3/29/2024
Today from Hiiraan Online:  _
Wararka Maanta- Jimco, Oct 11, 2013
Wasiirka Warfaafinta Soomaaliya oo sheegay in Shirkadda SKA ay shaqada garoonka uga joojiyeen wax-qabad la’aan

Jimco, Oktoobar 11, 2013 (HOL) — Wasiirka warfaafinta Somalia, Cabdullaahi Ciilmooge Xirsi ayaa maanta sheegay in sababihii shirkadda SKA & Logistic ee maamuli jirtay garoonka diyaaradaha Muqdisho shaqada looga joojiyay ay tahay waxqabad la’aan, isagoo xusay inay muddo badan ka fikirayeen sidii ay u heli lahaayeen shirkad bedesha.

Mudane Ciil-mooge ayaa sheegay in shirkadda FAVORI LLC ee dhawaan lagu wareejiyay maamulka gobolka diyaaradaha Muqdihso oo ka diiwaan-gashan dalka Turkiga ayuu sheegay inay ku doorteen waxyaabo badan oo ay ugu horreyso casriyeyn ay ku sameynayso garoonka diyaaradaha Muqdisho.

“Shirkada SKA & Logistic oo maamulaysay garoonka Aadan Cadde muddo ayaan ka fikiraynay sidii aan u heli lahay shirkad kale oo noo bedesha, shirkadda aan hadda garoonka maamulkiisa u dhiibanyna waxaan ku dooranay arrimo badan oo ay ka mid yihiin inay garoonka ballaarinayso ayna casriyeyn ku sameynayso,” ayuu yiri wasiirka.

Wasiirka oo sii hadlayay ayaa wuxuu sheegay in shirkaddan FAVORI sababta ay ku doorteen ay tahay inay u ballanqaaday inay garoonka diyaaradaha dib u casriyeyn ku sameyn doonto muddo sideed bilood gudahood ah.

“Shirkadan waxay noosoo bandhigtay naqshadeynta garoonka iyo sidii loogu sameyn lahaa ballaarin, waayo garoonka waa yar yahay, wuxuuna u baahan yahay in la ballaariyo, lagana dhigo garoon caalami ah,” ayuu yiri wasiirka warfaafinta Soomaaliya oo u warramayay warbaahinta dowladda.

Dhanka kale, wasiirku wuxuu sheegay in qorshayaashooda ay ka mid yihiin sidii dib loo howlgelin lahaa shirkaddii Somali Airlines, dibna loogu soo celin doono Soomaaliya dhaqaalihii laga ururin jiray hawada Somalia labaatankii sano ee lasoo dhaafay.

Wasiirka ayaa rajo wanaagsan ka muujiyay isbedel ku yimaada garoonka caalamiga ah ee magaalada Muqdisho, kaasoo howshiisu ay noqotay mid si aad ah sare ugu sii kacaysa, ayna kasoo dagaan diyaarado calaami ah.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
10/11/2013 2:01 PM EST
Jimco, Oktoobar 11, 2013 (HOL) — Madaxweynaha Somalia, Xasan Sheekh Maxamuud iyo wafdi uu hoggaaminayo oo ay ka mid ahaayeen wasiirrada arrimaha dibadda iyo difaaca ayaa u ambabaxay maanta magaalada Addis Ababa, iyadoo madaxweynuhu uu sheegay intii uusan dhoofin in la xoojiyo dagaallada lagula jiro Al-shabaab.

10/11/2013 1:57 PM EST
Jimco, Oktoobar 11, 2013 (HOL) — Guddoomiyaha gobolka Bay, Cabdi Aadan Hoosow ayaa maanta dib guu laabtay Muqdihso isgaoo ka warbixiyay safarro uu kusoo maray dalalka caalamka qaarkood, isagoo ka mid ahaa xubnihii ka qaybgalay shirkii Brussels.

10/11/2013 10:22 AM EST
Jimco, October 11, 2013 (HOL) - Taliyaha ciidamada booliska Soomaaliya Gen. C/xakiim Daahir Siciid (Saacid) ayaa dhagax dhigay xarunta kulleejka gabdhaha agoonta booliska Soomaaliyeed isagoo sidoo kalana kormeeray xarunta oo ay hadda ka socoto dhib u dhis balaaran.

10/11/2013 9:29 AM EST
Jimco, Oktoobar 11, 2013 (HOL) — Markab ganacsi ayaa badbaadiyay dad tahriibayaal ah oo u badan Soomaali, kuwaasoo la socday laba doomood oo saddexdii maalmood ee lasoo dhaafay ay doomihii siday dul sabbeynayeen biyaha u dhexeeya Talyaaniga iyo Liibiya.

10/11/2013 9:01 AM EST
Jimco, Oktoobar 11, 2013 (HOL) — Danjiraha Somalia u fadhiya dalka Kenya, Maxamed Cali Ameerika ayaa ka hadlay xujey Soomaaliyeed oo lagu qabtay garoonka diyaaradaha Nairobi ee Jommo Kenyatta, kuwaasoo haatan ku xiran magaalada Nairobi.

10/11/2013 8:24 AM EST
Jimco, Oktoobar 11, 2013 (HOL) — Kaddib shir jaraa'id oo guddoomiyaha maamulka gobolka Hiiraan, Cabdi Faarax Laqanyo uu maanta ku qabtay magaalada Baladweyne ayuu ku sheegay inuu kasoo horjeedo kulamo shirar maalmihii ugu danbeeyayba ka socday magaalada Muqdisho oo sida uu sheegay la doonayo in lagu dhiso maamul lagu magacaabo Gal-Hiiraan.

10/11/2013 3:10 AM EST
Jimco, Oktoobar 11, 2013 (HOL) — Madaxweynaha Somaliland, Axmed Maxamed Maxamuud (Siilaanyo) oo dalka dib ugu soo noqday, ayaa sheegay inay Turkiga u sharaxeen inay Somaliland iyo Soomaaliya laba dal kala tahay, isla markaana loo baahan yahay inay laba dal ula kala dhaqmaan.

10/11/2013 2:52 AM EST
Jimco, Oktoobar 11, 2013 (HOL) — Doomo ay saaran yihiin in ka badan 200 oo ruux oo tahriibayaal ah ayaa ku dhawaaday xeebaha Talyaaniga, sida ay sheegeen ciidmada badda Talyaaniga. iyadoo la sheegayo in doomahan oo labada ay weli ku jiraan biyaha dalka Liibiya.

10/11/2013 2:51 AM EST
Jimco, Oktoobar 11, 2013 (HOL) — Wasiirka Boosaha iyo Isgaadhsiinta Somaliland, Maxamed Jaamac Abgaal, ayaa markii ugu horeysay sheegay in inta aanu sanadkani dhamaanuu dalka ka hirgalin doono Boos ay yeelato Somaliland.

10/11/2013 2:09 AM EST
Jimco, Oktoobar 11, 2013 (HOL) — Xarakada Al-shabaab ayaa ku goodisay inay weerarro ka geysan doono dalalka Uganda iyo Kenya oo ay ciidammo kaga sugan yihiin Soomaaliya.

10/11/2013 2:07 AM EST
Jimco, Oktoobar 11, 2013 (HOL) — Qaraxyo ayaa xalay siyaabo kala duwan uga dhacay qaar ka mid ah degmooyinka magaalada Muqdisho, iyadoo qof rayid ah lagu dilay degmada Marko ee gobolka Shabeellada hoose.

10/11/2013 2:06 AM EST
Jimco, Oktoobar 11, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa hay’adaha ammaanka ee dowladda Somalia ugu baaqay inay adkeeyaan ammaanka deegaannada ay dowladdu gacanta ku hayso.