4/16/2021
Today from Hiiraan Online:  _
Wararka Maanta- Talaado, Oct 15, 2013
Nin la sheegay inuu Maskaxda ka jiran yahay oo dad ku laayay Xaflad Aroos oo ka dhacaysay Miyiga Gabiley ee Somaliland


Talaado, Oktoobar 15, 2013 (HOL) — Ugu yaraan laba qof ayaa ku geeriyooday habeen hore, ruux kalana wuu ku dhaawacmay ka dib markii nin la sheegay inuu maskaxda ka xanuunsanayo rasaas oodda kaga qaaday xaflad aroos oo ka dhacaysay miyiga magaaladda Gabiley. 

Guddoomiyaha gobolka Gabiley Ibraahim Yuusuf Geeddi ayaa warbaahinta u xaqiijiyey dhacdadan naxdinta leh ee  ka dhacday meesha la yidhaa Caadda ee gobolka Gabiley, waxaanu sheegay in dadkii ku nafweeyey iyo kuwii ku dhaawacmay ba dhamaantood ahaayeen dumar.

Gudoomiyuhu waxa uu intaas ku daray in ninkan ay eheladoodu cadeeyeen inuu ahaa nin xaga maskaxda ka jirin, haseyeeshee la baadhayo sababta uu qoriga u helay iyo waxa ku kalifay inuu dadkaasi laayo.

Taliyaha Booliska qaybta Gabiley, ayaa isna xaqiijiyey falkaasi dhacay, waxaanu sheegay in ninkaasi magaciisa la yidhaa Gahayr Xasan Mudan, haseyeeshee wuxuu taliyuhu xusay inay markiiba ka heshiiyeen labaddii  dhinac ee ay ka soo kala jeedeen dhibanayaashu iyo Ninka falka geystay reerkoodu, waxaanay qoyska uu ka soo jeedo ninkaasi dilka geystay balanqaadeen inay bixinayaan magta labadda qof ee geeriyooday iyo qof kale ee dhaawaca ah.

“Ninkaasi dilka gaystay wuxuu ahaa nin maskaxdda ka xanuunsanaya wuuna baxsaday, laakiin labadda dhinac durba arrintaasi way ka heshiiyeen waxaanay bixiyeen qoyskii uu ka soo jeeday ninka dadka laayey  lixdan milyan oo shilling Somaliland ah oo xabaalo qodkii ah, waxaanay balanqaadeen magta labadda qof ee geeriyooday”ayuu yidhi taliyaha Booliska Gabiley Cabdilaahi Xasan Faarax oo ka hadlayey dilka ka dhacay deegaanka Caadda ee magaaladda Gabiley.

Ciidamadda booliska ayaa la sheegay inay baadhayaan dhacdadan oo inta badan dadkii deegaanka ka yaabisay, waxaana xafladdii arooska ee farxada ahayd mar qudha isku bedeshay madal geeriyeed, kuwaas oo dadkii ku keentay cabsi badan.

Barkhad-ladiif M. Cumar, Hiiraan Online
[email protected]
Hargeysa, Somaliland












Click here
10/15/2013 7:22 PM EST
Sidee looga ciiday maanta munsaabadda Ciidul Adxaa. Daawo sawiro laga soo qaaday magaalada Minneapolis ee gobolka Minnesota.

10/15/2013 12:25 PM EST
Talaado, Oktoobar 15, 2013 (HOL) — Madaxweynaha Somalia Xasan Sheekh Maxamud, guddoomiyaha baarlamaanka, Maxamed Sh. Cusmaan Jawaari iyo ra’iisul wasaaraha xukuumadda, Cabdi Faarax Shirdoon (Saacid) ayaa maanta munaasabad qado-sharaf ah u sameeyey xildhibaannada golaha shacabka, waxaaba kasoo qaybgalay ra’iisul wasaare ku-xigeenka, xubno ka tirsan golaha wasiirrada iyo xubnaha baarlamaanka.

10/15/2013 12:24 PM EST
Talaado, Oktoobar 15, 2013 (HOL) — Magaalada Laascaanood ee xarunta gobolka Sool iyo degmada Buuhoodle ayaa maanta si wanaagsan looga ciiday, iyadoo ay boqolaal qof ay isugu soo baxeen goobo loo cayiray inay dadku ku tukadaan.

10/15/2013 9:33 AM EST
Talaado, Oktoobar 15, 2013 (HOL) — Madaxweynaha Soomaaliya, Xasan Sheekh Maxamuud ayaa wareysi uu siiyay wargeys wabaahinta caalamka qaarkeed ku sheegay ay ciidamada Mareykanku ku qaadeen toddobaad ka hor degmada Baraawe ee gobolka Shabeellada Hoose lagu soo wargeliyay.

10/15/2013 9:17 AM EST
Talaado, Oktoobar 15, 2013 (HOL) — Wakiilka Midowga Afrika ee arrimaha Soomaaliya Mahamet Salah Anndif iyo wafdi uu hogaaminayo oo uu ka mid yahay taliyaha guud ee ciidamada midowgga Africa AMISOM Jen Andrew Gutti ayaa gaaray magaalada Beledweyne ee xarunta gobolka Hiiraan.

10/15/2013 9:09 AM EST
Talaado, October 15, 2013(HOL) :- Munaasibadda ciidda barakeeysan ee ciidul Adxa ayaa maanta siweyn looga xusay magaalada Kismaayo, iyadoona kumannaan qof ay isugu soo baxeen fagaareyaal kala duwan oo ku yaal magaalada Kismaayo.

10/15/2013 8:57 AM EST
Talaado, Oktoobar 15, 2013 (HOL) — Munaasabada Ciidul-Adxaa oo ka mid ah munaasabadaha ku weyn quluubta shacabka muslim-ka ah meel kasta oo ay joogaan, ayaa guud ahaanba siweyn looga maamuusay gobollada dalka Soomaaliya.

10/15/2013 4:43 AM EST
Talaado, Oktoobar 15, 2013 (HOL) — Xukuumadda Soomaaliya ayaa rajo wanaagsan ka qabta in kordhinta ciidamada AMISOM ay sabab u noqon karaan in laga adkaado Al-shabaab oo ka talisa deegaanno badan oo ka tirsan Soomaaliya, kuwaasoo ay ku jiraan magaalooyinka muhiim ah oo ay ka mid tahay degmada Baraawe oo 200-km koonfur kaga beegan Muqdisho.

10/15/2013 4:22 AM EST
Talaado, Oktoobar 15, 2013 (HOL) — Wasiirka Arrimaha gudaha Somaliland Cali Maxamed Waran-cadde ayaa mamnuucay in Dad sita E-Passporka Soomaaliya aanay ka gudbi Karin xuduudda u dhexeysa Somaliland iyo Soomaaliya.

10/15/2013 4:05 AM EST
Talaado, Oktoobar 15, 2013 (HOL) — Waaberigii hore ee saakka, ayaa dadweynaha ku nool goboladda Somaliland ku dareereen garoomadda waaweyn si ay usoo gutaan waajibaadka labadda Ragcadood ee salaadda ciidda.

10/15/2013 3:49 AM EST
Talaado, Oktoobar 15, 2013 (HOL) — Madaxda dowladda Somalia ayaa kula tukaday maanta masaajidka isbahaysiga Islaamka salaaddii ciidul-adxa, iyadoo hadal uu madaxweynuhu ka jeediyay masaajidka uga dalbaday dadka Soomaaliyeed inay isku naxariistaan oo ay is-cafiyaan.