay Xubnaha Baarlamaanka Somalia kuna bogaadiyay inay sii wadaan howlahooda (SAWIRRO)



Talaado, Oktoobar 15, 2013 (HOL) — Madaxweynaha Somalia Xasan Sheekh Maxamud, guddoomiyaha baarlamaanka, Maxamed Sheekh Cusmaan Jawaari iyo ra’iisul wasaaraha xukuumadda, Cabdi Faarax Shirdoon (Saacid) ayaa maanta munaasabad qado-sharaf ah u sameeyey xildhibaannada golaha shacabka, waxaaba kasoo qaybgalay ra’iisul wasaare ku-xigeenka, xubno ka tirsan golaha wasiirrada iyo xubnaha baarlamaanka.

Xafladan ayaa waxaa ka hadlay madaxweynaha Somalia, guddoomiyaha baarlamaanka iyo ra’iisul wasaaraha, iyagoo ku boorriyay xildhibaannada inay laba jibaataan howlahooda.

Madaxweyne Somalia ayaa ugu horreyntii hambalyada ciidda u gudbiyay xildhibaanada sharafta leh, kana codsaday inay sii laba-jibaaraan howlaha qaranka ay u hayaan. Isla markaana sheegay in sannadkii hore wax badan qabsoomeen, inta hartayna la doonayo in sannadkan xoogga la saaro.

DAAWO SAWIRRADA QADO-SHARAFTA:

“Aad iyo aad baan ugu faraxsanahay waxqabadka baarlamaanka sannadkii la soo dhaafay oo ay muuqatay mas’uuliyad, isku duubni, wada-shaqeyn iyo baarlamaanka oo meel mariyay sharuuc fara badan. Hase yeeshee waxaa lama huraan ah inaan sii laba-jibaarno dadaalkaas oo labada sano ee soo socda ay muhiim yihiin in lasii dhameystiro howlaha baaxadda leh ee na sugaya. Far isku fiiqiddu aad bay u yarayd sannadkan, waxaana nalaga rabaa samir, dulqaad iyo inaan wixii macquul ah oo horumarka nagu sii hagaya aan si wadajir ah u wada sameyno,” ayuu yiri madaxweynaha Soomaaliya.

Madaxweynaha oo ka hadlayay horumarka dowladda ayaa yiri mar kale yiri: “Horumar ballaaran baan ka sameynay arrimaha dibadda, maaliyadda iyo amniga, wallow dadaal fara badan nalaga rabo oo dhanka ammaanka ah, bacdamaa amniga uu yahay tiirka iyo aasaaska horumarka. Dhammaan horumarka xiriirka caalamiga ah waxay naga rabaan inaan sii joogtayno oo kalsoonida ugu fiican ee aan caalamka siin karno waa innagoo amniga guud ee dalka ka shaqeynaya.”

Sidoo kale, waxaa goobta ka hadlay guddoomiyaha baarlamaanka iyo ra’iisul wasaaraha Soomaaliya iyagoo halkaas ka sheegay inay aad ugu faraxsan yihiin sida wanaagsan ee uu baarlamaanku howlihiisa ku qabtay, iyagoo ugu baaqay xildhibaannada inay halkaas kasii wadaan dadaalladooda ku aaddan ka miro-dhalinta howlaha horyaalla sannadaha soo socda.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/15/2013 7:22 PM EST
Sidee looga ciiday maanta munsaabadda Ciidul Adxaa. Daawo sawiro laga soo qaaday magaalada Minneapolis ee gobolka Minnesota.

10/15/2013 12:24 PM EST
Talaado, Oktoobar 15, 2013 (HOL) — Magaalada Laascaanood ee xarunta gobolka Sool iyo degmada Buuhoodle ayaa maanta si wanaagsan looga ciiday, iyadoo ay boqolaal qof ay isugu soo baxeen goobo loo cayiray inay dadku ku tukadaan.

10/15/2013 9:33 AM EST
Talaado, Oktoobar 15, 2013 (HOL) — Madaxweynaha Soomaaliya, Xasan Sheekh Maxamuud ayaa wareysi uu siiyay wargeys wabaahinta caalamka qaarkeed ku sheegay ay ciidamada Mareykanku ku qaadeen toddobaad ka hor degmada Baraawe ee gobolka Shabeellada Hoose lagu soo wargeliyay.

10/15/2013 9:17 AM EST
Talaado, Oktoobar 15, 2013 (HOL) — Wakiilka Midowga Afrika ee arrimaha Soomaaliya Mahamet Salah Anndif iyo wafdi uu hogaaminayo oo uu ka mid yahay taliyaha guud ee ciidamada midowgga Africa AMISOM Jen Andrew Gutti ayaa gaaray magaalada Beledweyne ee xarunta gobolka Hiiraan.

10/15/2013 9:09 AM EST
Talaado, October 15, 2013(HOL) :- Munaasibadda ciidda barakeeysan ee ciidul Adxa ayaa maanta siweyn looga xusay magaalada Kismaayo, iyadoona kumannaan qof ay isugu soo baxeen fagaareyaal kala duwan oo ku yaal magaalada Kismaayo.

10/15/2013 8:57 AM EST
Talaado, Oktoobar 15, 2013 (HOL) — Munaasabada Ciidul-Adxaa oo ka mid ah munaasabadaha ku weyn quluubta shacabka muslim-ka ah meel kasta oo ay joogaan, ayaa guud ahaanba siweyn looga maamuusay gobollada dalka Soomaaliya.

10/15/2013 4:43 AM EST
Talaado, Oktoobar 15, 2013 (HOL) — Xukuumadda Soomaaliya ayaa rajo wanaagsan ka qabta in kordhinta ciidamada AMISOM ay sabab u noqon karaan in laga adkaado Al-shabaab oo ka talisa deegaanno badan oo ka tirsan Soomaaliya, kuwaasoo ay ku jiraan magaalooyinka muhiim ah oo ay ka mid tahay degmada Baraawe oo 200-km koonfur kaga beegan Muqdisho.

10/15/2013 4:22 AM EST
Talaado, Oktoobar 15, 2013 (HOL) — Wasiirka Arrimaha gudaha Somaliland Cali Maxamed Waran-cadde ayaa mamnuucay in Dad sita E-Passporka Soomaaliya aanay ka gudbi Karin xuduudda u dhexeysa Somaliland iyo Soomaaliya.

10/15/2013 4:13 AM EST
Talaado, Oktoobar 15, 2013 (HOL) — Ugu yaraan laba qof ayaa ku geeriyooday habeen hore, ruux kalana wuu ku dhaawacmay ka dib markii nin la sheegay inuu maskaxda ka xanuunsanayo rasaas oodda kaga qaaday xaflad aroos oo ka dhacaysay miyiga magaaladda Gabiley.

10/15/2013 4:05 AM EST
Talaado, Oktoobar 15, 2013 (HOL) — Waaberigii hore ee saakka, ayaa dadweynaha ku nool goboladda Somaliland ku dareereen garoomadda waaweyn si ay usoo gutaan waajibaadka labadda Ragcadood ee salaadda ciidda.

10/15/2013 3:49 AM EST
Talaado, Oktoobar 15, 2013 (HOL) — Madaxda dowladda Somalia ayaa kula tukaday maanta masaajidka isbahaysiga Islaamka salaaddii ciidul-adxa, iyadoo hadal uu madaxweynuhu ka jeediyay masaajidka uga dalbaday dadka Soomaaliyeed inay isku naxariistaan oo ay is-cafiyaan.