4/16/2021
Today from Hiiraan Online:  _
Wararka Maanta- Axad, Oct 13, 2013
RA’IISUL WAASARE SAACID: “Waxaan Xaqiijinayaa in Magaalada Muqdisho ay tahay Magaalo Ammaankeedu Wanaagsan yahay”



Axad, Oktoobar 13, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa war-saxaafadeed uu maanta soo saaray ku sheegay in xukuumaddu ay xaqiijinayso in ammaanka Muqdisho uu yahay mid la isku halleyn karo oo wanaagsan.

Saacid ayaa sheegay in ammaanka magaalada lagu xaqiijiyay iskaashi ay si wadajira h u sameeyeen shacabka iyo hay’adaha ammaanka Muqdisho ayna amaan ka tahay weerarada ay Al-shabaab geysanayaan.

“Xukuumaddu waxay dhaqaale fara badan ku bixisay sidii amaanku uu ku noqon lahaa mid la isku halleyn karo, waana lagu guuleysatay taas,” ayuu ku yiri qoraalkiisa oo ku qornaa afka Ingiirka.

Ra’iisul wasaaraha ayaa hadalkiisan wuxuu kusoo beegmayaa kaddib kulan xalay ka dhacay Muqdisho oo laba saacadoo qaatay, kaasoo looga hadlay ammaanka magaalada Muqdisho iyo qaybaha kale ee dowladdu ay dalka ka maamusho.

“Magaalada waa magaalo ay ku nool yihiin in ka badan laba milyan oo qof. Waa magaalo uu dhaqalaaha ugu badan kasoo galo xukuumadda, waana magaalo saldhig u ah xukuumadda, sidaa daraadeed waa waajib inaan ka shaqeyno ammaankeeda oo aan ka hortago weerarrada ay Al-shabaab ka geysanayso,” ayuu ra’iisul wasaaruhu mar kale ku yiri qoraalkiisa.

Sidoo kale, wuxuu xusay in xukuumaddu ay ku howlan tahay sidii ay uga shaqeyn lahayd in Al-shabaab laga saaro deegaannada ay dalka uga sugan tahay iyadoo shacabkeeda kaashanaysa.

“Culummada Soomaaliyeed waxay dhawaan soo saareen fatwo, taasoo ah in Al-shabaab aysan tahay cadowga dadka iyo dadka, inagoo taas ka duulayna ayaan go’aansannay inaan ka shaqeyno ammaanka dalka,” ayuu mar kale yiri ra’iisul wasaare Saacid.

Inkastoo ra’iisul waasaruhu uu hadalkan sheegay ayaa haddana waxaa xalay ka dhacay degmada Yaaqshiid ee gobolka Banadir dilka saddex dhalliyaro ah oo ku sugnaa goob ay dharka ku tolaan oo ku taalla xaafadda Carrafaat, waxaana dilkooda geystay kooxo bastoolado ku hubeysan oo la rumeysan yahay inay Al-shabaab ka tirsan yihiin.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/13/2013 2:19 PM EST
Axad, Oktoobar 13, 2013 (HOL) — Madaxweynaha Somalia, Xasan Sheekh Maxamuud oo maanta dib ugu soo laabtay Muqdisho kaddib shir uu kaga soo qaybgalay magaalada Addis Ababa ee dalka Itoobiya ayaa soo dhaweeyay go’aanka ay madaxda Afrika ku gaareen in la kordhiyo ciidamada AMISOM.

10/13/2013 1:56 PM EST
Axad, Oktoobar 13, 2013 (HOL) — Iskahorimaad u dhexeeyay ciidammada ka tirsan kuwa dowladda Soomaaliya iyo kooxo hubeysan ayaa galabta ka duleedka magaalada Muqdisho, gaar ahaan deegaanka Siinka dhee kaddib markii uu ciidamada iyo kooxaha hubeysan soo dhexgalay muran.

10/13/2013 1:34 PM EST
Axad, Oktoobar 13, 2013 (HOL) — Maxkamadda gobolka Sool ayaa xukunno kala duwan ku ridday maanta dad la sheegay inay ahaayeen kuwo dilal iyo dhaawacyo geystay, kuwaas oo ay ku jireen kuwii dilay weriye Axmed Saakin oo 23-kii Oktobar ee sannadkii hore lagu dilay magaalada Laascaanood.

10/13/2013 10:42 AM EST
Sheekh Maxamed Yaasiin oo ah maalqabeen Soomaaliyeed ayaa shaaciyay inuu isu soo taagayo tartanka doorashada madaxtinnimo ee la filayo in bisha Janaury ay ka dhacdo magaalada Garoowe ee xarunta u ah Puntland.

10/13/2013 9:14 AM EST
Axad, Oktoobar 13, 2013 (HOL) — Haweenka Puntland ayaa walaac ka muujiyay ka qayb galka xubnaha ka mid noqonaya baarlamaanka cusub ee Puntlad, iyagoo sheegay in shacabka Puntland ay weli ku dhagan yihiin dhaqanka ah in haweenka aysan ka mid noqon hay’adaha xukuumadda.

10/13/2013 8:51 AM EST
Axad, Oktoobar 13, 2013 (HOL) — Hay’adaha ammaanka Kenya iyo kuwa reer galbeedka ayaa walaac xooggan ka muujinaya in Al-shabaab ay mar kale weerarro argagaxiso ka geysato gudaha dalka Kenya, sida uu qoray maanta Wargeyska Daily Nation ee kasoo baxa Kenya.

10/13/2013 7:57 AM EST
Axad, Oktoobar 13, 2013 (HOL) — Wasiirka warfaafinta, isgaarsiinta iyo gaadiidka xukuumadda Soomaaliya, C/llaahi Ciilmooge Xirsi ayaa maanta hortagay xildhibaannada baarlamaanka Soomaaliya isagoo uga warbixiyay heshiiskii ay xukuumaddu la gashay shirkadda FAVOR LLC oo dhawaan lagu wareejiyay maamulka garoonka diyaaradaha ee Muqdisho.

10/13/2013 7:32 AM EST
Axad, October 13, 2013(HOL)—Xaflad si weyn loo soo agaasimay oo lagu soo dhaweynayay siyaasiga Maxamed Cumar Waayeel oo booqasho ku jooga dalka Sweden ayaa xalay lagu qabtay Magaalada Katrineholm ee dalka Sweden, iyadoo xafladdana ay ka soo qeybgalay dad badan oo ka kala yimid magaalooyin kala duwan oo dalka Sweden ka tirsan.

10/13/2013 7:11 AM EST
Axad, Oktoobar 13, 2013 (HOL) — Dowladda Suudaan ayaa muujisay sida ay uga xun tahay go’aankii madaxda ururka Midowga Afrika ay ka qaateen maxkamadda dambiyada dagaalka ee ICC, iyadoo ku tilmaantay inuu yahay go’aan jilicsan.

10/13/2013 3:31 AM EST
Axad, Oktoobar 13, 2013 (HOL) — Wasiirka ganacsiga iyo warshadaha dowladda Somalia, Maxamuud Xasan Axmed ayaa sheegay in wasaaraddu ay sameysay guddi baaritaanno ku sameynaya raashinka iyo dawooyinka dalka kasoo gelinayo si ganacsiga dalka la keenayo uu u noqdo mid tayo ahaan aad u wanaagsan.

10/13/2013 3:06 AM EST
Axad, Oktoobar 13, 2013 (HOL) — Kooxo bastoolado ku hubeysan ayaa xalay ku dilay degmada Yaaqshiid ee magaalada Muqdisho saddex wiil oo dhallinyaro ah, kuwaasoo lagu dhex-toogtay dawaar ay ku lahaayeen xaafadda Carafaat.

10/13/2013 2:45 AM EST
Axad, Oktoobar 13, 2013 (HOL) — Kulan looga hadlayay ammaanka dalka ayaa xalay lagu qabtay Muqdisho, kaasoo ay ka qaybgaleen ra’iisul wasaare Saacid, saraakiisha ciidamada ammaanka iyo taliyeyaal.