5/6/2021
Today from Hiiraan Online:  _
Wararka Maanta- Isniin, Oct 14, 2013
Saraakiisha Booliiska Magaalada Beledweyne oo soo Bandhigay Dhallinyaro ka tirsan Xarakada Al-shabaab oo lasoo qabtay


Isniin, Oktoobar 14, 2013 (HOL) — Saraakiisha ammniga maamulka gobollka Hiiraan ayaa soo bandhigay shan dhalinyarro ah oo marar kala duwan lagu soo qabtay howlgalo laga sameeyay magaalada Beledweyne, kuwaa oo sida ay saraakiisha sheegeen ka tirsan kooxda Al-shabaab.

Col Isaaq Cali C/dulle taliyaha qeybta booliiska maamulka gobolka Hiiraan oo warbaahinta kula hadllay saldhiga booliiska magaalada Beledweyne ayaa sheegay shanta dhalinyarrada ah qeyb ka ahaayeen dilal iyo qaraxyo horay uga dhacay magaalada, dhinaca kalana ku howlanaayeen waqtiga la qabanayay falal amaan darro.

Dhalinyarrada la soo bandhigay ayaa kala ahaa C/rishiid  Faarax  Cabdi ( Dhega Caleen),  C/risaaq Axmed Nuur (Barqadle), Ibraahim Aadan Cumar,  Abuukar Yuusuf Xaaji Ibraahim iyo Xassan Cali Max’uud oo dhamaantood lagu eedeeyay in ay qeyb weyn ku lahaayeen falal  amaan darro oo marar badan oo kala duwan ka dhacay magaalada Beledweyne

Col Isaaq Cali C/dulle ayaa sheegay in raggan qaarkood qeyb ku lahaayeen dilkii afhayeenkii odayaasha dhaqanka, iyo weeraro lagu dhaawacay mid ka mid ah ganacsatada magaalada iyo qaraxyo horay looga fuliyay xaafadda Howl-wadaag ee magaalada Beledweyne.

Saraakiisha ammniga ayaa sheegay in ay sharciga la tiigsan doonaan dhalinyarrada ku eedeysan in ay ka tirsanaayeen Al-shabaab, mana aha markii ugu horeysay oo sidan oo kale warbaahinta loo soo bandhigo dhalinyarro lagu eedeeyay in ay ka tirsan yihiin Al-shabaab.

C/raxmaan Diini, Hiiraan Online
[email protected]
Beledweyne, Soomaaliya












Click here
10/14/2013 8:25 AM EST
Isniin, Oktoobar 14, 2013 (HOL) — Laba qof oo Soomaali ah ayaa dhintay kaddib markii ay la qarxday bambo ay farsameynayeen ay kula qaraxday guri ay ka deggenaayeen magaalada Addis Ababa ee xarunta dalka Itoobiya, halkaasoo ay ku qulqulayeen kumannaan qof si ay u daawadaan ciyaar ka tirsan is-reeb-reebka koobka adduunka oo maanta ka dhacay Addis Ababa.

10/14/2013 7:36 AM EST
Wakaalada wararka ee dalka Belgium ee Belga ayaa shaacisay in xabsiga loo taxaabay Maxamed Cabdi Xassan (Afweyne) oo ahaa mid kamid ah aasaasayaashii burcad badeeda Soomaaliya.

10/14/2013 2:55 AM EST
Isniin, Oktoobar 14, 2013 (HOL) — Wasiirka warfaafinta Soomaaliya, C/llaahi Ciilmooge Xirsi ayaa sheegay in nooc walba oo hub ah aan lala geli karin garoonka diyaaradaha ee Muqdisho, taasoo uu ku sheegay inay tahay mid lagu adkeyayo ammaanka garoonka.

10/14/2013 2:44 AM EST
Isniin, Oktoobar 14, 2013 (HOL) — Malaayiin muslimiin ah oo isaga yimid daafaha dunida ayaa ku sugan Banka Carrafo si ay u gutaan waajibaadka Xajka oo ka mid ah tiirarka ay ku taagan tahay diinta Islaamka, kuwaasoo maanta oo dhan halkaas ku sugnaan doona.

10/14/2013 2:27 AM EST
Isniin, Oktoobar 14, 2013 (HOL) — Iskahorimaad khasaare gesytay ayaa ku dhexmaray xalay duleedka deegaanka Ceelasha biyaha ee gobolka Shabeellada Hoose ciidamada dowladda Soomaaliya, kuwa AMIOSM iyo xoogagga Al-shabaab.

10/14/2013 2:10 AM EST
Isniin, Oktoobar 14, 2013 (HOL) — Ra’iisul waasaraha Soomaaliya, Cabdi Faarax Shirdoon (Saacid) ayaa sheegay in xukuumaddiisu ay doonayso in ciidamada Kenya ay sii joogaan Soomaaliya, isagoo xusay in kooxihii ka dambeeyay weerarkii Westgate Mall aan la oran karin waa Soomaali.