4/16/2021
Today from Hiiraan Online:  _
Wararka Maanta- Axad, Oct 13, 2013
Haweenka ku nool Puntland oo baqdin ka muuijnaya in xubno ay ku yeelan Waayaan Baarlamaanka cusub ee Puntland


Axad, Oktoobar 13, 2013 (HOL) — Haweenka Puntland ayaa walaac ka muujiyay ka qayb galka xubnaha ka mid noqonaya baarlamaanka cusub ee Puntlad, iyagoo sheegay in shacabka Puntland ay weli ku dhagan yihiin dhaqanka ah in haweenka aysan ka mid noqon hay’adaha xukuumadda.

Saynab Ugaas Yaasiin oo ah wasiir ku xigeenka wasaaradda haweenka ee maamulka Puntland oo hadlaysay warbaahinta ayaa sheegtay maanta oo Axad ah in inaan wax rajo ah laga qabin in haweenka ay ka mid noqdaan xubnaha baarlamanaka cusub ee Puntland,.

Wasiir ku xigeenku waxay arintaasi sabab uga dhigtay in shacabka Puntland ay weli ku dhaqmayaan nidaamka qabiilka taasna ay hoos u dhigayso inay haweenka deegaannadaas ku nool ka mid noqdaan baarlamaanka cusub ee lasoo dhisayo.

“Muddo badan ayaan xoogga saaraynay sidii haweenka Puntland ay u heli lahaayeen xaquuqda iyo doorka ay ku lee yihiin siyaasadda, markii Puntland la dhisay sannadkii 1998-kii haweenku si weyn ayay uga dhex-muuqdeen siyaasadda, balse muddooyinkii dambe waxaa muuqanaysay inay haweenku kusii yaraanayaan siyaasadda,” ayay tiri wasiir ku xigeenku.

Haweenka Puntland ayay ugu baaqday Saynab inaysan waxba ka niyad jabin in loo diido xilalkii ay baarlamaanka iyo xukumadda ku lahaayeen, waxayna sheegtay inay sii labi doonaan dadaalka ay xili kasta ugu jiraan sidii doorka haweenka uu u noqon lahaa mid muuqda.

Ugu dambeyn, wasiir ku xigeenka wasaaradda haweenka Puntland waxay u jeediyay odayaasha dhaqan iyo mas’uuliyiinta inay wax ka badalaan in la caburiyo haweenka, iyadoo tilmaamtay haddii haweenka la siiyo fursaddooda ay kasoo bixi karaan howlaha lagu aamino.

Sannadihii dambe waxay haweenka Soomaaliyeed dadaal weyn ugu jireen sidii ay xuquuqaadkooda uga heli lahaayeen hay’adaha dowladda iyadoo ay baarlamaanka federaalka Soomaaliya xubno ka yihiin 20% haween, inkastoo ay weli jirto cabasho ay muujinayaan.

Baarlamaanka federaalka Soomaaliya ayaa ah midka ugu badan ee ay xubno ka yihiin haweenka Soomaaliyeed, marka loo eego baarlamaannada ka jira gobollada dalka qaarkood, waxaana tusaale loosoo qaadan karaa in golaha wakiillada Somaliland ay ku jirto haweeney qura.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/13/2013 2:19 PM EST
Axad, Oktoobar 13, 2013 (HOL) — Madaxweynaha Somalia, Xasan Sheekh Maxamuud oo maanta dib ugu soo laabtay Muqdisho kaddib shir uu kaga soo qaybgalay magaalada Addis Ababa ee dalka Itoobiya ayaa soo dhaweeyay go’aanka ay madaxda Afrika ku gaareen in la kordhiyo ciidamada AMISOM.

10/13/2013 1:56 PM EST
Axad, Oktoobar 13, 2013 (HOL) — Iskahorimaad u dhexeeyay ciidammada ka tirsan kuwa dowladda Soomaaliya iyo kooxo hubeysan ayaa galabta ka duleedka magaalada Muqdisho, gaar ahaan deegaanka Siinka dhee kaddib markii uu ciidamada iyo kooxaha hubeysan soo dhexgalay muran.

10/13/2013 1:34 PM EST
Axad, Oktoobar 13, 2013 (HOL) — Maxkamadda gobolka Sool ayaa xukunno kala duwan ku ridday maanta dad la sheegay inay ahaayeen kuwo dilal iyo dhaawacyo geystay, kuwaas oo ay ku jireen kuwii dilay weriye Axmed Saakin oo 23-kii Oktobar ee sannadkii hore lagu dilay magaalada Laascaanood.

10/13/2013 10:42 AM EST
Sheekh Maxamed Yaasiin oo ah maalqabeen Soomaaliyeed ayaa shaaciyay inuu isu soo taagayo tartanka doorashada madaxtinnimo ee la filayo in bisha Janaury ay ka dhacdo magaalada Garoowe ee xarunta u ah Puntland.

10/13/2013 8:51 AM EST
Axad, Oktoobar 13, 2013 (HOL) — Hay’adaha ammaanka Kenya iyo kuwa reer galbeedka ayaa walaac xooggan ka muujinaya in Al-shabaab ay mar kale weerarro argagaxiso ka geysato gudaha dalka Kenya, sida uu qoray maanta Wargeyska Daily Nation ee kasoo baxa Kenya.

10/13/2013 8:17 AM EST
Axad, Oktoobar 13, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa war-saxaafadeed uu maanta soo saaray ku sheegay in xukuumaddu ay xaqiijinayso in ammaanka Muqdisho uu yahay mid la isku halleyn karo oo wanaagsan.

10/13/2013 7:57 AM EST
Axad, Oktoobar 13, 2013 (HOL) — Wasiirka warfaafinta, isgaarsiinta iyo gaadiidka xukuumadda Soomaaliya, C/llaahi Ciilmooge Xirsi ayaa maanta hortagay xildhibaannada baarlamaanka Soomaaliya isagoo uga warbixiyay heshiiskii ay xukuumaddu la gashay shirkadda FAVOR LLC oo dhawaan lagu wareejiyay maamulka garoonka diyaaradaha ee Muqdisho.

10/13/2013 7:32 AM EST
Axad, October 13, 2013(HOL)—Xaflad si weyn loo soo agaasimay oo lagu soo dhaweynayay siyaasiga Maxamed Cumar Waayeel oo booqasho ku jooga dalka Sweden ayaa xalay lagu qabtay Magaalada Katrineholm ee dalka Sweden, iyadoo xafladdana ay ka soo qeybgalay dad badan oo ka kala yimid magaalooyin kala duwan oo dalka Sweden ka tirsan.

10/13/2013 7:11 AM EST
Axad, Oktoobar 13, 2013 (HOL) — Dowladda Suudaan ayaa muujisay sida ay uga xun tahay go’aankii madaxda ururka Midowga Afrika ay ka qaateen maxkamadda dambiyada dagaalka ee ICC, iyadoo ku tilmaantay inuu yahay go’aan jilicsan.

10/13/2013 3:31 AM EST
Axad, Oktoobar 13, 2013 (HOL) — Wasiirka ganacsiga iyo warshadaha dowladda Somalia, Maxamuud Xasan Axmed ayaa sheegay in wasaaraddu ay sameysay guddi baaritaanno ku sameynaya raashinka iyo dawooyinka dalka kasoo gelinayo si ganacsiga dalka la keenayo uu u noqdo mid tayo ahaan aad u wanaagsan.

10/13/2013 3:06 AM EST
Axad, Oktoobar 13, 2013 (HOL) — Kooxo bastoolado ku hubeysan ayaa xalay ku dilay degmada Yaaqshiid ee magaalada Muqdisho saddex wiil oo dhallinyaro ah, kuwaasoo lagu dhex-toogtay dawaar ay ku lahaayeen xaafadda Carafaat.

10/13/2013 2:45 AM EST
Axad, Oktoobar 13, 2013 (HOL) — Kulan looga hadlayay ammaanka dalka ayaa xalay lagu qabtay Muqdisho, kaasoo ay ka qaybgaleen ra’iisul wasaare Saacid, saraakiisha ciidamada ammaanka iyo taliyeyaal.