4/13/2021
Today from Hiiraan Online:  _
Wararka Maanta- Sabti, Oct 12, 2013
Sheekh Siciid Axmed Jaamac oo ka soo jeeda Somaliland oo beeniyay War sheegaya in Al-shabaab ay xil u Magacowday (SAWIRRO)



Sabti, Oktoobar 12, 2013 (HOL) — Qaar ka mid ah Odayaasha iyo waxgaradka Somaliland ayaa beeniyey warar laga qoray Sheekh Siciid Axmed Jaamac oo ah  maamulaha laanta Burco ee shirkadda Afrikan Online inay Al shabaab u magacowday gudoomiyaha magaaladda Baraawe.

Shirjaraa’id oo odayaashani ku qabteen Hoteel shiraacle ee magaaladda Hargeysa ayey ku sheegeen in muwaadinkaasi lagula kacay fal dil ah, isla markaana war aan jirin laga qoray, sidaa darteed xukuumadda ka codsaday inay arrintaasi wax ka qabato si aanay dadka shacabka ahi iskugu dhicin.

“Waxaanu shirkan u qabanaynaa war ku soo baxay Balligubadle Media oo ay qortay bishan sideedeeddii ayey aniga iga qortay in la ii magacaabay taliyaha magaaladda Baraawe ee Al shabaab, runtii waa wax aad looga yaabbay been abuurka  intaas leeg, anigoo ku sugnaa labadii bilood ee u dambeeyey magaaladda Hargeysa ayey yidhaahdeen wuxuu joogaa Baraawe ”ayuu yidhi Siciid Axmed Jaamac oo ah muwaadinka lagu eedeeyey inay taliye ka dhigatay Al shabaab, waxaanu intaas ku daray “waana arrin qofka niyad ahaan iyo maskax ahaan lagu dhibaataynayo,sidaa awgeed waxaanu maanta halkan ka beeninaynaa warkaasi in aanu ahayn mid sal iyo raad toona lahayn.”

“Waxaan u sheegayaa dadweynaha in arintaasi yahay mid been abuur ah oo uu yahay cadaawad bareer ah oo layla beegsaday naftayda iyo maalkaygii, marka waxa loo baahan yahay in qofka cirdigiisa iyo maalkiisa la ilaaliyo”ayuu raaciyey hadalkiisa.

Jaamac Cabdi oo ka mid ah waxgaradka beesha uu ka soo jeeddo muwaadinkani ayaa yidhi “waxaan cadaynayaa in Sheikh Siciid Axmed waxa ay ka qortay ay been yahay, waxana ka codsanayaa xukuumada inay talaabo ka qaado dadkan beenta ka sheegaya dadka madaxda iyo culimadda ah ayaan ka codsanaynaa hay’adaha nabadgalyada ee og in aanu Siciid waxaasi gali Karin oo xogogolaal ka yihiin inay talaabo ka qaadaan”

“Wuxuu qoray websitkaasi war deg-deg ah oo uu sheegay in Siciid Axmed Jaar oo ah ninkan i ag fadhiyaa loo magacaabay gudoomiyaha Al-shabaab ee Baraawe, wuxuu intaas ku daray in ninkaasi oo ayaamo ka hor Hargeysa joogay ayaa  imikana buu yidhi ka hawlgalay halkii loo magacaabay oo hadda Baraawe ku sugan buu qoray xilkiina la wareegay ma kaas baan beenaale Media  ahayn”ayuu yidhi Chief Caaqil Axmed Maxamed Daahir oo ka hadlayey mareegtaasi warka ka qortay muwaadinkaasi.

“Waxan ka codsanayna Xukuumada si aanu shacabku iskugu dhicin in waxan oo kale marka uu dhaco inay wax ka qabato oo talaabo sharciga waafaqsan ka qaadaan, mar haddii aad leedahay ninkii wax laga qoray waa kan I ag fadhiyaa wax hadhay ma jiraan oo labadii bilood ee u dambeeyey waxaanu ku wada sugnayn Hargeysa”ayuu yidhi caaqilku.

Siciid Axmed Jaamac ayaa dhowaan baraha internetka lagu baahiyey  inay Al shabaab u magacowday gudoomiyaha magaaladda Baraawe,kaas oo uu si weyn uga cawday muwaadinkaasi, isla markaana ku tilmaamay mid aan sal iyo raad toona lahayn, isagoo sheegay inuu sharciga la tiigsan doonno.


Barkhad-ladiif M. Cumar, Hiiraan Online
[email protected]
Hargeysa, Somaliland












Click here
10/12/2013 4:17 PM EST
London(HOL)-Dowlada Engriiska ayaa munaasabada todobaadka Calanka Soomaaliya awgeed waxay maanta dowlada Soomaaliya ku wareejisay calanki safaaradi hore ee Soomaaliya kulahayd London.

10/12/2013 2:50 PM EST
Sabti, Oktoobar 12, 2013 (HOL) — Madaxweynaha Soomaaliya, Xasan Sheekh Maxamuud ayaa magaalada Addis Ababa ee dalka Itoobiya kula kulmay maanta madaxweynaha dalka Uganda, Yoweri Museveni iyo ku ra’iisul wasaaraha dalka Itoobiya, Hailemariam Desalegn.

10/12/2013 10:47 AM EST
Sabti, Oktoobar 12, 2013 (HOL) — Wasiirka Duulista Hawada Somaliland Maxamuud Xaashi ayaa sheegay inay Soomaaliya jabisay heshiishkii dhinaca hawadda ee dhexmaray Somaliland iyo Soomaaliyo,isla markaana ka hadlay ka soo yeedhay wasiirka Warfaafinta iyo gaadiidka Cirka ee Soomaaliya C/laahi Ciilmooge oo sheegay inay hawadda Soomaaliya laga maamuli doonno magaaladda Muqdisho.

10/12/2013 10:41 AM EST
Sabti, Oktoobar 12, 2013 (HOL) — Shirkii madaxda ururka Midowga Afrika ayaa lasoo gaba-gabeeyey iyadoo go'aanadii kasoo baxay ay ka mid yihiin in madaxweyne ama ku xigeen Afirkaan ah aan looga yeeri karin maxkamadda dambiyada caalamiga ah ee ICC, lana xushmeeyo mudada ay xilka hayaan.

10/12/2013 10:19 AM EST
Sabti, Oktoobar 12, 2013 (HOL) — Naadiga dhaqanka ee SYL-II ayaa xaflad ballaaran oo shahaado lagu guuddoonsiiyay ugu qabtay Muqdihso fannaanadda weyn ee Hibo Maxamed Hudoon (Hibo Nuura), iyadoo xafladdan ay Khamiistii lasoo dhaafay ka dhacday hoteelka Saxafi.

10/12/2013 10:01 AM EST
Sabti, Oktoobar 12, 2013 (HOL) — Madaxweynaha Somalia, Xasan Sheekh Maxamud ayaa kulan gaar ah la qaatay madaxweynaha dalka Jabuuti, Ismaaciil Cumar Geelle ka hor intii uusan furmin shirkii madaxda Midowga Afrika.

10/12/2013 9:10 AM EST
Sabti, Oktoobar 12, 2013 (HOL) — Munaasabad ballaaran oo ay kasoo qayb-galeen diplomaasiyiin ay ka mid ahaayeen safiirka Nigeria u fadhisa Holland, safiirka dalka Ghana, safiirka Sierra Leone, xubno ka socotay dowladda Kenya, baarlamaanka EU-da qaybtiisa horumarinta Afrika iyo shaqsiyaad kale oo ay ka mid yihiin gabadha haysata kaalinta laabad ee quruxda Afrika, gabadha haysata biladda Top Model-ka, jiliyaal caan ah iyo xubno kale, isla markaana lagu bixinayay abaal marinta Africa Achievers Award 2013 ayaa lagu qabtay magaalada Almere ee dalka Netherlands.

10/12/2013 8:40 AM EST
Sabti, Oktoobar 12, 2013 (HOL) — Haweeney rayid ah ayaa ku geeriyootay saddex qof oo kalena way ku dhaawacmeen israsaaseyn u dhexeysay askar kawada tirsan ciidamada dowladda Somalia oo maanta ka dhacday degmada Dharkeynley ee gobolka Banaadir.

10/12/2013 8:31 AM EST
Sabti, Oktoobar 12, 2013 (HOL) — Ra’iisul wasaaraha Somalia, Cabdi Faarax Shirdoon oo maanta shir jaraa’id ku qabtay xafiiskiisa Muqdisho ayaa ka hadlay maalinta calanka iyo muhiimada ay u leedahay Soomaaliya.

10/12/2013 8:29 AM EST
Sabti, Oktoobar 12, 2013 (HOL) — Ururka Midowga Afrika ayaa dalbaday in la kordhiyo ciidamada AMISOM ee ku sugan Soomaaliya, si dagaalka lagula jiro Al-shabaab oo sheegatay mas’uuliyadda weerarkii Westgate Mall loo xoojiyo.

10/12/2013 2:23 AM EST
Sabti, Oktoobar 12, 2013 (HOL) — Dowladda Kuwait ayaa sheegtay inay ku dhisayso garoonka diyaaradaha magaalada Garoowe ee xarunta Puntland iyo jaamacadda Maakhir lacag dhan 10-milyan oo doollar oo amaah ah.

10/12/2013 2:01 AM EST
Sabti, Oktoobar 12, 2013 (HOL) — Madaxweynaha Somalia, Xasan Sheekh Maxamuud ayaa hambalyo ku aaddan sannad-guuradii 59-aad ee kasoo wareegtay markii ugu horreysay oo calan Soomaaliyeed laga taago ciidda Soomaaliya u diray shacabka Soomaaliyeed.