4/13/2021
Today from Hiiraan Online:  _
Wararka Maanta- Axad, Oct 13, 2013
Kulan looga hadlayay Amniga oo Muqdisho ka dhacay iyo Taliyaha Booliiska oo ka hadlay Qodobbadii kasoo baxay kulanka (SAWIRRO)



Axad, Oktoobar 13, 2013 (HOL) — Kulan looga hadlayay ammaanka dalka ayaa xalay lagu qabtay Muqdisho, kaasoo ay ka qaybgaleen ra’iisul wasaare Saacid, saraakiisha ciidamada ammaanka iyo taliyeyaal.

Taliyaha booliiska Somalia oo kulanka kaddib la hadlay saxaafadda isagoo sheegay in qodobbadii kaso obaxya kulanka ay ka mid yihiin in la xoojiyo sugidda ammaanka Muqdisho iyo ka hortagga kuwa dhibaatooyinka geysta.

“Qodobbada kasoo baxay kulanka waxaa ka mid ah ammaanka la adkeeyo lagana hortago kuwa falalka ammaan-darro ka geysanaya Muqdisho,” ayuu yiri taliyaha booliiska Soomaaliya, Jen. C/kariin Daahir Siciid (Saacid) oo ku daray hadalkiisa in la dar-dargelinayo xoojinta amniga Muqdisho.

Sidoo kale, taliyaha ayaa sheegay in qodobbada soo baxay ay ka mid yihiin sidii in la sameeyo ciidammo gaar ah oo ka hortaga kuwa hubka ku dhex-wata magaalada, isagoo xusay in qof walba oo hub ku dhex wata magaalada la qaban doono.

“Waxaa la isku raacay in ciidammo gaar ah oo leh direys gaar ah laga howl-geliyo Muqdisho si ay uga hortagaan kuwa hubka sharci-darrada ah wata iyo kuwa hubka sharciga ah wata, balse sida khaldan u isticmaalaya,” ayuu yiri Jen. Saacid.

Taliyaha ayaa wuxuu sidoo kale xusay in qof walba oo lagu qabto hub haddii uu yahay mid sharci u haysta oo si khaldan u istimaalay iyo haddii uu yahay qof aan sharci u haysan, isagoo xusay in sharciga lala tiigsan doono.

Ugu dambeyn, taliyaha ayaa sheegay in ciidamadan la siin doono sharciyo gaar ah oo lagu aqoonsado saldhigga uu ka tirsan yahay, ayna ka barbar shaqeyn doonaan xafiisyo loosoo gudbiyo cabashooyinka ku laga tabanayo ciidamadan.



Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/13/2013 2:19 PM EST
Axad, Oktoobar 13, 2013 (HOL) — Madaxweynaha Somalia, Xasan Sheekh Maxamuud oo maanta dib ugu soo laabtay Muqdisho kaddib shir uu kaga soo qaybgalay magaalada Addis Ababa ee dalka Itoobiya ayaa soo dhaweeyay go’aanka ay madaxda Afrika ku gaareen in la kordhiyo ciidamada AMISOM.

10/13/2013 1:56 PM EST
Axad, Oktoobar 13, 2013 (HOL) — Iskahorimaad u dhexeeyay ciidammada ka tirsan kuwa dowladda Soomaaliya iyo kooxo hubeysan ayaa galabta ka duleedka magaalada Muqdisho, gaar ahaan deegaanka Siinka dhee kaddib markii uu ciidamada iyo kooxaha hubeysan soo dhexgalay muran.

10/13/2013 1:34 PM EST
Axad, Oktoobar 13, 2013 (HOL) — Maxkamadda gobolka Sool ayaa xukunno kala duwan ku ridday maanta dad la sheegay inay ahaayeen kuwo dilal iyo dhaawacyo geystay, kuwaas oo ay ku jireen kuwii dilay weriye Axmed Saakin oo 23-kii Oktobar ee sannadkii hore lagu dilay magaalada Laascaanood.

10/13/2013 10:42 AM EST
Sheekh Maxamed Yaasiin oo ah maalqabeen Soomaaliyeed ayaa shaaciyay inuu isu soo taagayo tartanka doorashada madaxtinnimo ee la filayo in bisha Janaury ay ka dhacdo magaalada Garoowe ee xarunta u ah Puntland.

10/13/2013 9:14 AM EST
Axad, Oktoobar 13, 2013 (HOL) — Haweenka Puntland ayaa walaac ka muujiyay ka qayb galka xubnaha ka mid noqonaya baarlamaanka cusub ee Puntlad, iyagoo sheegay in shacabka Puntland ay weli ku dhagan yihiin dhaqanka ah in haweenka aysan ka mid noqon hay’adaha xukuumadda.

10/13/2013 8:51 AM EST
Axad, Oktoobar 13, 2013 (HOL) — Hay’adaha ammaanka Kenya iyo kuwa reer galbeedka ayaa walaac xooggan ka muujinaya in Al-shabaab ay mar kale weerarro argagaxiso ka geysato gudaha dalka Kenya, sida uu qoray maanta Wargeyska Daily Nation ee kasoo baxa Kenya.

10/13/2013 8:17 AM EST
Axad, Oktoobar 13, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa war-saxaafadeed uu maanta soo saaray ku sheegay in xukuumaddu ay xaqiijinayso in ammaanka Muqdisho uu yahay mid la isku halleyn karo oo wanaagsan.

10/13/2013 7:57 AM EST
Axad, Oktoobar 13, 2013 (HOL) — Wasiirka warfaafinta, isgaarsiinta iyo gaadiidka xukuumadda Soomaaliya, C/llaahi Ciilmooge Xirsi ayaa maanta hortagay xildhibaannada baarlamaanka Soomaaliya isagoo uga warbixiyay heshiiskii ay xukuumaddu la gashay shirkadda FAVOR LLC oo dhawaan lagu wareejiyay maamulka garoonka diyaaradaha ee Muqdisho.

10/13/2013 7:32 AM EST
Axad, October 13, 2013(HOL)—Xaflad si weyn loo soo agaasimay oo lagu soo dhaweynayay siyaasiga Maxamed Cumar Waayeel oo booqasho ku jooga dalka Sweden ayaa xalay lagu qabtay Magaalada Katrineholm ee dalka Sweden, iyadoo xafladdana ay ka soo qeybgalay dad badan oo ka kala yimid magaalooyin kala duwan oo dalka Sweden ka tirsan.

10/13/2013 7:11 AM EST
Axad, Oktoobar 13, 2013 (HOL) — Dowladda Suudaan ayaa muujisay sida ay uga xun tahay go’aankii madaxda ururka Midowga Afrika ay ka qaateen maxkamadda dambiyada dagaalka ee ICC, iyadoo ku tilmaantay inuu yahay go’aan jilicsan.

10/13/2013 3:31 AM EST
Axad, Oktoobar 13, 2013 (HOL) — Wasiirka ganacsiga iyo warshadaha dowladda Somalia, Maxamuud Xasan Axmed ayaa sheegay in wasaaraddu ay sameysay guddi baaritaanno ku sameynaya raashinka iyo dawooyinka dalka kasoo gelinayo si ganacsiga dalka la keenayo uu u noqdo mid tayo ahaan aad u wanaagsan.

10/13/2013 3:06 AM EST
Axad, Oktoobar 13, 2013 (HOL) — Kooxo bastoolado ku hubeysan ayaa xalay ku dilay degmada Yaaqshiid ee magaalada Muqdisho saddex wiil oo dhallinyaro ah, kuwaasoo lagu dhex-toogtay dawaar ay ku lahaayeen xaafadda Carafaat.