5/14/2021
Today from Hiiraan Online:  _
Wararka Maanta- Jimco, Oct 11, 2013
Madaxweyne Xasan Sheekh oo ku baaqay in la xoojiyo dagaalka lagula jiro Al-shabaab ka hor intii uusan u dhoofin Addis Ababa


Jimco, Oktoobar 11, 2013 (HOL) — Madaxweynaha Somalia, Xasan Sheekh Maxamuud iyo wafdi uu hoggaaminayo oo ay ka mid ahaayeen wasiirrada arrimaha dibadda iyo difaaca ayaa u ambabaxay maanta magaalada Addis Ababa, iyadoo madaxweynuhu uu sheegay intii uusan dhoofin in la xoojiyo dagaallada lagula jiro Al-shabaab.

Magaalada Addis Ababa ayaa wuxuu madaxweynaha iyo wafdigiisu kaga qaybgalayaan in shirar aan caadi ahayn oo ay yeelanayaan madaxda Midowga Afrika iyo IGAD. Waxaana shirka Midowga Afrika looga hadli doonaa maxakamadda danbiyada caalamiga ah ee ICC. Madaxweyne Xasan ayaa sidoo kale wuxuu ka qeyb-geli doonaa shir madaxda dalalka ku bahoobay IGAD ay yeelanayaan, kaasoo looga hadli doono amniga iyo falkii foosha xumaa ee ka dhacay goobta ganacsi ee Westgate Mall.

“Soomaaliya waxey dagaal kula jirtay muddo sannado ah argagixiso, waana inaan hadda sii labo jibaarnaa howlgaladda lagula jiro. Waa inaan u diidna in ay helaan dhul ay ku tababartaan ama ay ka soo maleegaan qorshayaasha argagaxiso, waana inaan hubsaanaa in howlgaladda ciidamada ay bar-bar socdaan midka saxaafadda iyo wacyi-gelinta,” ayuu ku yiri madaxweynuhu hadal uu jeediyay intii uusan maanta dhoofin.

Madaxweyne Xasan ayaa sheegay in Al-shabaab ay la mid tahay Kansar in la daweeyo u baahan, isagoo xusay inuu caalamka weydiisanayo in gacan laga siiyo dagaalka ay kula jiraan Al-shabaab oo uu sheegay in awood ahaan ay hoos u dhaceen.

“Weerarkii ay Al-shabaab ku qaadeen Westgate Mall wuxuu ahaa mid qaab siyaasadeysan loo sameeyay, kaasoo ahaa in la yiraahdo Al-shabaab way ka xoog badan tahay sidii hore, balse taasi ma ahan mid sax ah. Al-shabaab way ka tabar yar-yihiin sidii hore,” ayuu hadalkiisa ku daray isagoo tusaale u soo qaatay dhulkii ay Al-shabaab xukumaysay sannadkii 2011 iyo dhulka ay hadda gacanta ku hayso.

Sidoo kale, madaxweynaha Somalia wuxuu ka hadlay weerarkii ay horraantii toddobadkan ay ku qaadeen ciidamada Mareykanka degmada Baraawe oo ay ka taliso Al-shabaab, isagoo sheegay inuu qayb ka yahay iskaashiga lagula dagaalamayo Al-shabaab ee ka dhexeeya dowladda iyo beesha calaamka.

“In Al-shabaab lagula dagaalamo ciidan ahaa waa mid muhiim ah, laakiinse waxaa ka muhiimsan in laga shaqeeyo sidii fikirkooda lagu tirtiri lahaa, sidoo kalena looga celin lahaa dhallinyarada da’yar ee u dagaalama, taasina waa hab ka mid ah hababka looga guuleysan karo fikradaha Al-shabaab oo ah kuwo ku dhisan rabshado,” ayuu madaxweynuhu hadalkiisa ku daray.

Ugu dambeyn, wuxuu sheegay in waxbarashada, horumarka, warbaahin iyo taageero calaamka ay yihiin kuwa keliya ee Al-shabaab looga adkaan karo, isagoo intaas ku daray in shacabka Soomaaliyeed ay karaahsadeen ficilada  Al-shabaab.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/11/2013 1:57 PM EST
Jimco, Oktoobar 11, 2013 (HOL) — Guddoomiyaha gobolka Bay, Cabdi Aadan Hoosow ayaa maanta dib guu laabtay Muqdihso isgaoo ka warbixiyay safarro uu kusoo maray dalalka caalamka qaarkood, isagoo ka mid ahaa xubnihii ka qaybgalay shirkii Brussels.

10/11/2013 10:22 AM EST
Jimco, October 11, 2013 (HOL) - Taliyaha ciidamada booliska Soomaaliya Gen. C/xakiim Daahir Siciid (Saacid) ayaa dhagax dhigay xarunta kulleejka gabdhaha agoonta booliska Soomaaliyeed isagoo sidoo kalana kormeeray xarunta oo ay hadda ka socoto dhib u dhis balaaran.

10/11/2013 9:29 AM EST
Jimco, Oktoobar 11, 2013 (HOL) — Markab ganacsi ayaa badbaadiyay dad tahriibayaal ah oo u badan Soomaali, kuwaasoo la socday laba doomood oo saddexdii maalmood ee lasoo dhaafay ay doomihii siday dul sabbeynayeen biyaha u dhexeeya Talyaaniga iyo Liibiya.

10/11/2013 9:01 AM EST
Jimco, Oktoobar 11, 2013 (HOL) — Wasiirka warfaafinta Somalia, Cabdullaahi Ciilmooge Xirsi ayaa maanta sheegay in sababihii shirkadda SKA & Logistic ee maamuli jirtay garoonka diyaaradaha Muqdisho shaqada looga joojiyay ay tahay waxqabad la’aan, isagoo xusay inay muddo badan ka fikirayeen sidii ay u heli lahaayeen shirkad bedesha.

10/11/2013 9:01 AM EST
Jimco, Oktoobar 11, 2013 (HOL) — Danjiraha Somalia u fadhiya dalka Kenya, Maxamed Cali Ameerika ayaa ka hadlay xujey Soomaaliyeed oo lagu qabtay garoonka diyaaradaha Nairobi ee Jommo Kenyatta, kuwaasoo haatan ku xiran magaalada Nairobi.

10/11/2013 8:24 AM EST
Jimco, Oktoobar 11, 2013 (HOL) — Kaddib shir jaraa'id oo guddoomiyaha maamulka gobolka Hiiraan, Cabdi Faarax Laqanyo uu maanta ku qabtay magaalada Baladweyne ayuu ku sheegay inuu kasoo horjeedo kulamo shirar maalmihii ugu danbeeyayba ka socday magaalada Muqdisho oo sida uu sheegay la doonayo in lagu dhiso maamul lagu magacaabo Gal-Hiiraan.

10/11/2013 3:10 AM EST
Jimco, Oktoobar 11, 2013 (HOL) — Madaxweynaha Somaliland, Axmed Maxamed Maxamuud (Siilaanyo) oo dalka dib ugu soo noqday, ayaa sheegay inay Turkiga u sharaxeen inay Somaliland iyo Soomaaliya laba dal kala tahay, isla markaana loo baahan yahay inay laba dal ula kala dhaqmaan.

10/11/2013 2:52 AM EST
Jimco, Oktoobar 11, 2013 (HOL) — Doomo ay saaran yihiin in ka badan 200 oo ruux oo tahriibayaal ah ayaa ku dhawaaday xeebaha Talyaaniga, sida ay sheegeen ciidmada badda Talyaaniga. iyadoo la sheegayo in doomahan oo labada ay weli ku jiraan biyaha dalka Liibiya.

10/11/2013 2:51 AM EST
Jimco, Oktoobar 11, 2013 (HOL) — Wasiirka Boosaha iyo Isgaadhsiinta Somaliland, Maxamed Jaamac Abgaal, ayaa markii ugu horeysay sheegay in inta aanu sanadkani dhamaanuu dalka ka hirgalin doono Boos ay yeelato Somaliland.

10/11/2013 2:09 AM EST
Jimco, Oktoobar 11, 2013 (HOL) — Xarakada Al-shabaab ayaa ku goodisay inay weerarro ka geysan doono dalalka Uganda iyo Kenya oo ay ciidammo kaga sugan yihiin Soomaaliya.

10/11/2013 2:07 AM EST
Jimco, Oktoobar 11, 2013 (HOL) — Qaraxyo ayaa xalay siyaabo kala duwan uga dhacay qaar ka mid ah degmooyinka magaalada Muqdisho, iyadoo qof rayid ah lagu dilay degmada Marko ee gobolka Shabeellada hoose.

10/11/2013 2:06 AM EST
Jimco, Oktoobar 11, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa hay’adaha ammaanka ee dowladda Somalia ugu baaqay inay adkeeyaan ammaanka deegaannada ay dowladdu gacanta ku hayso.