4/16/2021
Today from Hiiraan Online:  _
Wararka Maanta- Axad, Oct 13, 2013
Xukuumadda Sudan oo Dhaliishay Go’aankii ay Madaxda Midowga Afirka ka qaateen Maxkamadda Caalamiga ah ee ICC


Axad, Oktoobar 13, 2013 (HOL) — Dowladda Suudaan ayaa muujisay sida ay uga xun tahay go’aankii madaxda ururka Midowga Afrika ay ka qaateen maxkamadda dambiyada dagaalka ee ICC, iyadoo ku tilmaantay inuu yahay go’aan jilicsan.

Madaxda Midowga Afirka ayaa kulan ay ku yeesheen shalay oo Sabti ahayd magaalada Addis Ababa ayay ku sheegeen in maxkamadda dambiyada ee ICC aysan u yeeri karin mas’uul Afirkaan ah oo xil haya tan iyo intii uu xilka ka dagayo.

“Go’aankii Midowga Afirka ay ka qaateen maxkamadda caalamiga ah ee ICC ma ahan midkii loo baahnaa, balse tallaabo horay loo qaada,” ayaa ku yiri wasiirka arrimaha dibadda ee Suudaan, Cali Karti shir jaraa’id oo uu maanta ku qabtay magaalada Khartoum ee xarunta dalkaas.

Wasiirka oo ka mid ahaa wafdigii dowladda Suudaan uga qaybgalay shirkaas ayaa sheegay in madaxdu si aad ah uga doodeen dhaqamada maxkamadda dambiyada, balse aysan si wanaagsan u muujin hadafkooda ku aaddan sidii ay uga bixi lahaayeen.

“Ururka Midowga Afrika waxaan u gudbinay go’aankeenna oo ahaa inay ka laabato maxkamadda amarkii ay ku bixisay in lasoo xiro madaxweyne Cumar Xasan Al-Bashiir, balse dalabkeenna waxba kama aysan oran madaxda,” ayuu ku daray hadalkiisa.

Maxkamadda dambiyada dagaalka ayaa horay amar ugu bixisay in lasoo xiro madaxweynaha dalka Suudaan, iyadoo go’aanka ay Suudaan doonaysay uu ahaa in madaxda Midowga Afirka ay qaataan go’aan cad oo ah in ururku uu joojiyay la shaqeynta maxkamadda, balse taasi ma dhicin.

Go’aankii ay madaxda Midowga Afrika gaareen ayaa ahaa in maxkamaddu aysan u yeeri karin mas’uul Afrikaan ah oo xil haya tan iyo inta uu xilkaas ka dagayo, taasoo madaxda dacwaduhu kaga furan yihiin maxkamadda ay u arkeen in go’aanka ururku uu yahay mid jilicsan.

Maxkamadda dambiyada dagaalka ayaa lagu eedeeyay inay ugaarsi gaar ah ku hayso madaxda Afirka, iyagoo ku tilmaamay maxkamadda inay tahay mid ay dalalka reer Yurub u adeegsanayaan hab siyaasadeed lagu curyaaminayo dalalka Afrika oo keliya.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/13/2013 2:19 PM EST
Axad, Oktoobar 13, 2013 (HOL) — Madaxweynaha Somalia, Xasan Sheekh Maxamuud oo maanta dib ugu soo laabtay Muqdisho kaddib shir uu kaga soo qaybgalay magaalada Addis Ababa ee dalka Itoobiya ayaa soo dhaweeyay go’aanka ay madaxda Afrika ku gaareen in la kordhiyo ciidamada AMISOM.

10/13/2013 1:56 PM EST
Axad, Oktoobar 13, 2013 (HOL) — Iskahorimaad u dhexeeyay ciidammada ka tirsan kuwa dowladda Soomaaliya iyo kooxo hubeysan ayaa galabta ka duleedka magaalada Muqdisho, gaar ahaan deegaanka Siinka dhee kaddib markii uu ciidamada iyo kooxaha hubeysan soo dhexgalay muran.

10/13/2013 1:34 PM EST
Axad, Oktoobar 13, 2013 (HOL) — Maxkamadda gobolka Sool ayaa xukunno kala duwan ku ridday maanta dad la sheegay inay ahaayeen kuwo dilal iyo dhaawacyo geystay, kuwaas oo ay ku jireen kuwii dilay weriye Axmed Saakin oo 23-kii Oktobar ee sannadkii hore lagu dilay magaalada Laascaanood.

10/13/2013 10:42 AM EST
Sheekh Maxamed Yaasiin oo ah maalqabeen Soomaaliyeed ayaa shaaciyay inuu isu soo taagayo tartanka doorashada madaxtinnimo ee la filayo in bisha Janaury ay ka dhacdo magaalada Garoowe ee xarunta u ah Puntland.

10/13/2013 9:14 AM EST
Axad, Oktoobar 13, 2013 (HOL) — Haweenka Puntland ayaa walaac ka muujiyay ka qayb galka xubnaha ka mid noqonaya baarlamaanka cusub ee Puntlad, iyagoo sheegay in shacabka Puntland ay weli ku dhagan yihiin dhaqanka ah in haweenka aysan ka mid noqon hay’adaha xukuumadda.

10/13/2013 8:51 AM EST
Axad, Oktoobar 13, 2013 (HOL) — Hay’adaha ammaanka Kenya iyo kuwa reer galbeedka ayaa walaac xooggan ka muujinaya in Al-shabaab ay mar kale weerarro argagaxiso ka geysato gudaha dalka Kenya, sida uu qoray maanta Wargeyska Daily Nation ee kasoo baxa Kenya.

10/13/2013 8:17 AM EST
Axad, Oktoobar 13, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa war-saxaafadeed uu maanta soo saaray ku sheegay in xukuumaddu ay xaqiijinayso in ammaanka Muqdisho uu yahay mid la isku halleyn karo oo wanaagsan.

10/13/2013 7:57 AM EST
Axad, Oktoobar 13, 2013 (HOL) — Wasiirka warfaafinta, isgaarsiinta iyo gaadiidka xukuumadda Soomaaliya, C/llaahi Ciilmooge Xirsi ayaa maanta hortagay xildhibaannada baarlamaanka Soomaaliya isagoo uga warbixiyay heshiiskii ay xukuumaddu la gashay shirkadda FAVOR LLC oo dhawaan lagu wareejiyay maamulka garoonka diyaaradaha ee Muqdisho.

10/13/2013 7:32 AM EST
Axad, October 13, 2013(HOL)—Xaflad si weyn loo soo agaasimay oo lagu soo dhaweynayay siyaasiga Maxamed Cumar Waayeel oo booqasho ku jooga dalka Sweden ayaa xalay lagu qabtay Magaalada Katrineholm ee dalka Sweden, iyadoo xafladdana ay ka soo qeybgalay dad badan oo ka kala yimid magaalooyin kala duwan oo dalka Sweden ka tirsan.

10/13/2013 3:31 AM EST
Axad, Oktoobar 13, 2013 (HOL) — Wasiirka ganacsiga iyo warshadaha dowladda Somalia, Maxamuud Xasan Axmed ayaa sheegay in wasaaraddu ay sameysay guddi baaritaanno ku sameynaya raashinka iyo dawooyinka dalka kasoo gelinayo si ganacsiga dalka la keenayo uu u noqdo mid tayo ahaan aad u wanaagsan.

10/13/2013 3:06 AM EST
Axad, Oktoobar 13, 2013 (HOL) — Kooxo bastoolado ku hubeysan ayaa xalay ku dilay degmada Yaaqshiid ee magaalada Muqdisho saddex wiil oo dhallinyaro ah, kuwaasoo lagu dhex-toogtay dawaar ay ku lahaayeen xaafadda Carafaat.

10/13/2013 2:45 AM EST
Axad, Oktoobar 13, 2013 (HOL) — Kulan looga hadlayay ammaanka dalka ayaa xalay lagu qabtay Muqdisho, kaasoo ay ka qaybgaleen ra’iisul wasaare Saacid, saraakiisha ciidamada ammaanka iyo taliyeyaal.